សកម្មភាពនៃការកំសាន្ត អាចរក្សាអោយពួកគេផ្សារភ្ជាប់ខ្លួនយើង ទៅនឹងសកម្មភាពអ្វីមួយ ដែលស្ថិតនៅ ក្រៅពី ទម្លាប់នៃការងារជាប្រចាំថ្ងៃ។ តើវានឹងមិនអស្ចារ្យទេឬ ប្រសិនបើទម្លាប់ នៃការធ្វើ សកម្មភាពកំសាន្ត ទៅនឹងអ្វីមួយ អាចជួយរក្សាអោយអ្នក មានរូបរាងកាយសមសួន និង មានសុខភាពល្អ បាននោះ ?
ខាងក្រោមនេះ គឺជាសកម្មភាពកំសាន្តមួយចំនួន ដែលអាចនឹងធ្វើអោយ សុខភាពរបស់អ្នក ល្អប្រសើរបាន ៖
១. ធ្វើកិច្ចការនៅក្នុងសួនច្បារ
ការថែទាំសួន គឺប្រហែលជាសកម្មភាពកំសាន្តមួយប្រភេទ ដែលនឹងទាមទារ នូវសកម្មភាពផ្នែក រាងកាយ ខ្លាំងក្លាជាងគេ។ អ្នកអាចនឹង ត្រូវការជីកដី,កាត់តម្រឹមមែកឈើ,រៀបចំផើងផ្កា, ស្រោចទឹកដំណាំ ឬ ផ្កា នៅក្នុងសួន, បេះផ្កា និង ផលដំណាំផ្សេងៗទៀតជាដើម។ គ្មានសកម្មភាព ទាំងអស់នេះណា ដែលនឹងមិនធ្វើអោយអ្នក អស់កម្លាំងនោះទេ ប៉ុន្តែប្រសិនបើអ្នកបានអនុវត្ត នូវសកម្ម ភាពទាំងនេះបានជារៀងរាល់ថ្ងៃ នោះវាអាចនឹងជួយរក្សាកម្រិតកាឡូរីរបស់អ្នក អោយនៅទាបបាន។ ចំណុចល្អនៃការថែសួននោះ គឺថា វាថែមទាំងអាចអោយអ្នកធ្វើបាន នៅក្នុងដែនកំណត់មួយ។ អ្នកអាច សាក ល្បងធ្វើការថែសួន នៅខាងលើផ្ទះរបស់អ្នក ប្រសិនបើអ្នកមិនចង់កកូរកកាយ នៅត្រង់ទីតាំង ខាងមុខផ្ទះ របស់អ្នក។ បន្ថែមពីនេះទៅទៀត ការដាំបន្លែមួយចំនួន គឺអាចជួយបង្កើននូវ គុណភាពអាហារ ដែលអ្នកអាចនឹងទទួលបាន ។
២. ការចម្អិនអាហារ
ការចំអិនអាហារ គឺជាសកម្មភាពនៃចំណង់ចំណូលចិត្តមួយបែបផ្សេងទៀត ដែលអាចធ្វើអោយ សុខភាពជាទូទៅរបស់អ្នក មានភាពល្អប្រសើរបាន។ វាមាននូវហេតុផលជាច្រើន ដែលតែងធ្វើអោយ មនុស្សភាគច្រើន តែងចូលចិត្តទៅទទួលទានអាហារខាងក្រៅផ្ទះ ។ មូលហេតុមួយ ក្នុងចំណោមមូល ហេតុទាំងអស់នោះគឺថា កង្វះបន្លែផ្សេងៗនៅក្នុងផ្ទះ។ ប្រសិនបើអ្នក ប្រកាន់យកការចម្អិនអាហារ ជាប្រភេទសកម្មភាពកំសាន្តមួយ នោះអ្នកនឹងមានឱកាសក្នុងការទទួលបាននូវបទពិសោធន៍ ជាមួយនឹង ការចម្អិនអាហារ និង អាចសាកល្បងនូវមុខម្ហូបប្លែកៗបាន។ វានឹងអាចជួយធ្វើអោយសមាជិកគ្រួសារ អ្នក និង អ្នក អាចជៀសផុតបានពីប្រភេទអាហារចម្អិនស្រាប់ៗនៅខាងក្រៅផ្ទះ ឬ អាហារកំប៉ុងដែលអាចនឹង បំផ្លាញដល់សុខភាពរបស់អ្នក នៅថ្ងៃក្រោយ ។
៣. ការធាក់កង់
ការធាក់កង់ គឺជាវិធីដ៏អស្ចារ្យមួយ ក្នុងការរក្សាបាននូវរូបរាងកាយសមសួន។ ទន្ទឹមនឹងនេះ វាក៏បាន ជួយផងដែរ ក្នុងការកាត់បន្ថយជាតិខ្លាញ់ដែលលើស តាមដែលសកម្មភាពផ្សេងទៀតអាច ហាក់នឹងមិនសូវ មានប្រសិទ្ធិភាពដូចវា។ ការធាក់កង់ នៅតាមតំបន់ជាយក្រុង គឺអាចផ្តល់អោយអ្នកនូវខ្យល់អាកាស បរិសុទ្ធ និង ស្វែងយល់ពីតំបន់ផ្សេងៗជាច្រើនទៀត ។
៤. ការលេងល្បែងកំសាន្ត ដែលទាក់ទងនឹងល្បងប្រាជ្ញា
ភាពមាំទាំ និង សមសួនរបស់មនុស្សម្នាក់ គឺមិនត្រូវបានកំណត់ត្រឹមតែ ចំណុចល្អនៃរូបរាងកាយនោះ ទេ។ ជារឿយៗ ប្រសិនបើកត្តាផ្លូវចិត្តអ្នកមាំទាំគ្រប់គ្រាន់ នោះរាងកាយអ្នក នឹងអាចឆាប់ទៅតាមនោះ បានផងដែរ ។ វាជាការប្រសើរ ក្នុងការមានចំណាប់អារម្មណ៍ទៅលើ ល្បែងកំសាន្តដែលទាក់ទងនឹង ល្បងប្រាជ្ញា ដើម្បីជាការបន្ថែមទៅលើ សកម្មភាពលំហាត់ប្រាណផ្នែករាងកាយ។ នាពេលសម័យ បច្ចុប្បន្ននេះ វាមាននូវប្រភេទល្បែងកំសាន្តជាច្រើន ដែលមានផ្តល់អោយអ្នក សម្រាប់ជាសកម្មភាព លំហែកាយ និង ហ្វឹកហាត់ខួរក្បាលអ្នក អោយកាន់តែមានភាពឆ្លាតវៃ។
៥. ការតាំងសមាធិ
វាមាននូវ ប្រភេទលំហាត់ប្រាណនៃការដកដង្ហើមជាច្រើន ដែលអ្នកអាចនឹងយកមកអនុវត្ត ជាសកម្មភាព កំសាន្តអារម្មណ៍មួយបាន។ ការតាំងសមាធិ និង ការហាត់ក្បាច់យូហ្គា គឺជាប្រភេទលំហាត់ ប្រាណ ដែលទទួលបានការគាំទ្រច្រើនជាងគេ នៅក្នុងចំណោមប្រភេទលំហាត់ប្រាណ ផ្សេងៗទៀត ទាំងអស់នេះ។ ប្រសិនបើអ្នក ធ្វើការស្រាវជ្រាវនៅក្នុងប្រព័ន្ធអ៊ីនធឺណេត នោះអ្នកនឹង រកឃើញនូវ សកម្មភាព ជាច្រើន នៃការតាំងសមាធិនេះ ។សកម្មភាពកំសាន្តមួយនេះ មិនត្រឹមតែអាចធ្វើ អោយអ្នក ផ្សារភ្ជាប់ទៅនឹង ពេលវេលាបាននោះទេ វាថែមទាំងអាច នាំអ្នកទៅរកជីវិតដែលប្រកបដោយ សុខភាពល្អ មួយ បានផងដែរ៕
