អ្វីទៅហៅថាជំងឺផ្សិតក្នុងទ្វាមាស ?
ជំងឺផ្សិតក្នុងទ្វាមាសកើតបង្កឡើងដោយសារពពួកមេរោគផ្សិតម្យ៉ាងហៅថា Candida Albicans ។
មេរោគនេះមានរូបរាងតូចៗដែលវារស់នៅធម្មតានៅលើស្បែកមួយភាគតូច និងនៅខាងក្នុងទ្វាមាសដែរ ។ ប៉ុនែ្តនៅខាងក្នុងទ្វាមាសក៏មានការបញ្ចេញជាតិអាស៊ីតដើម្បីកុំអោយមេរោគផ្សិតនេះដុះបានផងដែរ ។ ប្រសិនបើទ្វាមាសរបស់អ្នកមានជាតិអាស៊ីតតិច គឺមានន័យថាអ្នកកំពុងអានុញ្ញាត អោយផ្សិតទាំងនេះឈ្លានពានហើយ ។
កាលណាតុល្យាភាពអាស៊ីតនៅក្នុងទ្វាមាសមានការផ្លាសប្តូរ ដូចជា ការមករដូវ (Menstruation) មានផ្ទៃពោះ ទឹកនោមផ្អែម ទឹកសំអាតទ្វាមាស ថ្នាំសម្លាប់មេរោគAntibiotics ថ្នាំពន្យាកំនើត និង ពពួកថ្នាំ steroid សុទ្ធតែជាដើមហេតុនាំអោយទ្វាមាសស្ត្រីមាន ភាពសើម និងការដាច់ដោច ដូចេះ្ន វាហាក់បីដូចជាកត្តាមួយជំរុញអោយផ្សិតដុះលូតលាស់បានកាន់តែល្អ ។
តើខ្ញុំធ្វើដូចម្តេចទើដឺងថារូបខ្ញុំកើតជំងឺផ្សិតទៅ ?
ធម្មតាជំងឺផ្សិតតែងតែធ្វើអោយអ្នកមានអារម្មណ៍មិនសុខក្នុងខ្លួន ប៉ុន្តែវាមិនមានអ្វីធ្ងន់ធ្ងរទេ ។ ក្នុងចំនោមស្ត្រី ៤នាក់ គេឃើញមាន ៣នាក់កើតជំងឺផ្សិតនេះមួយដងក្នុងមួយជីវិត ។ មានរោគសញ្ញាមួយចំនួនសំរាប់សំគាលជំងឺផ្សិតមានដូចជា៖
-រមាស់ ថែមទាំងក្រហាយខាងក្នុងនិងជុំវិញទ្វាមាស ។
-ធ្លាក់សរ (white vaginal discharge)
-មានការឈឺចាប់ពេលរួមភេទ
-ហើមបិរវេណជុំវិញរន្ខយោនី
តើជំងឺនេះព្យាបាលយ៉ាងដូចម្តេចទៅ ?
ជំងឺផ្សិតនេះជាធម្មតាគឺព្យាបាលតាមរយះប្រើថ្នាំលាបខាងក្នុងទ្វាមាស ។ ថ្នាំនេះអ្នកអាចប្រើជា ក្រែម សំរាប់លាបក្នុងទ្វាមាសរបស់អ្នកជាមួយប្រដាប់លាបត្រឹមត្រូវ ឬជាលក្ខណៈសុល ។ ថ្នាំប្រភេទក្រែម អាចលាបនៅតាម ស្បែកនៅជុំវិញរន្ឋយោនី(vulva )ដើម្បីបំបាត់រមាស់ផងដែរ ។ មិនត្រឹមតែប៉ុណ្ណោះ យើងក៏មានថ្នាំគ្រាប់ សំរាប់លេបផងដែរ ។
តើខ្ញុំគួរតែទៅជួបគ្រូពេទ្យគ្រប់ពេលដែលខ្ញុំកើតជំងឺផ្សឹតនេះដែរទេ ?
ដើម្បីប្រាកថ អ្នកគួរតែទៅពិគ្រោះជាមួយគ្រូពេទ្យនៅពេលអ្នកចាប់ផ្តើមមានសញ្ញាជំងឺផ្សិតនេះដំបូង ។ វាមានសារៈសំខាន់ណាស់ក្នុងការយល់ដឹងអោយច្បាស់ថាអ្នកមានឆ្លងជំងឺផ្សិត ឬក៏មានជំងឺអ្វីផ្សេងទៀតដែលធ្ងន់ធ្ងរជាងនេះ ព្រោះថាមិនមែនតែជំងឺផ្សិតនេះមាន រោគសញ្ញាដូចខាងលើតែឯងនោះទេ ផ្ទុយទៅវិញ វាក៏អាចជាសញ្ញារបស់ជំងឺដទៃទៀតផងដែរដូចជា ជំងឺដែលបង្កដោយការរួមភេទ (STD)ជាដើម ។
ប្រសិនបើអ្នកដឹងថាខ្លួនឯងកំពុងមានជំងឺផ្សឹតនេះនៅក្នុងទ្វាមាសហើយ អ្នកគួរតែទៅធ្វើការពិគ្រោះជា មួយគ្រូពេទ្យដើម្បីទទួលបាននូវការណែនាំ និងប្រើប្រាស់ឧសថ ឬអ្នកក៏អាចទិញថ្នាំដោយខ្លួនឯងបាន ដោយគ្មានវេជ្ជបញ្ជាផងដែរ សំរាប់លុបបំបាត់រោគសញ្ញាដែលកើតមាន ។
តើខ្ញុំអាចជាស់ផុតពីការកើតជំងឺផ្សិតដទៃទៀតបានដែរទេ ?
យើងមានមធ្យោបាយមួយចំនួនសំរាប់ស្ត្រីគ្រប់រូបធ្វើការពារ ដូចជា៖
-មិនត្រូវស្លៀកសំលៀកបំពាក់ណា ដែលរឹមៗ រឺតឹងពេក
-សំរាប់ខោទ្រនាបត្រូវប្រើប្រភេទកាតុង និងមិនត្រូវស្លៀករាលថ្ងៃដែរ
-ប្រដាប់សំអាត ឬសម្ងួត តំបន់ប្រដាប់ភេទអោយស្ងួតល្អក្រោយពេល ងូតទឹក រឺមុនពេលស្លៀកពាក់
-សំរាប់ការជួតសំអាតពេលបន្ទោបង់ រឺបត់ជើងតូច ត្រូវផ្តើមពីមុខទៅក្រោយ ព្រោះវាអាចជួយ បង្ការកុំអោយមេរោគដែលរស់នៅរន្ធគូថ ចូលក្នុងទ្វាមាស ។
-មិនត្រូវប្រើថ្នាំសំអាតទ្វាមាសជាលក្ខណៈបាញ់ឡើយ
-ការប្រើប្រាស់ក្រដាស់អនាម័យ មានពណ៌រឺមានក្លិនទឹកអប់ គួរតែជៀសវៀង ព្រោះកត្តាទាំងនេះវាហាក់ដូចជាជំរុញអោយជាតិអាសីុក្នុងទ្វាមាសមានការប្រែប្រួល និងរឹតតែជួយអោយ មេរោគផ្សិតដុះល្អ ។
តើដៃគូរួមភេទរបស់ខ្ញុំត្រូវតែធ្វើការព្យាបាលដែរទេ ?
វាជាប្រការមួយដ៏កំរ ណាស់ដែរដៃគូរួមភេទរបស់អ្នកមានការឆ្លងជំងឺផ្សិតនេះ ប៉ុនែ្តបើគេមាន ស្ថានភាពមិនស្រួល ឬចេញជារោគសញ្ញាដែរគួរតែមានការប្រឹក្សាពីគ្រូពេទ្យដែរ ។
