បង្គាត្រូវបានគេស្គាល់ថាជាអាហារសមុទ្រដែលមនុស្សភាគច្រើនតែងតែនិយមចូលចិត្តទទួលទាន។ យ៉ាងណាមិញ បើយោងទៅតាម World’s Healthiest Foods បានឲ្យដឹងថា បង្គាមានវីតាមីន A, B, និង E។ ចំពោះជាតិរ៉ែវិញមានដូចជា សេឡេញ៉ូម ផូស្វ័រ ទងដែង អ៊ីយ៉ូត និងស័ង្គ។
អ្វីដែលមិនគួរឲ្យជឿនោះគឺថា គ្រាន់តែញ៉ាំបង្គាក៏អាចជួយមនុស្សយើងគ្រប់គ្រងទម្ងន់បានដែរ។ តាមរយៈ Heal with Food បានឲ្យដឹងថា បង្គាមានជាតិប្រូតេអ៊ីន ស័ង្គសី វីតាមីន D និង B។ ជាតិស័ង្គសីរបស់បង្គាជួយបង្កើនកម្រិតអ័រម៉ូន Leptin ដែលជាអ្នកជំរុញដល់ការបង្កើនថាមពលដល់រាងកាយ ចំណង់អាហារ និងរក្សាជាតិខ្លាញ់។ ដោយសារតែវាមិនមានជាតិកាបូអ៊ីដ្រាត ដូច្នេះអាហារមួយនេះជាជម្រើសដ៏អស្ចារ្យសម្រាប់អ្នកដែលចង់សម្រកជាតិខ្លាញ់ និងទម្ងន់ ។ បង្គាក៏សម្បូរទៅដោយជាតិទឹក និងប្រូតេអ៊ីនផងដែរ។ ជាតិទឹករបស់វាផ្តល់នូវអារម្មណ៍ញ៉ាំឆ្អែតបានយូរ ដែលជាហេតុនាំឲ្យបន្ថយភាពឃ្លានអាហារ៕
