មនុស្សស្ទើរទាំងអស់ធ្លាប់ឈឺក្បាលក្នុងជីវិតរបស់ពួកគេ។ ឈឺក្បាលអាច បណ្តាល មកពីបញ្ហាជាច្រើន។ ប៉ុន្តែទោះបីជាយ៉ាងណាក្តី មានវិធីមួយចំនួនដើម្បី ជួយអ្នកកាត់ បន្ថយការឈឺក្បាលនេះ។
១ ជៀសវាងមូលហេតុនាំអោយឈឺក្បាល
អ្នកត្រូវកត់សម្គាល់មើលថា តើអាហារប្រភេទណា ធ្វើអោយ អ្នក ឈឺក្បាល។ ការធ្វើដូច្នេះ វាអាចជួយអ្នកកំណត់នូវអ្វីដែលបង្កឱ្យមានការឈឺក្បាលរបស់អ្នក។ ដូច្នេះអ្នកអាចជៀសវាងការកេះ។
២ ជៀសវាងការប្រើប្រាស់ថ្នាំលើសកម្រិត ការលេបថ្នាំឈឺក្បាល លើសពីពីរដងក្នុងមួយសប្តាហ៍អាចបង្កើនភាពធ្ងន់ធ្ងរ និងភាពញឹកញាប់នៃការឈឺក្បាលរបស់អ្នក។ អ្នកត្រូវពិគ្រោះជាមួយវេជ្ជបណ្ឌិត របស់អ្នកអំពីរបៀបផ្តាច់ថ្នាំដោយខ្លួនឯង ព្រោះវាអាចមានផលប៉ះពាល់ធ្ងន់ធ្ងរ ប្រសិនបើធ្វើមិនបានត្រឹមត្រូវ។
៣ គេងឱ្យបានគ្រប់គ្រាន់
ជាមធ្យមមនុស្សពេញវ័យត្រូវការការគេងពីប្រាំពីរទៅប្រាំបីម៉ោងក្នុងមួយយប់។ វាជាការល្អបំផុតក្នុងការចូលគេង និងក្រោកពីដំណេកក្នុងពេលតែមួយជារៀងរាល់ថ្ងៃ។ ពិភាក្សាជាមួយគ្រូពេទ្យរបស់អ្នក ប្រសិនបើអ្នកមានការរំខានដល់ដំណេក ដូចជា ការស្រមុកជាដើម។
៤ ញ៉ាំអាហារអោយទៀងទាត់
ញ៉ាំអាហារដែលមានសុខភាពល្អ នៅពេលដូចគ្នាជារៀងរាល់ថ្ងៃ។ ជៀសវាងអាហារ ឬភេសជ្ជៈ ដូចជាអាហារដែលមានជាតិកាហ្វេអ៊ីន ដែលហាក់ដូចជាធ្វើឱ្យឈឺក្បាល។ បញ្ចុះទម្ងន់ ប្រសិនបើអ្នកធាត់។
៥ ធ្វើលំហាត់ប្រាណឱ្យបានទៀងទាត់
សកម្មភាពរាងកាយបែប aerobic ជាទៀងទាត់អាចធ្វើអោយប្រសើរឡើង នូវសុខុមាលភាពផ្លូវកាយ និងផ្លូវចិត្តរបស់អ្នក និងកាត់បន្ថយភាពតានតឹង។ ជ្រើសរើសសកម្មភាព ដែលអ្នកពេញចិត្ត ដូចជាការដើរ ហែលទឹក ឬជិះកង់។
៦ កាត់បន្ថយស្ត្រេស
ស្ត្រេសអាចធ្វើអោយអ្នកឈឺក្បាលរ៉ាំរ៉ៃ។ ដូច្នេះ អ្នកត្រូវរកវិធីកាត់បន្ថយស្ត្រេសនិង រក្សាភាពវិជ្ជមាន។ សាកល្បងបច្ចេកទេសកាត់បន្ថយស្ត្រេស ដូចជាយូហ្គា តៃជី ឬសមាធិ។
៧ កាត់បន្ថយជាតិកាហ្វេអ៊ីន
ខណៈពេលដែលថ្នាំឈឺក្បាលមួយចំនួនរួមមានជាតិកាហ្វេអ៊ីនព្រោះវាអាចមានប្រយោជន៍ក្នុងការកាត់បន្ថយការឈឺក្បាល វាក៏អាចធ្វើឱ្យឈឺក្បាលកាន់តែខ្លាំងផងដែរ។ ព្យាយាមកាត់បន្ថយ ឬលុបបំបាត់ជាតិកាហ្វេអ៊ីនចេញពីរបបអាហាររបស់អ្នក។
៨ ការស្អំកន្សែងត្រជាក់
ការស្អំត្រជាក់កន្លែងដែលឈឺក្បាលត្រូវគេយល់ថានឹងអាចជួយកាត់បន្ថយការឈឺក្បាលផងដេរ៕
