ការស្រាវជ្រាវថ្មីមួយបានបង្ហាញថា ការសម្រកទម្ងន់ក្នុងកម្រិតមធ្យមបន្ថយកម្រិតនៃការរលាកដែលត្រូវបានទាក់ទងទៅនឹងជំងឺមហារីកមួយចំនួន។រឿងបែបនេះកើតមានយ៉ាងហោចណាស់ក៏ចំពោះស្ត្រីក្រោយអស់រដូវដែរ។
ដោយយោងតាមការស្រាវជ្រាវ, ស្ត្រីវ័យចំណាស់ដែលសម្រកទម្ងន់យ៉ាងតិច៥%តាមរយៈការតមចំណីអាហារតែមួយមុខ ឬការតមអាហារគួបផ្សំនឹងការធ្វើលំហាត់ប្រាណនោះបានបង្ហាញពីការថយចុះសញ្ញាសម្គាល់សំខាន់នៃការរលាកគឺ C-reactive protein និង interleukin-6។
ដោយមិនត្រឹមតែបង្កើនហានិភ័យនៃជំងឺបេះដូងទេ, ការកើនឡើងកម្រិតសមាសធាតុទាំងពីរនេះបានផ្សារភ្ជាប់ទៅនឹងការកើនឡើងហានិភ័យចំពោះជំងឺមហារីកទូទៅ រួមមានជំងឺមហារីកសុដន់, ពោះវៀនធំ, សួត និងស្បូនជាដើម។
ការរកឃើញត្រូវបានចេញផ្សាយនៅក្នុង Cancer Research ។
ការស្រាវជ្រាវដែលត្រូវបានដឹកនាំដោយវេជ្ជបណ្ឌិត អាណេ មីកធីណេន(Anne McTiernan)បាននិយាយថា ការស្រាវជ្រាវរបស់យើងគាំទ្រការស្រកទម្ងន់តាមរយៈការបន្ថយកាឡូរី និងបង្កើនលំហាត់ប្រាណដែលមានន័យថា ការបន្ថយលក្ខណៈសម្គាល់ជីវសាស្ត្រនៃការរលាក និងលើសពីនេះបន្ថយយ៉ាងខ្លាំងពីហានិភ័យនៃជំងឺមហារីកចំពោះអ្នកលើសទម្ងន់ និងស្ត្រីក្រោយអស់រដូវដែលធាត់ខ្លាំង។
ដើម្បីបន្ថយ១០%នៃទម្ងន់ខ្លួនរបស់ពួកគេ, ស្ត្រីត្រូវបានអោយតមចំណីអាហារកុំអោយឡើងកាឡូរី, អោយហាត់ប្រាណពីមធ្យមទៅខ្លាំងក្នុងរយៈពេល៤៥នាទីក្នុងមួយថ្ងៃ និង៥ថ្ងៃក្នុងមួយសប្តាហ៍ ឬធ្វើទាំងពីរតែម្តង។
ការសិក្សាបានបង្ហាញថា អំឡុងពេលមួយឆ្នាំនៃការសិក្សា, កម្រិត C-reactive protein ត្រូវបានធ្លាក់ចុះដល់ទៅ៣៦%ចំពោះអ្នកដែលធ្វើការតមអាហារតែមួយមុខ និង៤២%ចំពោះក្រុមដែលតមអាហារផងដែរ និងធ្វើលំហាត់ប្រាណផង។ កម្រិត Interleukin-6 ត្រូវបានថយចុះដល់២៣%ចំពោះក្រុមដែលធ្វើការតមអាហារតែមួយមុខ និង២៤%ចំពោះក្រុមដែលតមអាហារផង និងធ្វើលំហាត់ប្រាណផង។ មានការថយចុះជាលំដាប់ចំពោះកម្រិតដែលត្រូវបានមើលទៅលើស្ត្រីដែលសម្រកទម្ងន់យ៉ាងតិច៥%នោះ។ ការធ្វើលំហាត់ប្រាណតែមួយមុខមិនប៉ះពាល់ដល់លក្ខណៈសម្គាល់ជីវសាស្ត្រលើការរលាកឡើយ។
មិនមានព័ត៌មានណាដែលស្ត្រី៤៣៨នាក់ចំពោះការសិក្សាត្រូវបានវិវត្តទៅជាជំងឺមហារីកនោះឡើយ។ ការសិក្សាបាននិយាយថា ការថយចុះប្រហែលជា៤០%ចំពោះ C-reactive protein អាចត្រូវបានគេរំពឹងទុកដើម្បីបន្ថយហានិភ័យនៃជំងឺមហារីកសុដន់, ស្បូន និងជំងឺមហារីកដទៃទៀតចំពោះស្ត្រីក្រោយអស់រដូវ។
