ផ្លែខ្នុរគឺជាផ្លែឈើដែលមានក្លិនក្រអូប និងមានដើមកំណើតចេញពីភាពខាងលិចនិងខាងត្បូនប្រទេសឥណ្ឌា, បង់ក្លាដេស, ហ្វីលីពីន និង ស្រីលង្កា។ កម្ពុជាយើងក៏សម្បូរខ្នុរដែរ។ទោះបីជាមនុស្សជាច្រើនដែលទទួលទានផ្លែខ្នុរដោយសារតែរសជាតិដ៏ឆ្ងាញ់របស់វាក៏ដោយ ក៏មានមនុស្សតិចតួចណាស់ដែលបានយល់ដឹងអំពីប្រយោជន៍ចំពោះសុខភាពរបស់វា។
ផ្លែខ្នុរផ្ទុកទៅដោយវីតាមីន A, C, Thiamin, Riboflavin, កាលស្យូម, ប៉ូតាស្យូម, ជាតិដែក, សូដ្យូម, ស័ង្គសី និង Niacin ។ ប្រយោជន៍មួយផ្សេងទៀតសម្រាប់មនុស្សគថា មានមានកាឡូរីទាប៖ ផ្លែខ្នុ ១០០ក្រាមមានតែ ៩៤កាឡូរីទេ។
ផ្លែខ្នុរសម្បូរទៅដោយជាតិប៉ូតាស្យូមរហូតដល់ ៣០៣មីលីក្រាមក្នុងចំនួនផ្លែខ្នុរ ១០០ក្រាម។ ការសិក្សាបានអោយដឹងថា អាហារដែលសម្បូរទៅដោយជាតិប៉ូតាស្យូមអាចជួយបញ្ចុះសម្ពាធឈាមបាន។ ដូច្នេះហើយ ផ្លែខ្នុរមានប្រយោជន៍ក្នុងការបំបាត់បញ្ហាលើអ្នកដែលមានជំងឺលើសសម្ពាធឈាម។
ផ្លែខ្នុរផ្ទុកទៅដោយសារធាតុ Phytonutrients: Lignans, Isoflavones និង Saponins ដែលមានប្រយោជន៍ចំពោះសុខភាពយ៉ាងធំធេង។ សារធាតុ Phytonutrients ទាំងនេះមានសមាសធាតុជាថ្នាំប្រឆាំងនឹងជំងឺមហារីក, ប្រឆាំងនឹងជំងឺលើសសម្ពាធឈាម, ប្រឆាំងនឹងការមានដំបៅ និងប្រឆាំងនឹងការចាស់ទៅតាមអាយុ។ ដូច្នេះហើយ វាពិតជាអាចជួយការពារកោសិការមហារីកកុំអោយកើតមានក្នុងខ្លួន, បន្ថយសម្ពាធឈាម, ប្រឆាំងនឹងបញ្ហាដំបៅក្រពះ និងបន្ថយការងាប់របស់កោសិការដែលធ្វើអោយស្បែកមើលទៅនៅក្មេងជាប់៕