ព្រឹត្តិការណ៍​នៃ​បណ្តាញ​ទំនាក់ទំនង​ក្នុងសង្គម គឺ​ពិតជា​មាន​សារៈសំខាន់ ជាង​ការ​គ្រាន់​តែ​អ្នក ប្រមូលយក ឈ្មោះ​របស់​ពួកគេ​មក​ទុក​ក្នុង​បញ្ជី វា​គឺជា​វិធី​មួយ​ដែល​អាច​ជួយ​អ្នក យក​ជ័យជំនះ​លើ​ពួកគេ​បាន តាមរយៈ​ការបង្កើត​នូវ​មន្ត​ស្នេហ៍​ទាក់ទាញ និង ធ្វើអោយ​ពួក​គេ​ចង​ចាំ​អ្នក​បាន​ជា​រៀងរហូត ។​
 

​ការ​ដែល​អាច​ធ្វើអោយ​នរណាម្នាក់ ចូលចិត្ត​អ្នក​បាន នោះ​ក៏​បានន័យថា ពួកគេ​នឹង​អាច​ចងចាំ​អ្នក​បាន​ផង​ដែរ ដែល​នេះ​ជា​ឱកាស​ដ៏​ល្អ​ដែល​អាច​ផ្តល់​អត្ថប្រយោជន៍​ផ្សេងៗ សម្រាប់​អ្នក​នាពេល​អនាគត​ទៀត​។  ដូច្នេះ តើ​អ្នក​អាច​សម្រេច​វា​បាន​ដោយ​វិធី​ណា​? តើ​អ្នក​គួរ​បង្កើត​នូវ​ចំណាប់​អារម្មណ៍​ល្អ និង យកឈ្នះ​នូវ ទំនាក់​ទំនាក់​ថ្មី​នេះ ដោយ​របៀប​ណា​ដែរ​? ខាងក្រោម​នេះ គឺជា​គន្លឹះ ដែល​អាច​ធ្វើអោយ​អ្នក ក្លាយជា​ទី​ចាប់អារម្មណ៍​សម្រាប់​មនុ​ស្សរាល់​គ្នា​បាន ៖

១.​កត់ចំណាំ​នូវ​ស្ថានភាព​រូបរាង​របស់​អ្នក​
​តើ​ហេតុអ្វី បានជា​វា​មាន​សារៈសំខាន់​? ខណៈពេល ដែល​វា​ពិតជា​មាន​ភាព​អស្ចារ្យ ក្នុង​ការបង្ហាញ​ដល់ អ្នក​រាល់គ្នា នូវ​ភាព​ជឿជាក់​លើ​ខ្លួនឯង​,​ការ​ឈរ​ដោយ​ដាក់ខ្លួន​អោយ​ត្រង់ និង ការចាប់រ​លាក់​ដៃ ជាមួយនឹង ស្នាមញញឹម​មោះមុត គឺ​អាច​បង្ហាញ​នូវ​ភាពស្រស់​សង្ហា និង ទាក់ទាញ​របស់​អ្នក​។ អ្នក​ចង់​បង្ហាញ ទៅ​មនុស្ស​ទាំងឡាយ​ថា អ្នក​ពិតជា​មាន​ចំណាប់​អារម្មណ៍​ជាពិសេស ក្នុង​ការនិយាយ​ជា​មួយ​ពួកគេ​។ អ្នក អាចអនុវត្ត​បាន​នូវ​វិធី​ទាំងនេះ គឺ​អ្នក​ត្រូវ​ធ្វើការ​បន្ធូរ​អារម្មណ៍​, បោះ​ជំ​ហ៊ាន​ទៅ​មុខ​, ធ្វើការ​ផ្អៀង​ក របស់​អ្នក​បន្តិច ផ្តល់អោយ​ពួកគេ​នូវ​ស្នាមញញឹម​ដ៏​កក់ក្តៅ ហើយ​បង្ហាញ​អ្នក​ពិតជា​មាន​កត្តិយ​សណាស់ ក្នុង​ការណែនាំ​ខ្លួន​នេះ​។ នៅពេលដែល​មនុស្សមា្ន​ក់​មាន​អារម្មណ៍​ថា អ្នក​រីករាយ​នឹង​ជួប​ពួក​គេ នោះ​ពួកគេ ក៏​នឹង​ចាប់ផ្តើម​ចូល​ចិត្ត​អ្នក​ភ្លាមៗ ដូច​គ្នា​ផង​ដែរ ពួកយើង​ម្នាក់ៗ គឺ​សុទ្ធតែ​មាន​អារម្មណ៍​ចូលចិត្ត​មនុស្ស ដែល​ចូលចិត្ត​យើង​មុន​។​

២. មនុស្ស​ទាំងឡាយ​ចូលចិត្ត​និយាយ​អំពី​ខ្លួនគេ​
​មនុស្ស​ដែល​គួរ​អោយ​ចូល​ចិត្ត​ពិតប្រាកដ គឺ​មាន​សម្តត្ថភាព​ក្នុង​ការនិយាយ ជាមួយ​អ្នក និង អាច​បន្សល់​នូវ អារម្មណ៍​ដ៏​អស្ចារ្យ​មួយ​ក្នុង​ទំនាក់ទំនង​មួយ​នេះ ។ នៅពេល​ដែល​អ្នក​គិត​អំពី​វា នា​ថ្ងៃ​ក្រោយ អ្នកនឹង សម្គាល់​ឃើញថា អ្នក​មិន​បានដឹង​អ្វី​ទាល់តែ​សោះ ពី​មនុស្ស​ម្នាក់​ថ្មី ដែល​គួរអោយ​ទាក់ទាញ នេះ​ដោយសារ​តែ​ពួកគេ បាន​ផ្តល់ឱកាស​អោយ​អ្នក និយាយ​អំពី​ខ្លួនឯង ដោយ​អ្នក​មិន​បាន​ដឹង​ខ្លួន​ទាល់តែ សោះ​ថា វា​បាន​កើតឡើង​។ អ្នក​អាច បង្កើត​នូវ​ចំណាប់អារម្មណ៍​មួយ​នេះ​បាន តាមរយៈ​ការបង្កើត​សំណួរ​ខ្លីៗ ដែល​អាច​បង្ហាញ​ថា​អ្នក​ចាប់អារម្មណ៍ និង ចង់​ស្គាល់​ពី​ពួកគេ​អោយ​បាន​ច្បាស់​។​

៣.​ការ​ស្គាល់​អោយ​ច្បាស់ គឺជា​កូនសោ​មួយ​
​ពួកយើង ចូល​ចិត្ត​មនុស្ស​ទាំងឡាយ​ណា ដែល​គិតថា អ្វី​ដែល​ខ្លួន​យើង​សម្រេចបាន គឺ​អស្ចារ្យ​។ វា​នឹង ធ្វើអោយ​យើង​មាន​អារម្មណ៍​ថា កក់ក្តៅ​នៅពេល​ដែល​នរណា​ម្នាក់ បាន​និយាយថា អូ អ្នក​ពិតជា​ពូកែ​មែន ! តើ​អ្នក​ពិតជា​ធ្វើ​វា​ដោយ​ខ្លួនឯង​ឬ ខ្ញុំ​ពិតជា​កោតសរសើរ​ចំពោះ​សម្តត្ថភាព​អ្នកណា​ស់​។ ចូរ​ប្រាកដថា អ្នក​បាន​ស្គាល់​នរណាម្នាក់ បាន​យ៉ាង​ល្អ នោះ​អ្នក​ក៏​នឹង​អាច​ទទួលបាន​នូវ​ចំណាប់​អារម្មណ៍​ជាពិសេស ពី​គេ​វិញ​បាន​ដូចគ្នា​។​

៤. មិន​ទាមទារ​សំណង​អ្វី​មកវិញ​
​ប្រសិនបើ​អ្នក ពិតជា​ចង់អោយ​នរណា​ម្នាក់​ចូល​ចិត្ត​អ្នក​ដោយស្មោះ នោះ​អ្នក​មិន​ត្រូវ​ធ្វើ​ការប្រើប្រាស់ ពួកគេ​នោះ​ទេ​។ ពួកគេ​នឹង​ចាកចេញ​ពី​អ្នក ប្រសិនបើ​គេ​មាន​អារម្មណ៍​ថា អ្នក​កំពុងតែ​ព្យាយាម​ធ្វើ​ដូច្នោះ​មែន ។ ប្រសិនបើ​អ្នក​ចង់​បាន​ជំនួយ​ពី​នរណាម្នាក់ ជាដំបូង​អ្នក​ត្រូវ​ស្វែងរក វិធី​ក្នុង​ការជួយ​អ្នកដទៃ​ជា​មុន​សិន ។ ផ្តោត​ទៅលើ​អ្វី​ដែល​អ្នក​អាចធ្វើ​បាន ដោយ​មិន​គិត​ពី​ប្រយោជន៍​ខ្លួនឯង ជាធំ​នោះ​ទេ​។ ជាធម្មតា មនុស្ស​រាល់គ្នា ចូល​ចិត្ត​អ្នកណា​ម្នាក់ ដែល​ពិតជា​មាន​បំណង​ជួយ​ដល់​អ្នកដទៃ​។ ការធ្វើ​ដូច្នេះ នឹង​អាច​ធ្វើអោយ​ពួកគេ នឹង​មាន​បំណង​ផ្តល់នូវ​ការជួយ​ដល់​អ្នក​វិញ​មិន​ខាន​។​

៥. ចាកចេញ​ពី​ការ​ណាត់ជួប​ដោយ​ការ​លាគ្នា​ដ៏​ល្អ​មួយ​
​នេះ​គឺជា​ឱកាស​ចុងក្រោយ​របស់​អ្នក ក្នុងការ​ធ្វើ​អោយ​មនុស្ស​ម្នាក់​ថ្មី​នេះ អាច​ចូល​ចិត្ត​អ្នក​បាន ដោយ​ពិតប្រាកដ​។ ត្រូវ​ចាប់ផ្តើម​ដូចជា​ពេល​ដំបូង ដោយ​ការ​ចាប់ដៃ ឬ លើកដៃ​ជម្រាបលា ហើយ​និយាយ​ថា អ្នក​ពិតជា​រីករាយ​ណាស់ ដែល​បាន​ស្គាល់ និង ជួប​ពួក​គេ​។ ចូរ​ប្រាកដថា អ្នក​បាន​ប្រើ​នូវ​ស្នាមញញឹម​ដែល ចេញពី​ក្នុង​ចិត្ត និង បង្ហាញ​នូវ​ការដឹងគុណ​ចំពោះ​ការចំណាយ​ពេលវេលា​របស់​ពួកគេ មក​លើ​អ្នក ។ អ្នក​ត្រូវ​បន្សល់​នូវ​អារម្មណ៍​ដ៏​រីករាយ​មួយ នៅពេល​ដែល​អ្នក​ចាកចេញ​ពី​ពួកគេ​។​
​រាល់​ចំណុច​ខាងលើនេះ ស្តាប់​ទៅ​ដូច​ជា​រាង​លំបាក​បន្តិច ជាពិសេស ប្រសិនបើ​អ្នក​ជា​មនុស្ស ដែល​មាន​ការ​ខ្មាស់អៀន​ច្រើន ប៉ុន្តែ​ជា​ការពិត​វា​មាន​ភាពងាយស្រួល​ជាង​អ្វី​ដែល​អ្នក​បាន​គិត​ទៅ​ទៀត​។ អ្នក​គ្រាន់តែ ធ្វើការ​ផ្តោតអារម្មណ៍​ទៅលើ​មនុស្ស​ណា​ម្នាក់  ត្រូវ​មាន​ភាព​ស្ទាត់ជំនាញ និង សម្តែង​នូវ​ចិត្ត​រីករាយ ដែល​អ្នក​បាន​មានឱកាស​និយាយ​ជាមួយ​គេ នោះ​ពួកគេ​នឹង​ស្រលាញ់​រាប់អាន​អ្នក​ដោយស្មោះ​មិន​ខាន ៕

ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង