នរណា​ក៏​ចង់បាន​ដែរ ឪពុក​ម្ដាយ​គ្រប់​រូប​រមែង​ចង់​ឲ្យ​កូន​ៗ​រស់នៅ​ជា​ក្មេង​ល្អ ព្រមទាំង​មានជីវិត​ដ៏​ប្រសើរ​មួយ​នា​ពេល​អនាគត​។ ដូច្នេះ​ឪពុក​ម្ដាយ​រាល់គ្នា​តែង​អប់រំ​បង្រៀន​ពួក​គេ​តាម​វិធី​ផ្សេង​ៗ​ដើម្បី​ធានា​ថា​កូន​ៗ​ក្លាយជា​ក្មេង​ល្អ​។ ឪពុក​ម្តាយ​សូម​ចាប់ផ្តើម​បង្រៀន​ពួក​គេ នូវ​វិធី​ទាំង ៤​យ៉ាងនេះ កុំ​ចាំ​រហូត​អ្វី​ៗ​ត្រូវ​ហួសពេល ទើប​ស្តាយក្រោយ​។

១. បង្រៀន​កូន ៗ របស់​អ្នក​ឱ្យ​បង្កើត​មិត្តភក្តិ
ការ​អភិវឌ្ឍ​បុគ្គលិកលក្ខណៈ​របស់​កុមារ តាំង​តែ​ពី​តូ​វ​ទៅ គឺ​រឿង​សំខាន់​ណាស់ និង​ពិបាក​បន្តិច​។ មានរឿង​ជា​ច្រើន​ដែល​កុមារ​អាច​រៀន​បាន​តែ​ពី​មិត្តភក្តិ និង​គ្រួសារ​របស់​ពួក​គេ​។ ដូច្នេះ​ឳ​ពុក​ម្តាយ​គួរតែ​រក​វិធី​ដើម្បី​លើកទឹកចិត្ត​កុមារ​ឱ្យ​លេង​ជាមួយ​មិត្តភក្តិ​ផ្សេង​ទៀត​ដើម្បី​ឱ្យ​ពួក​គេ​រៀន​រស់នៅ​ដោយ​ក្តី​ស្រឡាញ់ និង​មនុស្ស​នៅ​ក្នុង​សង្គម​ឲ្យ​បាន​កាន់តែ​ច្រើន​។

២. បង្រៀន​កុមារ​ឱ្យធ្វើ​កិច្ចការ​ផ្ទះ
យោង​ទៅ​តាម​អ្នក​ចិត្តសាស្ត្រ នៅ​ពេល​ដែល​ឪពុក​ម្តាយ​បង្រៀន​កូន​ឱ្យទៅ​ផ្សារ​ទិញ​ម្ហូប ឬ​ទំនិញ​នានា ឬ​ក៏​រៀបចំ​អាហារ​ចម្អិន​អាហារ​ជា​ពិសេស​សម្រាប់​ក្មេង​ស្រី វា​នឹង​មាន​អត្ថប្រយោជន៍​ជា​ច្រើន​បំផុត​។ នេះ​ជា​វិធី​១ អាច​ជួយ​ពួក​គេ​ឱ្យ​មាន​ឯករាជ្យ​នៅ​ពេល​ពួក​គេ​ធំ​ឡើង​។ ដំបូង​វា​ក៏​អាច​បង្កើត​ភាព​សប្បាយ​រីករាយ ឱ្យ​កុមារ​មានចំណេះ​ដឹង​បន្ថែម​អំពី​អាហារ និង​ចំណង់​ចំណូលចិត្ត​ក្នុង​ការ​ចម្អិន​អាហារ​ផង​ដែរ​។ បន្ទាប់​ពី​នោះ​ម្ដាយ គឺ​ឱ្យ​កូន​រៀន​ធ្វើ​កិច្ចការ​ផ្ទះ ដើម្បី​បង្កើត​អនុស្សាវរីយ៍​រីករាយ សម្រាប់​គេ អាច​ដឹង​ពី​របៀប​នៃ​ចាប់ផ្តើម​ការងារ​ផ្ទះ​ទាំង​តូច ទាំង​ធំ ដោយ​សេចក្តី​ស្រឡាញ់ និង​ពេញចិត្ត​តាំងពី​តូច​ទៅ​។

៣. បង្រៀន​កូន​ឱ្យ​មាន​ទំនួល​ខុស​ត្រូវ
អាច​ចាប់ផ្តើម​តាំងពី​ក្មេង​ទៅ​។ ឪពុក​ម្តាយ​គួរតែ​បង្រៀន​ក្មេង​ៗ​អោយ​ទទួលខុសត្រូវ​ចំពោះ​សកម្មភាព​របស់​ខ្លួនឯង ដូច​ជា​៖ បន្ទាប់​ពី​លេង​កម្សាន្ត​រួច អ្នក​គួរ​ឲ្យ​កុមារ ចេះ​រៀបចំ​ទុក​របស់របរ​របស់​គាត់​ឱ្យ​បាន​ស្អាត មិន​ពង្រាយ​ប៉ាយ​ពេញ​ផ្ទះ ចាំ​គេ​ធ្វើ​ជំនួស​នោះ​ទេ​។ ក្រៅពី​នេះ នៅ​ពេល​កូន​ៗ អាច​ចេះ​ធ្វើ​វា​បាន​ល្អ ម្តាយ​ឳ​ពុក​ក៏​គួរ​សរសើរ និង​អរគុណ​ពួក​គេ ដែល​ចេះ​ទម្លាប់​ជួយ ដើម្បី​ឲ្យ​កូន​សប្បាយចិត្ត និង​ទទួល​អារម្មណ៍​នៃ​ការ​ទទួលខុសត្រូវ​ក្នុង​ជីវិត រាប់​ចាប់ពី​រឿង​តូចតាច​ឡើង​ទៅ​។

៤. ចេះ​ប្រឈម​មុខ​នឹង​បញ្ហា
សភាវគតិ​ក្មេង​ក្មេង​ៗ គឺ​តែង​ភ័យ​ខ្លាច​មនុស្ស​ចម្លែក​ៗ ខ្លាច​ងងឹត ឬ​ខ្លាច​រឿង​ពិបាក​ជាដើម​។ ដូច្នេះ​ហើយ​ក្រុម​គ្រួសារ គឺ​សង្កេត​ចំណុច​នេះ និង​ជួយ​គេ​ឲ្យ​មាន​ភាព​ធន់​ខ្ពស់ រឹង​មាំ និង​មាន​ទំនុកចិត្ត​លើ​ខ្លួនឯង​៕

ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង