ជំងឺដាច់សរសៃឈាមខួរក្បាលកើតឡើងនៅពេលដែលឈាមសំរាប់ទៅចិញ្ចឹមផ្នែកមួយនៃខួរក្បាលត្រូវបានកាត់ផ្តាច់ ឬថយចុះយ៉ាងធ្ងន់ធ្ងរ ហើយធ្វើអោយជាលិការខួរក្បាលមិនអាចទទួលបានអុកស៊ីសែនតាមតម្រូវការបានគ្រប់គ្រាន់ ។ ប្រការដូច្នេះបើកើតឡើងតែប៉ុន្មាននាទីប៉ុណ្ណោះអាចធ្វើអោយកោសិការខួរក្បាលស្លាប់បាន ។
ជំងឺដាច់សរសៃឈាមខួរក្បាលគឺជាជំងឺមួយប្រភេទដែលត្រូវការការសង្គ្រោះបន្ទាន់ ។ ការព្យាបាលយ៉ាងលឿនគឺជាចំនុចដ៏សំខាន់ ។ ការដែលមានសកម្មភាពជួយសង្គ្រោះទាន់ពេលអាចកាត់បន្ថយការខូចខាត់របស់ខួរក្បាល និងផលវិបាករបស់វា ។
ចូរពិនិត្យរោគសញ្ញាទាំងនេះប្រសិនបើអ្នកគិតថាអ្នក ឬនរណាម្នាក់ផ្សេងទៀតប្រហែលជាមានជំងឺដាច់សរសៃឈាមខួរក្បាល ។ ចូរចំណាំថានៅពេលដែលរោគសញ្ញាចាប់ផ្តើមកើតមាន មានន័យថា ពួកគេត្រូវតែមានការព្យាបាលក្នុងរយៈពេលមួយដ៏យូរ ។
– ពិបាកក្នុងការដើរ៖ អ្នកប្រហែលជាធ្លាប់មានបញ្ហាវិលមុខ បាត់បង់លំនឹងក្នុងខ្លួន ឬមិនអាចគ្រប់គ្រងខ្លួនឯងបានភ្លាមៗតែម្តង់ ។
– ពិបាកក្នុងការនិយាយ និងយល់៖ អ្នកប្រហែលជាធ្លាប់មានការច្រឡំនឹងអ្វីមួយ ឬមិនអាចពន្យល់ពាក្យអ្វីមួយបាន ។ ចូរព្យាយាមអានឃ្លាដដែលអោយបានច្រើនដង ។ ប្រសិនបើអ្នកមិនអាចបាននោះអ្នកប្រហែលជាមានជំងឺដាច់សរសៃឈាមខួរក្បាលហើយ ។
– ស្ពឹកខ្លួន ឬមុខម្ខាង៖ អ្នកប្រហែលជាមានបញ្ហាស្ពឹកៗ ខ្សោយមួយចំហៀងខ្លួន ។ ចូរព្យាយាមលើដៃទាំងពីររបស់អ្នកដាក់លើក្បាលក្នុងពេលព្រមគ្នា ។ ប្រសិនបើដៃម្ខាងចាប់ផ្តើមធ្លាក់ចុះអ្នកប្រហែលជាមានជំងឺដាច់សរសៃឈាមខួរក្បាលហើយ ។ ដូចគ្នានេះដែរ មាត់មួយចំហៀងរបស់អ្នកប្រហែលជានឹងត្រូវធ្លាក់នៅពេលញញឹម ។
– ភ្នែកអាចមួយចំហៀង ឬទាំងសងខាងពិបាកក្នុងការមើលឃើញ៖ អ្នកប្រហែលជាមានអាការៈព្រិលភ្នែក ឬមើលឃើញរបស់អ្វីពីរៗក្នុងពេលភ្លាមៗ ។
– ឈឺក្បាល៖ ការឈឺក្បាលនេះមានការទាក់ទងនឹងការក្អួត វិលមុខ ឬវង្វេងវង្វាន់ស្មារតី នេះប្រហែលជាសញ្ញាសំរាប់បញ្ជាក់ពីការដាច់សរសៃឈាមខួរក្បាលដែរ៕