អាពាហ៍ពិពាហ៍គឺជារឿងមួយជីវិតរបស់មនុស្សគ្រប់រូប ដូចនេះមុននឹងរៀបការអ្នកត្រូវតែមើល គិត និងសម្រេចចិត្តឲ្យបានល្អ និងច្បាស់លាស់។ ខាងក្រោមនេះយើងខ្ញុំនឹងប្រាប់អ្នកពីចំនុចមួយចំនួនដែលអាចជួយអ្នកជ្រើសរើសគូស្រករដែលត្រូវ។ តើមានអ្វីខ្លះទៅ? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

មានពាក្យត្រូវនិយាយ

មុនពេលរៀបការ មានរឿងអ្វីអ្នកត្រូវតែនិយាយចេញមក ហើយពិភាក្សាគ្នាថាតើក្រោយពេលរៀបការរួច អ្នកទាំងពីរអាចធ្វើបានឬទេ? ក្រោយពេលដែលអ្នកធ្វើបែបនេះរួច ទើបអ្នកអាចដឹងថាអ្នកគួរតែរៀបការជាមួយមនុស្សប្រុសម្នាក់នឹងឬទេតាមរយៈចម្លើយដែលគេបានឆ្លើយ។

មិនត្រូវព្រោះតែស្នេហា ហើយបោះបង់ខ្លួនឯង

អ្នកមិនត្រូវព្រោះតែស្រឡាញ់គេខ្លាំង ហើយបោះបង់ចោលកិតិ្តយសរបស់ខ្លួន និងឳពុកម្តាយនោះទេ រួមជាមួយការងារផងដែរ ហើយស្នេហាដែលល្អ គឺជាស្នេហាដែលហ៊ានលះបង់ទាំងសងខាង មិនមែនមានតែអ្នកលះបង់តែម្ខាងទេ បើគេជាមនុស្សបែបនេះមែន ចូលអ្នកកុំរៀបការជាមួយគេឲ្យសោះ ព្រើអ្នកនឹងមិនអាចទទួលបានសុភមង្គលឡើយ។

មុនរៀបការ គួរតែទៅជួបអ្នកផ្ទះគេ

នៅមុនពេលដែលអ្នកសម្រេចចិត្តរៀបការជាមួយគេ អ្នកត្រូវតែទៅមើលផ្ទះរបស់គេជាមុនសិន ថាតើគ្រួសារគេជាគ្រួសារដូចម្តេច? ចុះសម្រុងជាមួយគ្នាឬទេ? ជាគ្រួសារមានភាពរីករាយឬទេ? ជាគ្រួសារដែលមានប្រើអំពើហឹង្សាឬអត់? ទើបអ្នកដឹងថាអ្នកគួរដើរចូលជីវិតអាពាហ៍ពិពាហ៍ជាមួយគេឬទេ។

មិនត្រូវរៀបការជាមួយមនុស្សប្រុសដែលប្រើអំពើហឹង្សាមកដោះស្រាយបញ្ហា

អ្នកមិនត្រូវរៀបការជាមួយបុរសដែលមានស្រីច្រើន ហើយនៅពេលដែលមានរឿងកើតឡើងម្តងៗតែងតែប្រើអំពើហឹង្សាមកដោះស្រាយបញ្ហាជានិច្ចនោះទេ នេះជាបុរសដែលអ្នកគួរតែគេចឲ្យឆ្ងាយ ព្រោះគេអាចនឹងវ៉ៃអ្នកនៅថ្ងៃណាមួយក្រោយពេលដែលរៀបការរួច ហើយបើបានវ៉ៃម្តងហើយ នឹងមានលើកទី២ដូចគ្នា៕ (អាន:ថ្នាំងងុយគេង ពេលអ្នកគួរប្រើ)