ការញ៉ាំអាហារក្រោយពីហាត់ប្រាណរួចប្រហែលជារឿងដ៏ល្អមួយក្នុងការបង្កើតជាសាច់ដុំធំៗ និងអាចជំនួសបាននូវកម្លាំងដែលបានប្រើប្រាស់រួច។ អ្វីដែលពិសេសនោះគឺថា នៅពេលអ្នកឈានដល់ញ៉ាំអាហារត្រឹមត្រូវហើយ អ្នកអាចនឹងប្រើប្រាស់នោះដើម្បីបន្ធូរអារម្មណ៍ពីការហាត់ប្រាណវិញបានដែរ។ យោងទៅតាមអ្នកជំនាញខាងការហាត់បង្កើនកាយសម្បទា យកល្អគួរតែញ៉ាំអាហារនៅរយៈពេល ៣០នាទីក្រោយពីរត់ហាត់ប្រាណយឺត។ ដូច្នេះតើអាហារអ្វីខ្លះដែលត្រឹមត្រូវទៅ?
ផ្លែចេក
បើសិនជាអ្នកកំពុងតែស្វែងរកវិធីសាស្ត្រដ៏ល្អមួយដើម្បីបង្កើនថាមពលដល់រាងកាយ ចូរញ៉ាំផ្លែចេកទៅ។ វាអាចនឹងជួយឱ្យជាតិស្ករក្នុងឈាមវិលមកធម្មតាវិញបាន។ ផ្លែចេកមួយផ្លែក៏ជាប្រភពនៃសារធាតុប៉ូតាស្យូមដ៏អស្ចារ្យ ដែលល្អចំពោះសាច់ដុំ និងបេះដូងផងដែរ។
ត្រីសាលម៉ុង
នៅពេលដែលនិយាយអំពីប្រូតេអ៊ីននោះ របស់ដែលនៅជិតខ្លួនជាងគេងគឺត្រីសាម៉ុងនេះដែរ ព្រោះវាមានអូមេហ្គាបីដែលអាចជួយលុបបំបាត់ការរលាក ផ្តល់ថាមពលកាន់តែច្រើន និងថែរក្សាសុខភាពបេះដូងសរសៃឈាមបានយ៉ាងល្អទៀត។
ផ្លែគីវី
ផ្លែគីវីក្រៅពីសម្បូរវីតាមីនC និងប៉ូតាស្យូម វាក៏ជាអាហារដ៏អស្ចារ្យមួយសម្រាប់អ្នកហាត់ប្រាណរួច ដែរ។ ការផ្គត់ផ្គង់ជាអង់ទីអុកស៊ីដង់គឺជារឿងល្អបំផុត ព្រោះវាអាចជួយបំបាត់រ៉ាឌីកាល់សេរី ដែលជាម៉ូលេគុលគ្រោះថ្នាក់ដល់រាងកាយបាន ជាពិសេសពេលកំពុងតែហាត់ប្រាណតែម្តង៕