យើងខ្ញុំជឿជាក់ថាអ្នករាល់គ្នាសុទ្ធតែដឹងពីផលអាក្រក់នៃប៊ីចេងរួចមកហើយ ប៉ុន្តែមានអ្នកខ្លះនៅតែប្រើ ដោយសារតែពេលដែលមិនប្រើប៊ីចេង ធ្វើឱ្យម្ហូបគ្មានរសជាតិឆ្ងាញ់ ប៉ុន្តែតើអ្នកដឹងទេថាមានម្ហូបមួយចំនួនមិនអាចប្រើប៊ីចេងបានទេ ព្រោះវាអាចប៉ះពាល់ដល់សុខភាពអ្នកបាន។ តើមានម្ហូបណាខ្លះដែលមិនអាចប្រើបាន?
ឆារពពួកសាច់ជាមួយបន្លែ
នៅក្នុងសាច់មានសារធាតុម្យ៉ាងដែលនៅពេលដែលអ្នកឆារជាមួយបន្លែ វានឹងភាយចេញនូវសារធាតុម្យ៉ាងដែលមានក្នុងប៊ីចេង ដូចនេះបើអ្នកដាក់វាទៀត វានឹងប៉ះពាល់ដល់សុខភាពអ្នកបាន ជាងនេះទៅទៀត មានអាហារមួយចំនួនដូចជា ពងមាន់ ផ្សិត ឬគ្រឿងសមុទ្រជាដើម អ្នកក៏មិនអាចដាក់ប៊ីចេងបានដែរ។
អាហារដែលមានទឹកខ្មេះ
នៅពេលដែលអ្នកធ្វើម្ហូបដោយមានដាក់ទឹកខ្មេះ អ្នកមិនត្រូវដាក់ប៊ីចេងនោះទេ ព្រោះនៅក្នុងទឹកខ្មេះមានសារធាតុជូរ ដែលធ្វើឱ្យវាមិនងាយរលាយឡើយ នៅពេលដែលអ្នកដាក់ចូលទៅក្នុងមុខម្ហូបនោះ។
អាហារដែលត្រជាក់
នៅពេលដែលអ្នកធ្វើអាហារដែលត្រជាក់ដូចជា ញាំ ឬអាហារដែលមិនចាំបាត់ប្រើភ្លើងក៏ឆ្អិន នោះអ្នកមិនត្រូវប្រើប៊ីចេងនោះទេ ព្រោះវាមិនរលាយឡើយ ប៉ុន្តែបើអ្នកត្រូវតែដាក់ អ្នកអាចយកទឹកក្តៅលាយជាមួយវា ដើម្បីឱ្យវារលាយសិន ទើបដាក់ចូលមុខម្ហូបអ្នក។
អាហារដែលផ្អែម
នៅពេលដែលអ្នកធ្វើអាហារដែលផ្អែម អ្នកមិនគួរដាក់ប៊ីចេងនោះទេ ព្រោះវាអាចបំផ្លាញរសជាតិនៃអាហារអ្នកបាន ប៉ុន្តែបើក្នុងអាហារដែលប្រៃ អ្នកអាចដាក់បាន៕