ការចុះខ្សោយនៃការចងចាំគឺជារោគសញ្ញាមួយនៃវ័យចំណាស់។ វាគឺជាលទ្ធផលនៃពេលវេលា គឺថាកាលណាគេកាន់តែចាស់ទៅ សមត្ថភាពថែរក្សាការចងចាំក៏ថយចុះទៅដែរ។
ដើម្បីជួយថែរក្សាការចងចាំឱ្យនៅល្អ សូមសាកល្បងល្បិចសាមញ្ញៗបែបធម្មជាតិខាងក្រោមនេះ៖
១- បរិភោគអាហារឱ្យបានគ្រប់គ្រាន់ និងទៀងទាត់
ខួរក្បាលមានទម្ងន់ស្មើនឹង២៣%នៃទម្ងន់ខ្លួនទាំងមូល ហើយត្រូវការ២០%នៃថាមពលទាំងអស់។ អាស្រ័យហេតុនេះ គេត្រូវបរិភោគអាហារឱ្យបានគ្រប់គ្រាន់ ដើម្បីឱ្យខួរក្បាលដំណើរការទៅល្អប្រ សើរ។ សូមបរិភោគអាហារដែលល្អៗសម្រាប់ខួរក្បាល រួមមានត្រី ប៉េងប៉ោះ គ្រាប់ល្ពៅ និងស្ពៃជា ដើម។
២- គេងឱ្យបានគ្រប់គ្រាន់
នៅពេលយើងគេង ខួរក្បាលចាប់រៀបរយអ្វីៗដែលយើងបានដឹងបានឃើញនៅក្នុងពេលដឹងខ្លួន ដាក់បញ្ចូលតាមសណ្តាប់ធ្នាប់ សម្រាប់ងាយរំឭកឡើងវិញ។ កាលណាយើងគេងមិនបានគ្រប់គ្រាន់ទេ ខួរក្បាលមិនអាចបំពេញការងារនេះបាន ម្ល៉ោះហើយក៏ធ្វើឱ្យការចងចាំចុះថយ ផងដែរ។
៣- ការហាត់ប្រាណ ឬលេងកីឡា
ការហាត់ប្រាណ ឬលេងកីឡាជួយធ្វើឱ្យយើងមានសុខភាពល្អ និងធ្វើឱ្យខួរក្បាលមានសុខភាពល្អ ផងដែរ។
៤- ផឹកទឹកឱ្យបានច្រើន ជាពិសេសភេសជ្ជៈក្តៅៗ ដូចជាតែ កាហ្វេ ដែលភ្ញោចខួរក្បាលឱ្យចងចាំបានល្អប្រសើរ។
៥- ជៀសវាងការសេពសុរា ព្រោះវាមូលហេតុចម្បងនៃការបាត់ការចងចាំ។
៦- លេបវីតាមីនបន្ថែម ជាពិសេសគឺអាស៊ីតហ្វូលិក ដែលជួយដល់ការចងចាំ។
៧- កាត់បន្ថយស្ត្រេស ដោយការបន្ធូរអារម្មណ៍ និងសមាធិ។
៨- លេងល្បែងឱ្យបានច្រើន ដូចជាពាក្យខ្វែង និងល្បែងល្បងប្រាជ្ញាផ្សេងៗ ។ល។