អ្នកប្រហែលជាមានការព្រួយបារម្ភច្រើនអំពីការពិតមួយដែលថា អ្នកកំពុងតែគេងមិនគ្រប់គ្រាន់ ប៉ុន្តែខាងក្រោមនេះគឺជាជំងឺ៥ប្រភេទដែលអាចបណ្តាលមកពីការគេងមិនគ្រប់គ្រាន់របស់អ្នកតែម្តង។
មានរឿងច្រើនណាស់ដែលអាចរំខានដល់ការគេង ដូចជាការក្រចូលគេងដោយសារតែកំពុងធ្វើការ ឬមានរឿងច្រើនដែលត្រូវធ្វើនៅក្នុងផ្ទះមុនពេលចូលគេង។ ទោះបីជាយ៉ាងណាក៏ដោយ ការបន្តឱ្យខ្លួនឯងគេងមិនបានគ្រប់គ្រាន់ (តិចជាង ៦ម៉ោង) វាពិតជាអាចនាំឱ្យកើតជំងឺបាន។ ខាងក្រោមនេះគឺជាជំងឺដែលអាចនឹងកើតមាននៅពេលអ្នកគេងមិនបានគ្រប់គ្រាន់។
ជំងឺដាច់សរសៃឈាមខួរក្បាល
កាលណាសម្ពាធឈាមឡើងកាន់តែខ្ពស់ និងសារធាតុគីមីជាច្រើនឡើងខ្ពស់ក្នុងខ្លួនអាចនាំឱ្យកើតជំងឺដាច់សរសៃឈាមខួរក្បាលបាន ព្រោះចរន្តឈាមដើរមិនស្រួលសុទ្ធតែទាក់ទងននឹងការគេងមិនគ្រប់គ្រាន់។
ជំងឺទឹកនោមផ្អែម
ការញ៉ាំអាហារមិនបានត្រឹមត្រូវនាំឱ្យគេងមិនបានគ្រប់គ្រាន់ដែរ ព្រោះចាប់តាំងពីមនុស្សយើងញ៉ាំអាហារច្រើនៗមក ហើយក៏ងាយនាំឱ្យពួកគេញ៉ាំអាហារដែលមិនផ្តល់សុខភាពផងដែរ ដូច្នេះវាពិតជាងាយធ្វើឱ្យពួកគេគេងមិនបានគ្រប់គ្រាន់ដែរដោយសារតែឃ្លានអាហារពេក។ ដូច្នេះហើយ ការប្រឈមនឹងជំងឺទឹកនោមផ្អែមនឹងឡើងខ្ពស់។
ជំងឺពុកឆ្អឹង
ជំងឺនេះ និងជំងឺផ្សេងៗទៀតដែលទាក់ទងនឹងឆ្អឹងអាចបណ្តាលមកពីការគេងមិនគ្រប់គ្រាន់ដែរ។ រឿងនេះដោយសារតែដង់ស៊ីតេជាតិរ៉ែក្នុងឆ្អឹងហាក់បីដូចជាថយចុះនៅពេលពួកគេបន្តគេងមិនបាន៦ ទៅ៨ម៉ោងក្នុងមួយយប់។
បាត់បង់ការចងចាំ
នៅពេលអ្នកមិនគេង ខួរក្បាលនឹងមិនអាចមានសមត្ថភាពគ្រប់គ្រាន់ធ្វើការងាររបស់វាឡើយ។ ទោះបីជាយ៉ាងនេះក្តី អ្នកនឹងអាចបាត់បង់ការចងចាំធ្ងន់ធ្ងរ ដែលអាចក្លាយទៅជារឿងមួយជាប់រហូតបើសិនជាមិនចាប់ផ្តើមគេងបានច្រើនវិញទេនោះ។
មហារីកសុដន់
អ្នកជំងឺមហារីកសុដន់ពិតណាស់គឺងាយនឹងកើតឡើងម្តងទៀតនៅពេលពួកគេគេងមិនបានគ្រប់គ្រាន់។ ដូច្នេះ ដើម្បីចៀសវាងការព្យាបាលជំងឺនេះម្តងទៀត ដំបូងឡើយអ្នកគួរតែគេងឱ្យបានច្រើនជាមុនសិន។
ដូចអ្វីដែលអ្នកបានសម្គាល់រួចមកហើយថា ការគេងមិនគ្រប់គ្រាន់មានផលវិបាករបស់វាច្រើនជាងអ្វីដែលធ្វើឱ្យអ្នកអស់កម្លាំងនៅថ្ងៃបន្ទាប់ទៅទៀត។ ដូច្នេះហើយ វាប្រហែលជារឿងល្អវិញដែលអ្នកអាចស្វែងរកវិធីសាស្ត្រជួយឱ្យខ្លួនឯងគេងបានច្រើនឡើងវិញ៕