Join with Health.com.kh on Telegram

ថ្លើម​ដើរតួ​នាទី​ច្រើន​ណាស់​ក្នុង​រាង​កាយ​មនុស្ស​យើង​។ ថ្លើម​ដែល​មាន​សុខភាព​ល្អ​មាន​សារៈសំខាន់​ណាស់​ចំពោះ​ការ​រំលាយ​អាហារ​ប្រកបដោយ​សុខភាព និង​ត្រឹមត្រូវ​។ ថ្លើម​ក៏​ជួយ​ថែរក្សា​ប្រព័ន្ធ​ភាពស៊ាំ​ឱ្យ​មាន​សុខភាព​ល្អ បញ្ចេញ​ជាតិពុល និង​រក្សា​ទុក​ជីវជាតិ​សំខាន់​ៗ​ជា​ច្រើន​ដែល​រាង​កាយ​ត្រូវការ និង ផលិត​ជា​ទឹកប្រមាត់​ដើម្បី​រំលាយ​អាហារ ផង​ដែរ​។

បើ​គ្មាន​ថ្លើម​ដ៏​មាន​សុខភាព​ល្អ​ទេ រាង​កាយ​អាច​នឹង​មាន​ភាព​ទ្រុត​ទ្រោម​លឿន​។ ជំងឺថ្លើម​បង្ក​ឱ្យ​មាន​បញ្ហា​ផ្សេង​ៗ​ច្រើន​ណាស់ ព្រោះ​ថ្លើម​ជា​អ្នក​ទ្រទ្រង់​ដល់​រាង​កាយ​ទាំងមូល​តាម​វិធីសាស្ត្រ​របស់​វា​ជា​ច្រើន​។

ជំងឺថ្លើម​អាច​បណ្តាល​មក​ពី​វីរុស​រលាក​ថ្លើម​ប្រភេទ A, B និង C​។ ជំងឺថ្លើម​ផ្សេង​ៗ​ទៀត​អាច​កើតឡើង​ដោយសារ​មហារីក ហ្សែ​ន ឬ​ការ​ញ៉ាំ​គ្រឿង​ស្រវឹង ឬ​ឱសថ​ច្រើន​។ ជំងឺ Hemochromatosis គឺជា​ជំងឺតពូជ ឯ​ជំងឺ​ក្រិន​ថ្លើម កើតឡើង​ដោយសារ​ជាលិកា​ថ្លើម​ទៅ​ជា​សម្លាក​។ ការ​កើត​លឿង​ក៏​មាន​មូលហេតុ​របស់​វា​ច្រើន​ណាស់​ដែរ​ដូច​ជា ជំងឺ​ឈាម ជំងឺថ្លើម​ផ្សេង​ៗ ការ​បង្ក​រោគ ឬ​ប្រើ​ថ្នាំ​ជាដើម​។

អាកា​រៈ​ល្ហិតល្ហៃ មិន​ឃ្លាន​អាហារ និង​ឈឺពោះ​ផ្នែក​ខាងលើ ព្រមទាំង​ស្បែក​ឡើង​លឿង​ទៀត​នោះ​សុទ្ធតែ​ជា​សញ្ញា​ដំបូង​គេ​នៃ​ជំងឺថ្លើម​ហើយ​។ ខាងក្រោម​នេះ​ខ្ញុំ​នឹង​បង្ហាញ​អំពី​អាហារ​មួយ​ចំនួន​ដែល​អាច​ជួយ​ថែរក្សា​ថ្លើម​ឱ្យ​នៅ​មាន​សុខភាព​ល្អ​បាន​។

ខ្ទឹមស
ខ្ទឹមស​គឺជា​អាហារ​ដ៏​អស្ចារ្យ​មួយ​ដែល​ជួយ​ដោះស្រាយ​ជំងឺ​ជា​ច្រើន​បាន ហើយ​ក្នុង​នោះ​ក៏​មាន​ថ្លើម​ផង​ដែរ​។ ដោយសារ​តែ​វា​មាន​សារធាតុ​សេ​ឡេ​ញ៉ូ​ម​ខ្ពស់ ដូច្នេះ​វា​នឹង​ជួយ​សម្អាត​ថ្លើម​បាន​។ ខ្ទឹមស​ជួយ​ច្រោះ​ជាតិពុល​ពី​ក្នុង​ខ្លួន និង​បង្កើត​អត់​ស៊ី​ម​របស់​ថ្លើម​។

ចូរ​ញ៉ាំ​ខ្ទឹមស​ពីរ​បី​កំ​ពឹង​ពេល​នៅ​ពោះ​ទទេ
បញ្ចូល​ខ្ទឹមស​ទៅ​ក្នុង​អាហារ​ផង ប៉ុន្តែ​ការ​ញ៉ាំ​ឆៅ​គឺ​មាន​ប្រយោជន៍​ច្រើន​ជាង​។

ល្ហុង
ល្ហុង​ស្រស់​អាច​ជួយ​បញ្ហា​ក្រិន​ថ្លើម​បាន​។ គ្រាប់​ល្ហុង​ក៏​អាច​ប្រើ ព្យាបាល​ជំងឺ​ដោយ​ខ្លួនឯង​ដ៏​មាន​ប្រយោជន៍​ណាស់​ដែរ​។

ចូរ​ញ៉ាំ​ល្ហុង​ស្រស់​សម្រាប់​អាហារ​ពេល​ព្រឹក​រាល់ថ្ងៃ ហើយ​វា​ក៏​ជា​ទម្លាប់​ជួយ​ឱ្យ​សុខភាព​ល្អ​បាន​យូរ​ដែរ
ញ៉ាំ​ទឹក​ល្ហុង​លាយ​នឹង​ទឹកក្រូច​ឆ្មារ​ដើម្បី​ព្យាបាល​អាកា​រៈ​ក្រិន​ថ្លើម​កាន់តែ​មាន​ប្រសិទ្ធភាព
យក​ទឹក​ដែល​ចម្រាញ់​ចេញពី​គ្រាប់​ល្ហុង​លាយ​ញ៉ាំ​ជាមួយ​ទឹកក្រូច​ឆ្មារ​។

រមៀត
សមាសធាតុ​ប្រឆាំង​នឹង​មេរោគ និង​អង់​ទី​អុក​ស៊ី​ដង់​របស់​រមៀត​ល្អ​បំផុត​សម្រាប់​ថ្លើម​។

ចូរ​ញ៉ាំ​រមៀត​ជាមួយ​ទឹកដោះគោ ឬ​ទឹកឃ្មុំ
ចូរ​ប្រើ​វា​សម្រាប់​ចំអិន​អាហារ​ឱ្យ​បាន​ច្រើន​តាមតែ​អាច​ធ្វើ​បាន​រាល់ថ្ងៃ​។

ផ្លែ​បឺ​រ
ផ្លែ​ឈើ​សម្បូរ​ជាតិ​ខ្លាញ់​មួយ​នេះ​នឹង​ជួយ​ដល់​ការ​ផលិត Glutathione ដែល​អាច​ជួយ​ថ្លើម​ច្រោះ​ជាតិពុល​បាន​។

ចូរ​ញ៉ាំ​ផ្លែ​ឈើ​មួយ​នេះ​ជា​អាហារ​សម្រន់
ចូរ​ប្រើ​វា​សម្រាប់​ធ្វើ​ជា​បង្អែម​។

ផ្លែ​ប៉ោម
សារធាតុ Pectin ក្នុង​ផ្លែ​ប៉ោម​នឹង​ជួយ​បញ្ចេញ​ជាតិពុល​ពី​ក្នុង​ផ្លូវ​រំលាយ​អាហារ ដូច្នេះ​វា​ក៏​ជួយ​កាត់​បន្ថយ​ការ​ធ្វើ​ការងារ​ហួសហេតុ​របស់​ថ្លើម​បាន​ដែរ​។

ចូរ​ញ៉ាំ​ផ្លែ​ប៉ោម​ក្រោយ​ពី​ញ៉ាំ​អាហារ​ពេល​យប់​រួច ឬ​ញ៉ាំ​ទឹក​ផ្លែ​ប៉ោម​យ៉ាង​ហោច​ណាស់ ២ ទៅ​៣​ដង​ក្នុង​មួ​យស​ប្តា​ហ៍​ដើម្បី​ថ្លើម​មាន​សុខភាព​ល្អ
ប្រើប្រាស់​ផ្លែ​ប៉ោម​ធ្វើ​ជា​សាឡា​ត់ និង​បង្អែម​៕

ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង