Join with Health.com.kh on Telegram

​បើ​អ្នក​មិន​ចង់បាន​រាង​ដ៏​ធា​ត់ ហើយ​អាក្រក់​មើល​ជា​ខ្លាំង ចូរ​អ្នក​កុំ​បរិភោគ​អាហារ​មួយ​ចំនួន ក្រោយ​ពេល​ម៉ោង ៧ ឲ្យសោះ បើ​ពុំ​ដូច្នោះ​ទេ ទោះបីជា​មាន​វិធី​ស្រក​ទម្ងន់​ផ្សេងៗ ក៏​ជួយ​អ្នក​មិន​បាន​ដែរ​។ តើ​មាន​អ្វីខ្លះ​?

1.​    ​ថ្វី​ត្បិត​តែ​សូកូឡា​ខ្មៅ​ល្អ ចំពោះ​សុខភាព​អ្នក ជាពិសេស សរសៃឈាម ប៉ុន្តែ បើ​អ្នក​បរិភោគ​ច្រើន ក្រោយ​ម៉ោង ៧ យប់ វា​នឹង​ធ្វើឲ្យ​អ្នក​ធាត់ ម្យ៉ាងទៀត វា​មាន​ជាតិ​កាហ្វេ​អ៊ី​ន ដែល​ប៉ះពាល់​ដល់​ដំណេក​អ្នក​ណាស់​។​
2.​    ​គ្រាប់ស្វាយចន្ទី ពិតជា​ល្អ ចំពោះ​សុខភាព​អ្នក ព្រោះ​វា​មាន​សារធាតុចិញ្ចឹម​ជាច្រើន ដែល​អាច​ធ្វើឲ្យ​ខួរក្បាល​អ្នក មាន​ដំណើរការ​ល្អ ថែម​ទាំង​ជួយ​អ្នក ឲ្យ​ចៀសផុត​ពី​ជំងឺមហារីក​បាន ប៉ុន្តែ បើ​អ្នក​បរិភោគ​ច្រើន នៅក្រោយ​ម៉ោង ៧ យប់ វា​នឹង​ធ្វើ​ឲ្យ​ជា​តិខ្លាញ់​ក្នុង​ខ្លួន​អ្នក មិន​អាច​រំលាយ​បាន ហើយ​កក​នៅក្នុង​សារពាង្គកាយ​អ្នក ថែមទៀត​ផង​។​
3.​    ​បើ​ក្រោយពេល​ម៉ោង ៧ យប់ អ្នក​បរិភោគ​នំ​ខេ​ក នោះ​អ្នកនឹង​ងាយ​ធាត់​ខ្លាំងណាស់ ដោយសារ​តែ​ជាតិ​ផ្អែម ដែល​មាន​ក្នុង​នំ​ខេ​ក​នោះ ម្យ៉ាងទៀត វា​នឹង​ធ្វើឲ្យ​អ្នក យល់​សុបិន្ត​អាក្រក់ ហើយ​ប៉ះពាល់​ដល់​ដំណេក​អ្នក​ណាស់​។​


4.​    ​អ្នក​មិន​ត្រូវ​បរិភោគ​អាហារ ដែល​ហឹរ​នៅពេល​យប់​ឡើយ ព្រោះ​វា​ប៉ះពាល់​ដល់​ក្រពះ​អ្នក​ខ្លាំងណាស់ ជា​ហេតុ​ដែល​ធ្វើ​ឲ្យ​ពិបាក​រំលាយ​អាហារ នោះ​អ្នកនឹង​ងាយ​ធាត់ ដោយសារ​តែ​ជាតិ​ខ្លាញ់ ដែល​មាន​ក្នុង​រាងកាយ​អ្នក​។​
5.​    ​ការ​ផឹកស្រា​ច្រើន​នៅពេល​យប់ នឹង​ធ្វើ​ឲ្យ​អ្នកគេង​មិនស្ងប់ លុះ​ព្រឹក​ឡើង អ្នក​នឹង​មាន​អារម្មណ៍​មិន​ស្រួលខ្លួន​ជាខ្លាំង ម្យ៉ាងទៀត បើ​ផឹក​ច្រើន វា​នឹង​ធ្វើឲ្យ​អ្នក​ដុះ​ក្បាលពោះ​ទៀតផង​៕

ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង