Join with Health.com.kh on Telegram

​ក្លិន​មាត់​មិនល្អ ដែល​គេ​ហៅថា halitosis អាចជា​រឿង​អាម៉ាស់ ហើយ​នៅក្នុង​ករណី​ខ្លះ វា​អាច​បង្ក​ឲ្យ​ដោយ​ការថប់អារម្មណ៍​។ ផលិតផល​ជាច្រើន សម្រាប់​បំបាត់​ក្លិន​មាត់​មិនល្អ ដូចជា ស្ករ​កៅស៊ូ ជី​អង្កាម ទឹក​ខ្ពុរមាត់ និង​ផលិតផល​ផ្សេងទៀត ដែល​ដើម្បី​ប្រយុទ្ធ​ប្រឆាំង​ក្លិន​មាត់​មិន​ល្អ​។ ប៉ុន្តែ ផលិតផល​ទាំងនេះ អាច​ជួយ​ដោះស្រាយ​បញ្ហា បានត្រឹមតែ​បណ្តោះអាសន្ន​តែប៉ុណ្ណោះ ដោយសារ​វា​មិន​អាច​ដោះស្រាយ មូលហេតុ​នៃ​បញ្ហា​នេះ​បាន​។​

​អាហារ​មួយ​ចំនួន ក៏​អាច​ជា​មូលហេតុ​នៃ​ក្លិន​មាត់​មិនល្អ​បានដែរ​។ ក្នុង​ករណី​ជា​ច្រើន អ្នក​អាច​ដោះស្រាយ​ក្លិន​មាត់​មិន​ល្អ ដោយ​ការរក្សា​អនាម័យ​មាត់​ធ្មេញ ឲ្យបាន​ត្រឹមត្រូវ​។ ប្រសិនបើ​ការថែរក្សា​មាត់​ធ្មេញ​សាមញ្ញ​ដោយ​ខ្លួនឯង មិន​អាច​ដោះស្រាយ​បញ្ហា​បាន អ្នក​ត្រូវ​ទៅ​ជួប​ពេទ្យ​ធ្មេញ  ដើម្បី​ឲ្យ​កំណត់​ពី​មូលហេតុ ដែល​បង្ក​ឲ្យមាន​ក្លិន​មាត់​មិន​ល្អ​។​

​ប្រសិនបើ​អ្នក​មាន​ក្លិន​មាត់​មិនល្អ នៅក្នុង​រយៈពេល​ពេញ​មួយថ្ងៃ អ្នក​ត្រូវ​ផឹកទឹក​ឲ្យបាន​គ្រប់គ្រាន់ ហើយ​ត្រូវ​រក្សា​មាត់ ឲ្យមាន​សំណើម ដែល​អាច​ជួយ​លាង​សម្អាត​ភាគល្អិត​នៃ​អាហារ និង​បាក់តេរី​ដែល​អាច​កាត់បន្ថយ​ក្លិន​មាត់​មិន​ល្អ​។ ការ​ទំពា​រស្ករ​កៅស៊ូ ឬ​ការ​ជញ្ជក់​ស្ករ​គ្រាប់ អាច​ជួយ​បាន​ផងដែរ​។

​ប្រសិនបើ​អ្នក​មាន​មាត់​ស្ងួត​រ៉ាំរ៉ៃ ពេទ្យ​ធ្មេញ ឬ​គ្រូពេទ្យ​អាច​ណែនាំ​ឲ្យ​អ្នក ប្រើប្រាស់​ទឹកមាត់​សិប្បនិម្មិត ឬ​ថ្នាំ​រំញោច​លំហូរ​នៃ​ទឹកមាត់​៕

ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង