Join with Health.com.kh on Telegram

​ក្នុងពេល​សម្រាក​ធម្មតា ចង្វាក់បេះដូង​មនុស្ស​ធំ​មាន​សុខភាព​ល្អ គឺ​លោត​ចាប់ពី ៦០ ទៅ ១០០ ដង​ក្នុង​មួយ​នាទី​។ បើសិន​ជា​អ្នក មាន​បញ្ហា​បេះដូង​ដើរ​ញាប់ មានន័យ​ថា អត្រា​នៃ​ការ​លោត​បេះដូង គឺ​ច្រើន​ជាង ១០០​។ ​ចង្វាក់​បេះដូង ត្រូវបាន​គ្រប់គ្រង​ដោយ​ចរន្តអគ្គិសនី​ជាច្រើន ដែល​រត់នៅ​ក្នុង​ជាលិកា​បេះដូង​។ បេះដូង​ដើរ​ញាប់ អាច​កើតឡើង​នៅពេលដែល មាន​អ្វី​មួយ​ខុសធម្មតា​ក្នុង​បេះដូង ដែល​នាំឲ្យ​មាន​ចរន្តអគ្គិសនី​រត់ញាប់​ពេក​។

​ករណីខ្លះ បេះដូង​ដើរ​ញាប់ ប្រហែលជា​មិន​បង្ក​ជា​រោគសញ្ញា ឬ​ផលវិបាក​អ្វី​ឡើយ​។ ទោះបីជា​យ៉ាងនេះក្តី បេះដូង​ដើរ​ញាប់ អាច​នាំ​ឲ្យ​រំខាន​ដល់​មុខងារ​បេះដូង​យ៉ាងធ្ងន់ធ្ងរ បង្កើន​ការ​ប្រឈម​នឹង​ជំងឺ​ដាច់​សរសៃឈាម​ខួរក្បាល ឬ​គាំងបេះដូង​ស្លាប់​។ ​ការព្យាបាល ប្រហែលជា​អាច​គ្រប់គ្រង បញ្ហា​ដើរ​ញាប់​របស់​បេះដូង ឬ​គ្រប់គ្រង​ជំងឺ​ដែល​នាំ​ឲ្យ​បេះ​ដូង​ដើរ​ញាប់​បាន​។

​មាន​បញ្ហា​ច្រើនណាស់ ដែល​ដាក់​សម្ពាធ​លើ​បេះដូង ឬ​ការ​ខូច​ជាលិកា​បេះដូង អាច​នាំ​ឲ្យ​បេះ​ដូង​អ្នកដើរ​ញាប់​បាន​។ ការផ្លាស់ប្តូរ​របៀប​រស់នៅ ឬ​ការព្យាបាល​ជំងឺ ប្រហែលជា​អាច​បន្ថយ​ការប្រឈមមុខ ដូចខាងក្រោម​នេះ​បាន ៖
•​    ​ជំងឺ​បេះដូង​
•​    ​លើស​សម្ពាធ​ឈាម​
•​    ​ជក់បារី​
•​    ​ញ៉ាំ​គ្រឿង​ស្រវឹង​ច្រើន​
•​    ​ញ៉ាំ​ជាតិ​កាហ្វេ​អ៊ី​ន​ច្រើន​
•​    ​ប្រើប្រាស់​ថ្នាំ​
•​    ​មាន​បញ្ហា​ផ្លូវចិត្ត​ដូចជា ស្ត្រេ​ស ឬ​ថប់​អារម្មណ៍​
•​    ​កង្វះ​គ្រាប់​ឈាម​។​

​កត្តា​ផ្សេងៗ​ទៀត ដែល​អាច​ប្រឈម​នឹង​បេះដូង​ដើរ​ញាប់​ដែរនោះ មានដូចជា ៖
•​    ​អាយុ​ច្រើន​
•​    ​គ្រួសារ​ធ្លាប់​មាន​នរណា​ម្នាក់ មាន​បញ្ហា​បេះដូង​ដើរ​ញាប់​៕

ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង