វិធីដ៏ល្អបំផុត ដើម្បីព្យាបាលការស្ងួតមាត់ គឺអាស្រ័យទៅលើមូលហេតុរបស់វា។
ប៉ុន្តែ អ្នកអាចអនុវត្តន៍នូវវិធីសាស្ត្រមួយចំនួន ដើម្បីបំបាត់ការស្ងួតមាត់ជាបណ្តោះអាសន្ន ចំពោះការបំបាត់ការស្ងួតមាត់ក្នុងរយៈពេលវែងដែលល្អបំផុត គឺការដោះស្រាយពីមូលហេតុរបស់វា។
ដើម្បីបំបាត់ការស្ងួតមាត់ ជាបណ្តោះអាសន្ន អ្នកគួរតែ ៖
• ទំពារស្ករកៅស៊ូដែលគ្មានជាតិស្ករ ឬការបៀមស្ករគ្រាប់ដែលគ្មានជាតិស្ករ ដើម្បីជំរុញដល់លំហូរនៃទឹកមាត់។ ចំពោះមនុស្សមួយចំនួន ដែលទំពារស្ករកៅស៊ូគ្មានជាតិស្ករ ឬការបៀមស្ករគ្រាប់ដែលគ្មានជាតិស្ករ ជាញឹកញាប់ក្នុងចំនួនដ៏ច្រើន នឹងអាចបណ្តាលឲ្យរាគ ឬការឈឺចាប់ពោះ។
• កំណត់ការទទួលទានជាតិកាហ្វេអ៊ីន ព្រោះសារជាតិកាហ្វេអ៊ីន អាចធ្វើឲ្យមាត់ស្ងួតផងដែរ។
• មិនត្រូវប្រើប្រាស់ទឹកខ្ពុរមាត់ ដែលមានជាតិអាល់កុល ព្រោះពួកគេអាចធ្វើឲ្យស្ងួតមាត់។
• បញ្ឈប់ការប្រើប្រាស់ថ្នាំជក់ទាំងអស់ ទាំងការជក់បារី ឬចុកថ្នាំជក់។
• ផឹកទឹកឲ្យបានទៀងទាត់។
• ប្រើប្រាស់ផលិតផលដែលមានសារធាតុ xylitol ដូចជា ស្ប្រៃយ៍បាញ់តាមមាត់ ឬផលិតផលដែលមានផ្ទុកសារធាតុ carboxymethylcellulose ឬ hydroxyethyl cellulose ដូចជា Biotene Oral Balance។
• ប្រើប្រាស់ទឹកខ្ពុរមាត់សម្រាប់មាត់ស្ងួត ជាពិសេស ផលិតផលដែលមានសារធាតុ xylitol ដូចជា Biotene Dry Mouth Oral Rinse or ACT Total Care Dry Mouth Rinse ដើម្បីការពារប្រឆាំងនឹងជំងឺពុកធ្មេញ។
• ជៀសវាងការប្រើប្រាស់ថ្នាំ antihistamines និងថ្នាំផ្តាសាយ ដែលធ្វើឲ្យរោគសញ្ញាកាន់តែអាក្រក់។
• ដកដង្ហើមតាមច្រមុះ មិនត្រូវដកដង្ហើមតាមមាត់។
• បន្ថែមម៉ាស៊ីនផ្ដល់សំណើមខ្យល់នៅពេលយប់ ចំពោះបន្ទប់ដែលស្ងួត។
ទឹកមាត់ គឺជាសារធាតុសំខាន់មួយ ដើម្បីរក្សាសុខភាពធ្មេញ និងមាត់។ ប្រសិនបើអ្នកស្ងួតមាត់ជាញឹកញាប់ អ្នកត្រូវអនុវត្តន៍ជំហានទាំងនេះ ដើម្បីការពារសុខភាពមាត់ធ្មេញ ដូចជា ៖
• ជៀសវាងការទទួលទានអាហារដែលមានជាតិស្ករ ឬទឹកអាស៊ីត និងស្ករគ្រាប់ ព្រោះវាអាចបង្កើនហានិភ័យនៃការពុកធ្មេញ។
• ដុសជាមួយថ្នាំដុសធ្មេញ ដែលមានសារធាតុ Fluoride ។ អ្នកត្រូវសាកសួរគ្រូពេទ្យធ្មេញ ប្រសិនបើអ្នកអាចទទួលអត្ថប្រយោជន៍ ពីថ្នាំដុសធ្មេញដែលមានសារធាតុ Fluoride ។
• ទៅជួបពេទ្យធ្មេញ យ៉ាងហោចណាស់ ២ ដងជារៀងរាល់ឆ្នាំ ដើម្បីស្វែងរក និងព្យាបាលជំងឺពុកធ្មេញ ឬបញ្ហាធ្មេញផ្សេងទៀត។
ប្រសិនបើអ្នកអនុវត្តន៍ជំហានទាំងនេះហើយ នៅតែមិនមានភាពល្អប្រសើរឡើងនៃការស្ងួតមាត់ អ្នកត្រូវជួបជាមួយគ្រូពេទ្យ ឬពេទ្យធ្មេញ។ មូលហេតុនៃការស្ងួតមាត់ អាចបណ្ដាលមកពីការប្រើប្រាស់ថ្នាំ ឬស្ថានភាពណាមួយផ្សេងទៀត៕
