ដោយសារតែការរលាកអញ្ចាញធ្មេញ អាចមានលក្ខណៈតិចតួច អ្នកប្រហែលជាមិនដឹងថា ខ្លួនកំពុងតែមានអាការៈនេះផង។ ប៉ុន្តែ យកល្អ គួរតែចាត់ទុកថា វាជារឿងធ្ងន់ធ្ងរ និងព្យាបាលឲ្យបានលឿនទៅ។ ការរលាកអញ្ចាញធ្មេញ អាចនាំឲ្យមានជំងឺអញ្ចាញធ្មេញកាន់តែធ្ងន់ធ្ងន់ និងអាចបាក់ធ្មេញទៀតផង។
មូលហេតុដែលនាំឲ្យ រលាកអញ្ចាញធ្មេញញឹកញាប់បំផុតនោះ គឺកង្វះអនាម័យមាត់ធ្មេញ។ ទម្លាប់មាត់ធ្មេញដែលមានសុខភាពល្អ ដូចជា ការដុសសម្អាតធ្មេញមួយថ្ងៃពីរដង ប្រើអំបោះរុះធ្មេញរាល់ថ្ងៃ និងឲ្យពេលធ្មេញពិនិត្យជាទៀងទាត់ អាចជួយបង្ការការរលាកអញ្ចាញធ្មេញបាន។
ការរលាកអញ្ចាញធ្មេញ នរណាក៏អាចកើតមានបានដែរ។ មនុស្សភាគច្រើន ជួបបញ្ហាអញ្ចាញធ្មេញដំបូងគេ ក្នុងពេលពេញវ័យ ហើយកត្តាដែលអាចបង្កើន ការប្រឈមនឹងការរលាកអញ្ចាញធ្មេញនោះមានដូចជា ៖
• មានទម្លាប់មិនល្អ ចំពោះសុខភាពមាត់ធ្មេញ
• ជក់បារី
• មានជំងឺទឹកនោមផ្អែម
• អាយុច្រើន
• ប្រព័ន្ធភាពស៊ាំចុះខ្សោយ ដែលបណ្តាលមកពីជំងឺមហារីកគ្រាប់ឈាមស ជំងឺអេដស៍ ឬជំងឺផ្សេងៗទៀត
• ប្រើប្រាស់ថ្នាំ
• មានការបង្ករោគដោយវីរុស និងមេរោគផ្សិត
• ស្ងួតមាត់
• បម្រែបម្រួលអ័រម៉ូនដូចជា អ្នកមានផ្ទៃពោះ ការមករដូវ ឬប្រើថ្នាំពន្យារកំណើត
• កង្វះជីវជាតិ
• ប្រើថ្នាំញៀន
• មានជំងឺធ្មេញ៕
