ដំណឹងល្អសំរាប់អ្នកកើតជំងឺទឹកនោមផ្អែមនោះគឺការសិក្សាស្រាវជ្រាវបានបង្ហាញថាការបរិភោគខ្ទឹមបារាំងគួបផ្សំជាមួយការប្រើថ្នាំអាចកាត់បន្ថយចំនួន ជាតិស្ករក្នុងឈាមបានដល់៥០ភាគរយ។
លោក អាន់ ថូនី ប្រធានក្រុមដឹកនាំការស្រាវជ្រាវអំពីឥទ្ឋិពលខ្ទឹមបារាំងទៅលើអ្នកជំងឺទឹកនោមផ្អែម និយាយថា ខ្ទឹមបារាំងមានតម្លៃថោក ប៉ុន្តែវាមានតម្លៃក្នុងការកាត់បន្ថយជាតិស្ករសំរាប់ អ្នកជំងឺទឹកនោមផ្អែម។
នៅក្នុងការសិក្សាស្រាវជ្រាវ គេបានពិសោធន៍ទៅលើសត្វកណ្តុរ។ ការសិក្សាស្រាវជ្រាវ បង្ហាញថា សត្វកណ្តុរដែលគេផ្តល់ខ្ទឹមបារាំងក្នុងបរិមាណ ៤០០មីលីក្រាម ក្នុងទម្ងន់មួយគីឡូក្រាម និង ៦០០ មីលីក្រាមក្នុងទម្ងន់មួយគីឡូក្រាម បានកាត់បន្ថយជាតិស្ករក្នុងឈាមបានយ៉ាងច្រើនរហូតដល់ ៥០ ភាគរយ។
ការសិក្សាស្រាវជ្រាវក៏រកឃើញផងដែរថា ខ្ទឹមបារាំងក៏អាចមានឥទ្ឋិពលបញ្ចុះជាតិខ្លាញ់ក្នុងឈាមផងដែរ។
នៅជំហ៊ានបន្ទាប់មកទៀត អ្នកស្រាវជ្រាវនឹងធ្វើការសិក្សាស្រាវជ្រាវទៅលយន្តការនានាដែលខ្ទឹមបារាំង អាចកាត់បន្ថយជាតិស្ករបានច្រើនបែបនេះ។
ជំងឺទឹកនោមផ្អែមគឺជាជំងឺមួយដែលកើតមានលើប្រជាជនកម្ពុជាជាច្រើន។ ដូច្នេះ ការរកឃើញថាខ្ទឹម បារាំងអាចកាត់បន្ថយជាតិស្ករចំពោះអ្នកជំងឺទឹកនោមផ្អែម គឺជារឿងល្អមួយសំរាប់ពួកគេ។
អ្នកកើតជំងឺទឹកនោមផ្អែមក៏ត្រូវតែចេះតមអាហារផងដែរដោយចៀសវាងអាហារដែលមានជាតិស្ករខ្ពស់។ ទន្ទឹមជាមួយគ្នានោះ ការមានសកម្មភាពរាងកាតឬហាត់ប្រាណក៏ចាំបាច់ផងដែរក្នុងការកាត់បន្ថយ ជាតិស្ករនិងខ្លាញ់ក្នុងឈាមមនុស្ស។ អ្នកជំងឺទឹកនោមផ្អែមមិនត្រូវពឹងផ្អែកតែទៅលើការប្រើថ្នាំមួយមុខ
នោះឡើយ៕