តើការចូលគេងយប់ ផ្តល់ផលអាក្រក់អ្វីខ្លះដល់អ្នក? តើវាពិតជាមិនល្អមែនឬ បើគ្រាន់តែចូលគេងយប់សោះ? បើអ្នកមានចម្ងល់ អ្នកអាចអានអត្ថបទនេះបាន នោះអ្នកនឹងយល់ច្បាស់ពីបញ្ហាទាំងនេះ។
1. បើអ្នកចូលគេងយប់ ស្បែកអ្នកនឹងឆាប់ចាស់ ព្រោះចន្លោះពេលពីម៉ោង ១០ ដល់ម៉ោង២ ស្បែកអ្នកកំពុងដែលបញ្ចេញសម្រាម ចេញមកក្រៅទាំងអស់ ដូចនេះ បើអ្នកមិនទាន់ចូលគេង នោះរន្ធរោមអ្នកនឹងបើកធំ ហើយវានឹងស្រូបយកសារធាតុកង្វក់ទាំងឡាយ ចូលទៅក្នុងស្បែកអ្នក ជាហេតុធ្វើឲ្យវាឆាប់ចាស់។
2. វាប៉ះពាល់ដល់ភ្នែកអ្នកខ្លាំងណាស់ ព្រោះអ្នកបើកភ្នែកក្នុងរយៈពេលវែង ជាហេតុធ្វើឲ្យវាហត់ ហើយមើលអ្វីមិនច្បាស់ឡើយ ព្រោះចក្ខុវិញ្ញាណរបស់អ្នកចុះខ្សោយ។
3. វានឹងប៉ះពាល់ដល់ក្រពះអ្នកខ្លាំងណាស់ ព្រោះបើអ្នកចូលគេងយប់ ជាតិអាស៊ីតនឹងបញ្ចេញមកប៉ះនឹងក្រពះអ្នក ជាហេតុដែលអាចធ្វើឲ្យអ្នករលាកក្រពះ បើអ្នកគេងយប់ជ្រៅរៀងរាល់ថ្ងៃ។
4. ការចងចាំអ្នកនឹងធ្លាក់ចុះ ខួរក្បាលអ្នកនឹងប្រតិកម្មយឺត ជាងនេះទៅទៀត វានឹងធ្វើឲ្យអ្នកឈឺក្បាល ថែមទាំងគេងមិនលក់ទៀតផង ដោយសារតែខួរក្បាល មិនសម្រាកបានគ្រប់គ្រាន់ ហើយវានឹងធ្វើឲ្យអ្នក គ្មានអារម្មណ៍មូល។
5. ប្រពន្ធ័ការពាររាងកាយអ្នកនឹងធ្លាក់ចុះ នោះអ្នកនឹងតែងតែឈឺ ដោយសារតែពេលយប់គឺជាពេលដែលកោសិកាថ្មីដុះឡើង ដូចនេះ នៅពេលដែលអ្នកមិនគេង វានឹងបង្អាក់ការរីកដុះដាលនៃកោសិកាថ្មី ធ្វើឲ្យប្រពន្ធ័ការពារនោះ ធ្លាក់ចុះពីមួយថ្ងៃទៅមួយថ្ងៃ៕