Join with Health.com.kh on Telegram

​មុនពេល​ដែល​អ្នក ត្រៀម​ខ្លួន​មាន​ផ្ទៃពោះ អ្នក​គួរតែ​ទៅ​ពិនិត្យ​សុខភាព​ជា​មុន​សិន​។ បើ​អ្នក​មាន​ជំងឺ​មួយ​ចំនួន ដូចខាងក្រោម​នេះ សូម​អ្នក​ព្យាបាល​ឱ្យ​ជា​សិន ទើប​ធ្វើការ​មាន​ផ្ទៃពោះ ព្រោះ​ដើម្បី​សុខភាព​អ្នក និង​កូន​អ្នក​។ តើ​មាន​ជំងឺ​អ្វី​ខ្លះ ដែល​មិន​គួរ​មាន​ផ្ទៃពោះ​?

1.​    ​បើ​អ្នក​ខ្វះ​ឈាម សូម​អ្នក​កុំ​ទាន់​មាន​ផ្ទៃពោះ​ឱ្យសោះ ព្រោះ​ក្រោយពេល​ដែល​អ្នកមាន​ផ្ទៃពោះ វា​អាច​ធ្វើឱ្យ​អ្នក ខ្វះ​សារធាតុចិញ្ចឹម ថែម​ទាំង​អាច​ធ្វើឱ្យ​អ្នក កាន់តែ​ខ្វះ​ឈាម ជាងនេះទៅទៀត អ្នក​នឹង​អាច​សម្រាលកូន​មុន​ខែ ហើយ​ជួនកាល អាច​ធ្វើឱ្យ​ទារក​ក្នុង​ផ្ទៃ ស្លាប់​បាន​ទៀតផង​។​
2.​    ​ចំពោះ​អ្នក​ដែល​មាន​ជំងឺ​បេះដូង ក៏​មិន​សាក​សម មាន​ផ្ទៃពោះ​ដែរ ព្រោះ​អ្នក​អាច​ចម្លងជំងឺ​ឱ្យ​ទៅ​កូន នៅពេល​ដែល​អ្នក​មិន​ព្យាបាល ហើយ​ការ​មាន​ផ្ទៃពោះ វា​អាច​ធ្វើឱ្យ​បេះដូង​កូន ដុះ​មិន​គ្រប់​ជ្រុងជ្រោយ ជាហេតុ​អាចធ្វើឱ្យ​អ្នក អាចរ​លូត​កូន ឬ​អាច​កើតមុន​ខែ​ទៀតផង បើ​កើត​ចេញ​មក កូន​ក៏​គ្មាន​សុខភាព​ល្អ​ដែរ​។​
3.​    ​បើ​អ្នក​មាន​ជំងឺ​រលាក​ថ្លើម អ្នក​គួរតែ​ព្យាបាល ឬ​ទប់​ជំងឺ​ឱ្យ​នឹងនរ​សិន ទើប​អាច​មាន​ផ្ទៃពោះ​បាន ព្រោះ​វា​អាច​ឆ្លង ដល់​កូន​យ៉ាង​ងាយ ហើយ​ក្រោយពេល​ដែល​មាន​ផ្ទៃពោះ​រួច អ្នក​ក៏ត្រូវ​បន្ត ជួប​គ្រូពេទ្យ ដើម្បី​ទប់ទល់ កុំឱ្យ​ជំងឺឆ្លង​ដល់​កូន​។​
4.​    ​បើ​ក្រលៀន​អ្នក​មិន​ល្អ អ្នក​គួរតែ​ព្យាបាល​ជា​មុន​សិន ព្រោះ​វា​អាច​ធ្វើ​ឱ្យ​កូន​ក្នុង​ផ្ទៃ​លូតលាស់​យឺត ជាហេតុ​អាចធ្វើឱ្យ​អ្នករ​លូត​កូន ឬ​កើតមុន​ខែ បើ​ធ្ងន់ធ្ងរ​។​
5.​    ​បើ​អ្នក​មាន​ជំងឺលើសឈាម អ្នក​ក៏​មិន​សាក​សម ក្នុង​ការ​មាន​ផ្ទៃពោះ​ដែរ បើ​ទប់​សម្ពាពាធ​ឈាម​មិន​បាន​នឹងនរ​ល្អ ព្រោះ​វា​អាច​ធ្វើឱ្យ​ជំងឺ​អ្នក​កាន់តែ​យ៉ាប់​។​
6.​    ​បើ​អ្នក​មាន​ជំងឺ​ទឹកនោម​ផ្អែម វា​ក៏​អាច​ធ្វើឱ្យ​អ្នក ងាយរ​លូត​កូន ឬ​កើតមុន​ខែ​ដែរ បើ​អ្នក​មិន​ព្យាបាល​ឱ្យ​ជា​។​
7.​    ​បើ​ប្រដាប់ភេទ​អ្នក​មាន​ជំងឺ អ្នក​មិន​សាក​សម ក្នុង​ការ​មាន​ផ្ទៃពោះ​ឡើយ ព្រោះ​វា​អាច​ធ្វើ​ឱ្យ​កូន​អ្នក លូតលាស់​យឺត ថែម​ទាំង​អាច​ឆ្លង ដល់​កូន​ទៀតផង ដូចនេះ អ្នក​គួរតែ​ព្យាបាល មុន​ពេល​សម្រេច​ថា មាន​ផ្ទៃពោះ​៕

ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង