ខាងក្រោមនេះ Health.com.kh យើងខ្ញុំនឹងបង្ហាញអ្នកពីរឿងដែលស្វាមីគួរតែធ្វើពេលដែលប្រពន្ធមានផ្ទៃពោះ។ តើមានអ្វីខ្លះទៅ? (អាន:ថ្នាំងងុយគេង ពេលអ្នកគួរប្រើ)
- អ្នកគួរតែកំដរប្រពន្ធអ្នកទៅពិនិត្យពោះគ្រប់ពេល នៅពេលដែលដល់ថ្ងៃត្រូវពិនិត្យ ដោយអ្នកមិនគួរទុកឲ្យប្រពន្ធទៅម្នាក់ឯងឡើយ ព្រោះអាចមានគ្រោះថ្នាក់ ហើយក៏ជាការមិនទទួលខុសត្រូវមួយដែរ។
- ក្រោយពេលដែលប្រពន្ធមានផ្ទៃពោះ អារម្មណ៍របស់គេអាចនឹងប្រែប្រួលមិននឹងនរឡើយ ដោយអាចឆេវឆាវ និងឆាប់មួលម៉ៅខ្លាំងណាស់។ ដូចនេះ ក្នុងនាមជាស្វាមីម្នាក់ គួរតែចេះអត់ធ្មត់ និងអធ្យាស្រ័យ ហើយយល់ចិត្តភរិយា ទើបមិនមានជម្លោះកើតឡើងច្រើន។
- អ្នកគួរតែគ្រប់គ្រងប្រដាប់ភេទអ្នកឲ្យបានល្អ ដោយមិនគួរព្រោះតែប្រពន្ធមិនអាចបំពេញបំណង ហើយរត់ទៅរកស្រីផ្សេងឡើយ។ អ្នកគួរតែយល់ចិត្តប្រពន្ធអ្នក ព្រោះគេខំពរពោះយ៉ាងធំ ដើម្បីបង្កើតកូនឲ្យអ្នក។ ដូចនេះ អ្នកមិនគួរព្រោះតែគេពោះគេធំ ហើយលួចមានស្រីផ្សេងឡើយ។
- ក្នុងថ្ងៃដែលប្រពន្ធសម្រាលកូន អ្នកគួរតែផ្តល់ស្នាមថើបមួយដល់គេក្រោយពេលដែលកូនចេញមកឃើញពិភពខាងក្រៅ ដោយអរគុណគេដែលបានពុះពារនឹងភាពឈឺគ្រប់ប្រភេទដើម្បីបង្កើតកូនចេញមក។
- ក្រោយពេលដែលកើតកូនចេញមករួច អ្នកគួរតែជួយមើលថែទាំកូន ដោយមិនគួរទុកឲ្យតែប្រពន្ធមើលឡើយ ព្រោះគេអស់កម្លាំង និងអស់ឈាមច្រើន ទើបកូនអាចចេញមកក្រៅ។ ដូចនេះ អ្នកគួរតែជួយមើលថែទាំកូន ដើម្បីជួយសម្រាលបន្ទុកគេខ្លះ។
- ក្រោយពេលដែលសម្រាលកូនរួច រូបរាងរបស់ប្រពន្ធអាចនឹងប្រែប្រួលបន្តិច ឬច្រើន ប៉ុន្តែគេសុទ្ធតែព្រោះតែចង់បង្កើតកូនឲ្យអ្នកទើបប្រែជាបែបនេះ។ ដូចនេះ អ្នកមិនគួរព្រោះតែគេមិនស្អាតដូចមុន ហើយចាប់ផ្តើមធុញ ទៅរកស្រីស្អាតផ្សេងឡើយ។ អ្នកគួរតែបន្តផ្តល់ក្តីស្រឡាញ់ចំពោះគេ និងកូន ទើបអាចកសាងបានគ្រួសារដែលកក់ក្តៅ និងមានសុភមង្គល៕ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)