Join with Health.com.kh on Telegram

​ការ​នោម​ញឹក ប្រហែល​ជា​បញ្ហា ដែល​រំខាន​ដល់​រូប​អ្នក​ទាំង​ថ្ងៃ និង​យប់ ដែល​ប៉ះពាល់​ដល់​ដំណេក ការងារ និង​ជីវិត​រស់នៅ​រាល់ថ្ងៃ​។ ក្រៅពីនេះ វា​អាច​ជា​សញ្ញា​នៃ​ជំងឺ​ណាមួយ​ដែរ​។
​ដោយសារតែ​មាន ជំងឺ​ខុសៗ​គ្នា​មួយ​ចំនួន អាច​បណ្តាល​ឱ្យ​នោម​ញឹក​នោះ យក​ល្អ អ្នក​គួរតែ​ស្វែងរក​នូវ​ការធ្វើ​រោគ​វិនិច្ឆ័យ និង​ព្យាបាល​ឱ្យបាន​ត្រឹមត្រូវ​ទៅ​។

ចូរ​ទាក់ទង​គ្រូពេទ្យ បើសិន​ជា​អ្នក​កំពុងតែ​នោម​ញឹក​ជាង​ធម្មតា បូករួម​ជាមួយ​នឹង​បញ្ហា​សុខភាព ដូចខាងក្រោម​នេះ ៖
•​ ​មិន​មាន​មូលហេតុ​ណាមួយ ដែលនាំឱ្យ​នោម​ច្រើន​ដូចជា ផឹកទឹក គ្រឿង​ស្រវឹង ឬ​កាហ្វេ​អ៊ី​ន​ច្រើន​ជាង​ធម្មតា​។​
•​ ​បញ្ហា​ដែល​រំខាន​ដល់​ការ​គេង ឬ​សកម្មភាព​រាល់ថ្ងៃ​
•​ ​ធ្លាប់មាន​បញ្ហា​ផ្លូវ​ទឹកមូត្រ​ផ្សេងៗ​។​
​ចូរ​ទាក់ទង​គ្រូពេទ្យ ឱ្យ​បាន​លឿន​តាមតែ​អាចធ្វើ​បាន បើសិន​ជា​អ្នក​នោម​ញឹក បូករួម​នឹង​សញ្ញា​ដូចខាងក្រោម​នេះ ៖
•​ ​ឈាម​ក្នុង​ទឹកនោម​
•​ ​ទឹកនោម​ទៅជា​ក្រហម ឬ​ត្នោត​ចាស់​
•​ ​នោម​ឈឺ​
•​ ​ឈឺ​នៅ​ចំហៀង​ខ្លួន ពោះ​ផ្នែក​ខាងក្រោម ឬ​គ្រលាន​
•​ ​ពិបាក​នោម​
•​ ​ចេះ​តែ​ចង់​នោម​ខ្លាំង​
•​ ​ទប់​ទឹក​នោម​មិនបាន​
•​ ​ក្តៅខ្លួន​។​
​ជំងឺ​នៅ​ផ្លូវ​ទឹកមូត្រ ប្រហែល​ជា​បណ្តាល​ឱ្យ​មាន​រោគសញ្ញា ដូចខាងលើ ប៉ុន្តែ វា​ក៏​អាច​ជា​ជំងឺ​ធ្ងន់ធ្ងរ​ផ្សេងៗ​ទៀត​ដែរ​។ យក​ល្អ គួរតែ​ទាក់ទង​គ្រូពេទ្យ ដើម្បី​រកឱ្យឃើញ​ថា អ្វី​ទៅ​កំពុងតែ​បង្ក​បញ្ហា​នោម​ញឹក​ដល់​រូបអ្នក និង​របៀប​នៃ​ការព្យាបាល​៕

ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង