វាពិតជាក្បូនដ៏ល្អមួយ ដែលមនុស្សយើង គួរតែគិតមុននិយាយ ប៉ុន្តែ អ្នកអាចនឹងមានបញ្ហា នៅពេលអ្នកស្ថិតក្នុងស្ថានភាព គិតច្រើនពេកថា ខ្លាចនឹងធ្វើអ្វីមួយបរាជ័យ ឬគិតថាខ្លួនឯងហ្នឹង ស្ថិតក្នុងអាការៈថប់អារម្មណ៍ ដែលមិនអាចគ្រប់គ្រងបាន។ តើអ្នកកំពុងតែស្វែងរកមធ្យោបាយ ដើម្បីបញ្ឈប់ការគិតច្រើន ពេកមែនទេ យើងខ្ញុំអាចជួយអ្នកបាន។
តាំងសមាធិ
បើសិនជាអ្នកយល់ថា អ្នកមិនដឹងធ្វើដូចម្តេច ទើបបញ្ឈប់ការគិតច្រើនបាននោះ អ្នកត្រូវតែរឿងនូវអ្វីមួយ ដែលនិយាយថា “Let Go” ក្នុងចិត្តវិញ ដូច្នេះ វានឹងល្អជាមិនខាន។ ចូរស្រមៃថា ការគិត គឺដូចគ្នានឹងការដកដង្ហើមដែរ ព្រោះអ្នកត្រូវការធ្វើវាគ្រប់ពេល ដោយពេលខ្លះ មិនដឹងខ្លួនទៀតផង។ ប៉ុន្តែ បើសិនជាអ្នកត្រូវការដឹងនោះ អ្នកក៏អាចផ្អាកការដកដង្ហើមបានដែរ។ ការតាំងសមាធិ នឹងជួយឱ្យអ្នកសិក្សាដឹងពីរបៀប នៃការបញ្ចេញចោលនូវការគិតរបស់អ្នក។
• ចំណាយពេលត្រឹមតែ ១៥ ទៅ ២០ នាទី ក្នុងការតាំងសមាធិ ជារៀងរាល់ព្រឹក ព្រោះវានឹងមានឥទ្ធិពលយ៉ាងអស្ចារ្យ ទៅលើជីវិតរស់នៅរបស់អ្នក។
• អ្នកក៏អាចតាំងសមាធិ នៅពេលយប់បានដែរ ដើម្បីឱ្យអារម្មណ៍បានស្ងប់។
ហាត់ប្រាណ
ការរត់ ឬដើរដោយប្រើកម្លាំងខ្លាំង អាចនឹងជួយឱ្យចិត្តគំនិតជ្រះស្រឡះល្អ និងចៀសផុត ពីការគិតរឿងមិនបានការទាំងឡាយបាន។ ការចូលរួមក្នុងសកម្មភាពពិសេសៗដូចជា ការហាត់ក្បាច់យូហ្គា ហាត់ក្បាច់គុណ ឬលេងបាលទះ នឹងជួយឱ្យអ្នក ផ្តោតអារម្មណ៍បានយ៉ាងល្អ ទៅលើរាងកាយ ជាងការគិតរឿងមិនបានការ។
និយាយអំពី គំនិតរបស់អ្នកចេះ ឱ្យលឺៗ
នៅពេលអ្នកបាននិយាយ រឿងគ្រប់យ៉ាងបានលឺៗ ទោះបីជាកំពុងតែនិយាយប្រាប់ ខ្លួនឯងក៏ដោយ ក៏អ្នកអាចចាប់ផ្តើមដំណើរ Let go បានដែរ។ ចូរដើរមួយភ្លេត បើសិនជាអ្នកគួរតែធ្វើ។ នៅពេលអ្នកបានដាក់គំនិត នឹងចង់និយាយហើយ អ្នកអាចនឹងចាប់ផ្តើម ឱ្យមនុស្សជុំវិញខ្លួន ដឹងនូវអ្វីដែលអ្នកចង់និយាយដែរ។ អ្នកក៏អាចនិយាយលឺប្រាប់ខ្លួនឯង សត្វចិញ្ចឹម ឬមិត្តស្និទ្ធស្នាល។
សុំដំបូន្មានពីអ្នកដទៃ
អ្នកប្រហែលជានឹងអស់កម្លាំងចិត្ត នូវថាមពលដែលប្រើប្រាស់ ក្នុងការគិតរបស់អ្នកហើយ ប៉ុន្តែ វានៅតែមានមនុស្សម្នាក់ទៀត ដែលអាចផ្តល់នូវការយល់ឃើញខុសគ្នាមួយ ដើម្បីឱ្យការសម្រេចចិត្តនោះ កាន់តែច្បាស់លាស់ជាងមុន។ រឿងនេះ អាចជួយឱ្យអ្នកចៀសផុត ពីការគិតរឿង ដែលមិនបានការបាន។ មិត្តអ្នក អាចនឹងធ្វើឱ្យអ្នក មានអារម្មណ៍កាន់តែល្អ លុបបំបាត់បញ្ហារបស់អ្នក និងបង្ហាញថា អ្នកពិតជាចំណាយពេលវេលាច្រើនពេក ក្នុងការគិតរឿងឥតប្រយោជន៍បាន។ ក្រៅពីនេះ បើសិនជាអ្នកទៅដើរលេងខាងក្រៅ ជាមួយមិត្តភក្តិនោះ អ្នកពិតជាមិនមែន កំពុងតែគិតទៀតទេមែនទេ?
