Join with Health.com.kh on Telegram

​ជាទូទៅ អ្នកជំងឺ​ដំបៅ​ក្រពះ ធ្វើ​ការងារ​បាន​ធម្មតា​។ ការ​ដំបៅ​មួយចំនួន អាច​ជា​សះស្បើយ​ទៅវិញ​ដោយ​ខ្លួន​វា ដោយ​មិន​មាន​ការប្រើ​ថ្នាំ​អ្វី​ទាំងអស់​។ លើសពីនេះ បញ្ហា​ចំបង​ដែល​បង្ក​ឱ្យ​មាន​ដំបៅ​ក្រពះ ត្រូវ​បាន​ទាក់ទង​ទៅនឹង ផលវិបាក​នៃ​ដំបៅ​ក្រពះ​។ ផលវិបាក​រួមមាន ការ​ហូរ​ឈាម​ក្រពះ ការ​ធ្លាយ​ក្រពះ និង​ការស្ទះ​នៃ​ភាព​ទទេ​នៃ​ក្រពះ​។​
​អ្នកជំងឺ​ដំបៅ​ក្រពះ អាច​ប្រាប់​ថា មាន​លាមក​ខ្មៅ ខ្សោយ វិលមុខ​ពេល​ក្រោកឈរ​ភ្លាមៗ និង​ក្អួត​ឈាម​។

ការព្យាបាល​ដំបូង ទាក់ទង​ទៅនឹង​បញ្ចូល​ជាតិ​ទឹក ដែល​បាន​បាត់បង់​ឱ្យបាន​លឿន​។ អ្នកជំងឺ​ដែល​មាន​ការ​ហូរឈាម​ធ្ងន់ធ្ងរ ឬ​ហូរឈាម​ជាប់ អាច​តម្រូវឱ្យ​ធ្វើ​ការបញ្ចូល​ឈាម​។ ការឆ្លុះ​ក្រពះ ត្រូវបានធ្វើ ដើម្បី​មើល​ពី​តំបន់​នៃ​ការ​ហូរឈាម និង​បញ្ឈប់​ការ​ហូរឈាម​។ ការ​ធ្លាយ​ក្រពះ អាច​នាំ​ឱ្យ​ទឹក​ក្រពះ ហូរ​ចូល​ទៅក្នុង​ប្រហោង​ពោះ ដែល​បណ្តាល​ឱ្យ​រលាក​ស្រោម​ពោះ​។ អ្នកជំងឺ​ទាំងនេះ​ប្រាប់ថា មានការ​ឈឺពោះ​ខ្លាំង​ភ្លាមៗ​។ សាច់ដុំ​ពោះ ក្លាយ​ជា​ឡើង​រឹង និង​ឈឺ​។ ជាធម្មតា ការវះកាត់​បន្ទាន់ ត្រូវបានធ្វើ​។ ដំបៅ​ពោះវៀនតូច ដែល​ត្រូវបាន​ធ្លាយ អាច​ប៉ះពាល់​ទៅលើ​សរីរៈ​មួយចំនួន​ដូចជា លំពែង ឬ​សរីរៈ​ខាងក្រោយ​ពោះ​ជាដើម​។

ដំបៅ​បំពង់​អាហារ​ដែល​ធ្លាយ អាច​បណ្តាល​ឱ្យ​រលាក​ធ្ងន់ធ្ងរ នៃ​ជាលិកា​ដែល​រុំ​ព័ទ្ធជុំវិញ​វា និង​បេះដូង ឬ​សួត​ជាដើម​។ ប្រសិនបើ​ដំបៅ​កើតមាន នៅ​ផ្លូវ​ចង្អៀត​នៃ​ក្រពះ វា​អាច​ស្ទះ​លំហូរ​នៃ​ទឹក​ក្រពះ ទៅក្នុង​ពោះវៀនតូច​។ ជួនកាល ដំបៅ​ពោះវៀនតូច ក៏​អាច​ធ្វើឱ្យ​ស្ទះ​លំហូរ​នៃ​អ្វី ដែល​មាន​ខាងក្នុង​ពោះវៀន​តូច​។ អ្នកជំងឺ​ដែល​ស្ទះ​ជារឿយ​ប្រាប់ថា មាន​ការកើនឡើង​ការ​ឈឺពោះ ក្អួត​នៃ​អាហារ​ដែល​មិនទាន់​ត្រូវបាន​រំលាយ ឬ​ថយ​ចុះ​ចំណង់​អាហារ និង​ស្រក​ទម្ងន់​។ ជាធម្មតា ការស្ទះ​កើតមាន​នៅ​ជិត ឬ​ត្រង់​ផ្លូវ​ចេញ នៃ​ក្រពះ​ដែល​ញែក​ក្រពះ និង​ពោះវៀនតូច​។ ការឆ្លុះ​ក្រពះ គឺ​មាន​ប្រយោជន៍ ក្នុងការ​ធ្វើ​រោគវិនិច្ឆ័យ​នៃ​ការស្ទះ​។

ចំពោះ​អ្នកជំងឺ​មួយចំនួន ការស្ទះ​នៅ​នឹង​ក្រពះ អាច​ត្រូវបាន​ធូរស្រាល ដោយ​ការបូមទឹក​ក្រពះ​ចេញ ក្នុង​រយៈពេល ៧២​ម៉ោង ស្រប​ជាមួយនឹង​ការ​ផ្តល់​ថ្នាំ​ដំបៅ​ក្រពះ​ជាដើម​។ អ្នកជំងឺ​ដែល​ស្ទះ​ជាប់ តម្រូវឱ្យ​ធ្វើ​ការវះកាត់​៕

ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង