Join with Health.com.kh on Telegram

​ការស្រាវជ្រាវ​ថ្មី​មួយ បាន​ព្រមាន​ថា ការជក់បារី អាច​បង្កើន​ហានិភ័យ នៃ​ការស្លាប់​មុន​អាយុ ចំពោះ​អ្នក​ដែល​បាន​រស់រាន​មានជីវិត ពី​ជំងឺ​មហារីក​ពោះវៀន​ធំ​។​
​អ្នកស្រាវជ្រាវ បាន​មើល​ទៅលើ​អ្នក​រស់រានមានជីវិត ពី​ជំងឺ​មហារីក​ពោះវៀន​ធំ ជាង ២.៥០០ នាក់​នៅ​សហរដ្ឋអាមេរិក​។ ជាង ១.១០០ នាក់ បាន​ស្លាប់​អំឡុងពេល​នៃ​ការតាមដាន ក្នុង​រយៈពេល​ជា​មធ្យម ៧,៥ ឆ្នាំ ដែល​រួមមាន​ប្រហែល ៤៥០ នាក់ បាន​ស្លាប់​ដោយសារតែ ជំងឺមហារីក​ពោះវៀនធំ​នោះ​។​

​ការស្រាវជ្រាវ​បាន​រកឃើញថា ធៀប​ទៅនឹង​អ្នក​មិន​ជក់បារី អ្នក​ជំងឺមហារីក​ដែល​បាន​ជក់បារី ហាក់ដូចជា​មាន​ឱកាស​ទ្វេដង ក្នុង​ស្លាប់​ដោយសារ​មូលហេតុ​នានា ឬ​ពី​ជំងឺមហារីក​ពោះវៀនធំ អំឡុងពេល​នៃ​ការតាមដាន​នោះ​។​
​ការស្រាវជ្រាវ ត្រូវ​បាន​ចេញផ្សាយ​នៅក្នុង​កាសែត Journal of Clinical Oncology​។​
​អ្នកស្រាវជ្រាវ​បាន​និយាយថា អ្នក​ជក់បារី អាច​មាន​ជំងឺ​មហារីក​កាច​សាហាវ​ជាង ឬ​ការជក់បារី អាច​បន្ថយ​ប្រសិទ្ធភាព នៃ​ការព្យាបាល​ជំងឺមហារីក​ពោះវៀនធំ​នោះ​។​
​អ្នកស្រាវជ្រាវ​បាន​និយាយថា ការស្រាវជ្រាវ​ទៅ​ថ្ងៃក្រោយ គឺ​ចាំបាច់ ដើម្បី​យល់​បន្ថែមថា​តើ ការជក់បារី អាច​បង្កើន​ហានិភ័យ នៃ​ការស្លាប់​ដោយ​អ្នក​ជំងឺមហារីក​ពោះវៀន​ធំ យ៉ាងដូចម្តេច និង​កំណត់​ថា​តើ ការផ្តាច់​បារី ក្រោយពី​ធ្វើ​រោគវិនិច្ឆ័យ​ឃើញ អាច​បន្ថយ​ហានិភ័យ នៃ​ការស្លាប់ ឬ​យ៉ាងណា​៕

ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង