ជាទូទៅ ការឈឺចាប់នៅក្នុងពោះ វាតែងតែបណ្តាលដោយការប៉ះពាល់ ឬមានជំងឺផ្សេងៗ ទៅលើសរីរាង្គណាមួយ ឬក៏ច្រើន ដែលយើងពិបាកនៅក្នុងការបែងចែកខ្លាំងណាស់ ប៉ុន្តែ ទាំងនេះ គឺជាការបែងចែកភាពខុសគ្នាមួយចំនួន ដែលអ្នកគួរតែដឹង ៖
• ការឈឺចាប់ ដោយសារមានបញ្ហា ទៅលើថង់ទឹកប្រមាត់ ៖ ជាការឈឺ ដែលមានលក្ខណៈខ្លាំងខ្លា និងឈឺជាប់យូរ នៅក្រោមឆ្អឹងជំនីខាងស្តាំ ហើយក៏អាចរួមផ្សំជាមួយការក្អួត និងក្តៅខ្លួនផងដែរ។
• ការឈឺចាប់ ដោយសារការមានបញ្ហា ទៅលើតម្រងនោម ៖ វាជាការឈឺចាប់ ដែលមានកើនឡើងបន្តិចម្តងៗ ហើយដែលវាអាចឈឺ ចាក់ពីផ្នែកខ្នងខាងក្រោម និងខាងក្រោយ ចុះទៅក្រលៀន នោះបានន័យថា វានឹងធ្វើឱ្យមានការឈឺចាប់ កាន់តែខ្លាំង។
• ការឈឺចាប់ បែបរលាកខ្នងពោះវៀន ៖ ដែលវាតែងតែចាប់ផ្តើមការឈឺ នៅជុំវិញផ្ចិត និងបន្ទាប់មក ផ្លាស់ទីទៅផ្នែកខាងស្ដាំ នៃពោះវិញម្តង។
• ការឈឺចាប់ ដោយសារការមានរដូវ ៖ ជាការឈឺចាប់រមួល នៅក្នុងពោះ ដែលកើតឡើងនៅអំឡុងពេល ចាប់ផ្តើមនៃការមករដូររបស់អ្នក។
• ការមានដំបៅ នៅលើផ្នែកខាងដើម នៃពោះវៀនតូច ៖ ជាធម្មតា វាកើតឡើង នៅក្នុងទីតាំងច្បាស់លាស់ គឺនៅខាងក្រោមឆ្អឹងសន្ទះទ្រូង។
• ការមានខ្យល់ នៅក្នុងពោះ ៖ ការដែលមានឧស្ម័នលើស នៅក្នុងប្រព័ន្ធ រំលាយអាហារ អាចវានាំទៅរកការហើមពោះ និងការឈឺចាប់ នៅក្នុងពោះផងដែរ។
• ការរលាកសរីរាង្គផ្សេងៗ នៅក្នុងតំបន់អាងត្រគាក (មានតែស្ត្រីតែប៉ុណ្ណោះ) ៖ វាធ្វើឱ្យមានការក្រហាយ និងការឈឺចាប់ ដែលបានពង្រីកទៅដល់លើពោះ។
• ការឈឺចាប់ ដោយសារមានបញ្ហា ទៅលើក្រពេញអូវែ ៖ វាជាការឈឺ ដែលចាក់ជ្រៅ នៅក្នុងអាងត្រគាក ហើយដែលអាចត្រូវបានបង្កឡើងដោយ ការរួមភេទ៕
