វិធីល្អបំផុតសម្រាប់អ្នក ដើម្បីការពាមិនឱ្យមានក្លិនខ្លួននោះ ជាដំបូង គឺអ្នកត្រូវតែងូតទឹកឱ្យបានទៀងទាត់ និងឱ្យប្រាកដចិត្តថា អ្នកបានសម្អាតគ្រប់កន្លែងអស់ហើយ នៅលើដងខ្លួនរបស់អ្នក ដោយដុសសម្អាតជាមួយសាប៊ូ និងងូតសម្អាតជាមួយទឹកឱ្យស្អាត។ វាមិនមានអត្ថប្រយោជន៍ដល់សុខភាពអ្វីទេ ដែលថាសាប៊ូដុសខ្លួនរបស់អ្នកថ្លៃ។
វិធីផ្សេងៗទៀតសម្រាប់ការ ការពារក្លិនខ្លួនរបស់អ្នកអាចមានដូចជា ៖
• អ្នកគួរស្លៀកសំលៀកបំពាក់ដែលស្អាតល្អ
• អ្នកអាចប្រើសារធាតុ សម្រាប់បំបាត់ក្លិនខ្លួន ឬថ្នាំកុំឱ្យញើសចេញច្រើនពេក
• អ្នកអាចប្រើជាម្សៅ ឬជាទឹកបាញ់សម្លាប់ពពួកផ្សិត សម្រាប់ការពាក្លិនបាតជើងរបស់អ្នក។ វាក៏ជារឿងសំខាន់ដែលអ្នកគួរតែហាល ឬសម្អាតស្រោមជើងរបស់អ្នក ឱ្យបានល្អកុំឱ្យមានធុំក្លិន។
អ្នកគួរតែកុំប្រើទឹកអប់របស់អ្នក ដើម្បីបំបាត់លើក្លិនខ្លួនរបស់អ្នក។ ពីព្រោះតែការដែលមានក្លិនខ្លួននោះ គឺបណ្តាលមកពីល្បាយចូលគ្នារវាងបាក់តេរី និងញើស ហើយវាគួរតែត្រូវបានសម្អាតដោយសាប៊ូ ដើម្បីសម្លាប់បាក់តេរី៕
