ប្រសិនជាអ្នកមិនចង់នៅជិតមនុស្សដែលផ្តាសាយ ហើយឆ្លងជំងឺមួយនេះ អ្នកអាចអនុវត្តតាមវិធីខាងក្រោមនេះ។ តើមានអ្វីខ្លះទៅ?
- អ្នកគួរតែកុំនៅជិតបុគ្គលដែលផ្តាសាយ ព្រោះមេរោគផ្តាសាយនេះងាយឆ្លងខ្លាំងណាស់ ដោយភាយតាមខ្យល់ ចូលមកក្នុងរាងកាយអ្នក។ ដូចនេះ ប្រសិនជាអាច អ្នកគួរតែពាក់ម៉ាស ដើម្បីការពារកុំឲ្យឆ្លងជំងឺមួយនេះ។
- អ្នកគួរតែហាត់ប្រាណឲ្យបានទៀងទាត់ ព្រោះការហាត់ប្រាណទាំងនេះ អាចធ្វើឲ្យប្រព័ន្ធការពាររាងកាយអ្នករឹងមាំ។ ដូចនេះ អ្នកនឹងមិនងាយឆ្លងជំងឺផ្តាសាយពីអ្នកដទៃឡើយ។
- មិនថាអ្នកប៉ះរបស់អ្វីរួចទេ អ្នកគួរតែលាងដៃដោយប្រើសាប៊ូជានិច្ច ព្រោះមេរោគអាចស្ថិតលើរបស់ដែលអ្នកប៉ះទាំងនោះ។ ដូចនេះ បើអ្នករក្សាអនាម័យក្នុងខ្លួន អ្នកនឹងមិនងាយឆ្លងជំងឺផ្តាសាយនេះឡើយ។
- អ្នកគួរតែញ៉ាំទឹកឲ្យបានច្រើន ព្រោះទឹកនេះ អាចជួយរាងកាយបញ្ចេញជាតិពុលចេញមកក្រៅបានអស់។ ជាហេតុដែលធ្វើឲ្យមេរោគផ្តាសាយមិនងាយឆ្លងចូលមកក្នុងរាងកាយអ្នកនោះទេ។
- អ្នកគួរតែគេងឲ្យបានគ្រប់ម៉ោង ព្រោះបើអ្នកសម្រាកមិនគ្រប់ ជំងឺអ្វីក៏អាចចូលមកដែរ។ ដូចនេះ នៅពេលដែលអ្នកគេងគ្រប់៨ម៉ោងក្នុងមួយថ្ងៃ ប្រព័ន្ធការពាររាងកាយអ្នកនឹងរឹងមាំ ដោយធ្វើឲ្យអ្នកមិនងាយផ្តាសាយឡើយ។
- អ្នកគួរតែបើកបង្អួចឲ្យខ្យល់ចេញចូលខ្លះ ទើបមេរោគទាំងនោះអាចភាយចេញក្រៅបាន។ ដូចនេះ អ្នកនឹងអាចចៀសពីជំងឺផ្តាសាយបានយ៉ាងងាយបំផុត។ អ្នកអាចសាកល្បងតាមវិធីទាំងឡាយខាងលើ ដើម្បីទប់ទល់នឹងជំងឺផ្តាសាយ៕
ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
