ការបាត់បង់ជាតិទឹក អាចកើតមាន នៅពេលដែលអ្នកញ៉ាំទឹកមិនបានគ្រប់គ្រាន់ ឬបាត់បង់សារធាតុរាវច្រើនជាងអ្វីដែលអ្នកបានញ៉ាំហើយរាងកាយរបស់អ្នកមិនមានជាតិទឹកគ្រប់គ្រាន់ ដើម្បីដំណើរការមុខងាររាងកាយបានប្រក្រតី។ ប្រសិនបើអ្នកមិនជំនួសមកវិញ នូវសារធាតុរាវដែលបាត់បង់នោះទេ អ្នកនឹងជួបបញ្ហាបាត់បង់ជាតិទឹកនេះ។
មូលហេតុទូទៅនៃការបាត់បង់ជាតិទឹក អាចរួមបញ្ចូលទាំងការធ្វើលំហាត់ប្រាណខ្លាំងក្លាពេក ជាពិសេសនៅក្នុងអាកាសធាតុក្តៅមានជំងឺរាគខ្លាំងក្អួតគ្រុនក្តៅ ឬការបែកញើសច្រើនហួសហេតុពេក។ ការមិនញ៉ាំទឹកបានគ្រប់គ្រាន់ក្នុងអំឡុងពេលធ្វើលំហាត់ប្រាណឬក្នុងអាកាសធាតុក្តៅសូម្បីតែអ្នកមិនបានធ្វើលំហាត់ប្រាណក៏អាចបណ្តាលអោយបាត់បង់ជាតិទឹកផងដែរ។ នរណាក៏អាចមានការបាត់បង់ជាតិទឹកបានផងដែរ ប៉ុន្តែកុមារមនុស្សចាស់និងមនុស្សដែលមានជំងឺរ៉ាំរ៉ៃ អាចមានការប្រឈមច្រើនជាង។
ជាធម្មតាអ្នកអាចនឹងបានធូរស្រាលពីការបាត់បង់ជាតិទឹកម្រិតស្រាល ឬមធ្យមបាន ដោយការញ៉ាំសារធាតុរាវបន្ថែមទៀតប៉ុន្តែ ការបាត់បង់ជាតិទឹកធ្ងន់ធ្ងរ គឺតម្រូវអោយមានការព្យាបាលជាបន្ទាន់។ សូមទទួលបានការថែទាំសុខភាពជាបន្ទាន់ប្រសិនជាអ្នកមានរោគសញ្ញាធ្ងន់ធ្ងរដូចជា ការស្រេកទឹកខ្លាំងពេកលែងមានទឹកនោម រួមជាមួយនឹងការឡើងជ្រួញស្បែកវិលមុខនិងមានការភាន់ភាំង ច្រឡំ៕
