Join with Health.com.kh on Telegram

​ជាធម្មតា ការ​មិន​រំលាយ​អាហារ កើត​មាន​តែ​ម្តងម្កាល​ប៉ុណ្ណោះ ដូចជា ក្រោយ​ញ៉ាំ​អាហារ​មួយ​ចំនួន ដែល​មិន​សាក​សម​ចំពោះ​អ្នក​។ ប៉ុន្តែ អ្នក​គួរតែ​ជួប​នឹង​គ្រូពេទ្យ ប្រសិនបើ​អ្នក មិន​រំលាយ​អាហារ ទោះបីជា​អ្នក​បាន​ញ៉ាំ​អាហារ ដែល​ផ្តល់​នូវ​សុខភាព​ល្អ​ក្តី លេង​កីឡា​ក្តី និង​គេង​បាន​គ្រប់គ្រាន់​ក្តី​។​

​អ្នក​អាច​នឹង​ត្រូវ​បាន​ពិនិត្យ ឬ​មាន​ការឆ្លុះ​ក្រពះ ឬ​ធ្វើ​តេស្ត​មួយចំនួន ដើម្បី​ប្រាកដថា ការ​មិន​រំលាយ​អាហារ​របស់​អ្នក មិនមែន​ជា​សញ្ញា នៃ​បញ្ហា​ដទៃទៀត របស់​ប្រដាប់​រំលាយ​អាហារ​របស់​អ្នកនោះ​ទេ​។ អាស្រ័យ​ទៅលើ​អ្វី ដែល​គ្រូពេទ្យ​បាន​រក អ្នក​អាច​ត្រូវ​ការផ្លាស់ប្តូរ​ចំណីអាហារ​របស់​អ្នក ឬ​ការប្រើ​ថ្នាំ​។​

​សូម​ប្រាប់​ឪពុក​ម្តាយ​របស់​អ្នក ឬ​ប្រាប់​គ្រូពេទ្យ ប្រសិន​បើ​រឿង​ខាងក្រោម​នេះ កើតមានឡើង បន្ថែម​ពីលើ​ការ​មិន​រំលាយ​អាហារ ៖
-​    ​ក្អួត ជាពិសេស ប្រសិនបើ​អ្នក​ឃើញ​ឈាម នៅក្នុង​កម្អួត​របស់​អ្នក​
-​    ​ស្រក​ទម្ងន់​
-​    ​មិន​ចង់​ញ៉ាំ​អាហារ​លើស​ពី​មួយថ្ងៃ​
-​    ​ដកដង្ហើម​ខ្លីៗ​
-​    ​ឈឺពោះ​ញឹកញាប់ ឬ​ខ្លាំង​
-​    ​លាមក​ខ្មៅ ឬ​ឈាម​។​
​ទាំងនេះ អាច​ជា​រោគសញ្ញា​នៃ​បញ្ហា​ដទៃទៀត ដូចនេះ សូម​ប្រាកដ​ក្នុង​ការនិយាយ​ជាមួយនឹង​គ្រូពេទ្យ ប្រសិនបើ​អ្នក មាន​រោគសញ្ញា​ខាងលើនេះ លើស​ពី​មួយ​រោគសញ្ញា​៕