ចេក ជាផ្លែឈើមួយប្រភេទ ដែលអ្នកអាចរកវានៅទីណាក៏បាន ហើយថែមទាំងមានតម្លៃសមរម្យទៀតផង។ អ្នកក៏អាចដាំដុះវានៅផ្ទះរបស់អ្នកបានដូចគ្នា។ ថ្វីត្បិតតែវាមានតម្លៃមិនសូវជាថ្លៃ ហើយងាយស្រួលដាំដុះក៏ពិតមែន ក៏ប៉ុន្តែវាមានអត្ថប្រយោជន៍ជាច្រើនដែលអ្នកមិនធ្លាប់ដឹងពីមុនមក។
ទាំងនេះជាអត្ថប្រយោជន៍មួយចំនួនរបស់វាដូចជា ៖ វាអាចជួយដល់អ្នកដែលចង់ឈប់ជក់បារី វាអាចជួយបង្កើនថាមពលខួរក្បាល ជួយបន្ថយអាការៈការឈឺចាប់ពេលមករដូវ អាចបងា្ករភាពស្លកសាំង (ការខ្វះគ្រាប់ឈាមក្រហម)វាក៏ជួយធ្វើឱ្យឆ្អឹងរឹងមាំមានសុខភាពល្អ ជួយកាត់បន្ថយការរមាស់ពីមូសខាំ អាចធ្វើឱ្យមានការថយចុះហានិភ័យនៃជំងឺបេះដូងនិងជំងឺលើសសម្ពាធឈាម។ សំខាន់ គឺជួយដល់ចលនារបស់ពោះវៀន និងជួយដល់ការជាសះនៃដំបៅ៕