នៅពេលដែលអ្នកញ៉ាំទឹកដោះគោ អ្នកគួរតែជ្រើសរើសពេលឲ្យបានត្រឹមត្រូវ ទើបអ្នកអាចទទួលបានកាល់ស្យូមគ្រប់គ្រាន់ពីទឹកដោះគោទាំងនោះ។ តើមានពេលណាខ្លះទៅ?

1. អ្នកអាចញ៉ាំទឹកដោះគោក្រោយពេលដែលពិសារអាហារពេលព្រឹករួច ព្រោះនៅក្នុងទឹកដោះគោនោះមានសារធាតុដែលអាចជួយអ្នកឲ្យមានកម្លាំង និងអារម្មណ៍ស្រស់ស្រាយក្នុងការបំពេញការងារពេញមួយថ្ងៃ។ ប៉ុន្តែអ្នកមិនអាចញ៉ាំទឹកដោះគោមុនបរិភោគអាហារពេលព្រឹកឡើយ ព្រោះវាអាចធ្វើឲ្យប៉ះពាល់ដល់ក្រពះអ្នកបាន។

2. អ្នកអាចញ៉ាំទឹកដោះគោនៅមុនម៉ោង៤ល្ងាច ព្រោះក្នុងរយៈពេលនេះ មនុស្សអាចនឹងមានអារម្មណ៍ថាហត់ខ្លាំងក្នុងការបំពេញការងារពេញមួយថ្ងៃ។ ដូចនេះ នៅក្នុងទឹកដោះគោមានផ្ទុកប្រូតេអ៊ីន ដែលអាចជួយធ្វើឲ្យអ្នកមានកម្លាំងឡើងវិញក្នុងការបំពេញការងារបន្តទៀត។

3. អ្នកក៏អាចញ៉ាំទឹកដោះគោមុនគេងកន្លះម៉ោងដែរ ព្រោះវាប្រៀបដូចថ្នាំងងុយគេងដែលអាចជួយអ្នកឲ្យគេងលក់ស្រួល ថែមទាំងអាចជួយបំបាត់អារម្មណ៍តានតឹងរបស់អ្នកទៀតផង។ ម្យ៉ាងទៀត វានឹងជួយរក្សាលំនឹងកាល់ស្យូមក្នុងរាងកាយអ្នក ដោយធ្វើឲ្យមិនបាត់បង់ឡើយពេលដែលអ្នកកំពុងតែគេង។ ដូចនេះ ដើម្បីសុខភាពអ្នក និងការងារ អ្នកគួរតែជ្រើសរើសពេលវេលាខាងលើដើម្បីពិសារទឹកដោះគោ ទើបអ្នកអាចទទួលបានប្រយោជន៍ពីទឹកដោះគោនោះ៕