កម្មវិធីប្រគល់ពានរង្វាន់ជ័យលាភីគីណាល់លើកទី៦ ឆ្នាំ២០១៨ ដល់ស្នាដៃអត្ថបទស្រាវជ្រាវល្អជាងគេ

កម្មវិធីប្រគល់ពានរង្វាន់ជ័យលាភីគីណាល់លើកទី៦ ឆ្នាំ២០១៨ ដល់ស្នាដៃអត្ថបទស្រាវជ្រាវល្អជាងគេ ដែលរៀបរៀងដោយនិសិ្សត ឱសថសាស្ត្រ និងនិសិ្សតវិជ្ជសាស្ត្រ នៃសាកលវិទ្យាល័យនានាក្នុងរាជធានីភ្នំពេញ នឹងត្រូវបានប្រារព្វនៅថ្ងៃទី១៥ ខែធ្នូ ឆ្នាំ២០១៨។

ហេតុអ្វីត្រូវលើកទឹកចិត្តនិស្សិតអោយធ្វើការស្រាវជ្រាវឪសថនិងវេជ្ជសាស្ត្រ?

ខណ:ដែលប្រទេសកម្ពុជាកំពុងតែពង្រឹងដល់ការលើកកម្ពស់សុខភាពប្រជាជននោះ ក្រុមហ៊ុន ឪសនដ៏ធំមួយគឺសហគ្រាសផលិតឪសថប៉េប៉េអឹម (PPM) បានផ្តួចផ្តើមទៅលើការ លើកកម្ពស់ ការស្រាវជ្រាវផ្នែកឪសថនិងវេជ្ជាសាស្រ្តដើម្បីលើកទឹកចិត្តដល់មនុស្សជំនាក់ក្រោយអោយបង្កើនការស្រាវជ្រាវលើវិស័យដ៏សំខាន់នេះ។

សហគ្រាសឪសថប៉េប៉េអឹមរួមនឹងក្រុមហ៊ុនខន់ហ្វីរ៉ែលបានគាំទ្រដល់មូលនិធិគីណាល់ដើម្បីរៀបចំជាការប្រឡងអទបទស្រាវជ្រាវក្នុងចំណោមនិស្សិតឪសថសាស្ត្រ និងវេជ្ជសាស្ត្រ។

ពានរង្វាន់គីណាល់នេះត្រូវបានប្រគល់ដល់ម្ចាស់ជ័យលាភី ក្នុងការប្រលងប្រជែងពានរង្វាន់គីណាល់លើកទី៦ ឆ្នាំ២០១៨ ។

លោកឱសថបណ្ឌិត ហៃ លីអ៊ាង ប្រធានមូលនិធិគីណាល់ បានផ្តល់សារសំខាន់ទៅលើការប្រឡងស្នាដៃស្រាវ ជ្រាវនេះហើយលោកសប្បាយចិត្តដែលមានយុវនិស្សិតជាច្រើនបានចូលរួមប្រកួតជារៀងរាល់ឆ្នាំ។

កម្មវិធីនេះនឹងប្រារព្វឡើងនៅវិទ្យាស្ថានបារាំងប្រចាំកម្ពុជា នាថ្ងៃសៅរ៍ ទី១៥ ខែធ្នូ ឆ្នាំ២០១៨ ចាប់ពីម៉ោង ២:០០ ដល់ម៉ោង ៤:០ នាទីរសៀល

ពានរង្វាន់គីណាល់ត្រូវបានបង្កើតឡើងក្នុងឆ្នាំ ២០១៣ ក្នុងគោលបំណងលើកទឹកចិត្តដល់និសិ្សតផ្នែកសុខាភិបាលក្នុងប្រទេសកម្ពុជាឲ្យចាប់អារម្មណ៍លើការសិក្សាស្រាវជ្រាវ ស្របទៅតាមបទដ្ឋានវិ ទ្យាសាស្រ្តអន្តរជាតិ ធ្វើឲ្យនិសិ្សតមានសមត្ថភាព និងសក្តានុពលគ្រប់គ្រាន់ក្នុងមុខជំនាញរបស់ពួកគេ ក្រៅពីនេះក៏ ចង់ឲ្យនិសិ្សតផ្នែកសុខាភិបាលទទួលបានការងារ ដែលសមស្របទៅនឹងទេពកោសល្យ នៅពេលដែលចាប់ផ្តើមមុខរបរ និងរួមចំណែកក្នុងការអភិវឌ្ឍន៍ការសិក្សាស្រាវជ្រាវបែបវិទ្យាសាស្រ្តក្នុងប្រទេសកម្ពុជា។

ក្នុងឆ្នាំនេះ មានបេក្ខជនចូលរួមចំនួន ២៦ ក្រុម មកពីគ្រឹះស្ថានឧត្តមសិក្សាចំនួន៦ផ្សេងគ្នា ដូចជាសាកលវិទ្យាល័យវិទ្យាសាស្រ្តសុខាភិបាល សាកលវិទ្យាល័យពុទ្ធិសាស្រ្ត សាកលវិទ្យាល័យអន្តរជាតិ សាកលវិទ្យាល័យន័រតុន សាលាបច្ចេកទេសថែទាំវេជ្ជសាស្រ្ត និងវិទ្យាស្ថានវិទ្យាសាស្រ្តសុខាភិបាលខេមរភូមិន្ទ ក្រោមប្រធានបទឈ្មោះថា “ឱសថសម្រាប់ជំងឺគ្រុនក្តៅ និងការថែទាំ”។

ការស្រាវជ្រាវដែលបានឈ្នះការប្រកួតឆ្នាំនេះ រួមមាន:

1. ការសិក្សាអំពីរុក្ខជាតិឱសថបុរាណក្នុងការព្យាបាលជំងឺគ្រុនក្តៅក្នុងចំណោមមនុស្សចាស់ក្នុងភូមិកណ្ដឹងធំ ឃុំកណ្ដឹងស្រុកបាទីខេត្តតាកែវប្រទេសកម្ពុជា

2. ការសិក្សាទៅលើរុក្ខជាតិឱសថសម្រាប់ព្យាបាលនិងវិធីសាស្រ្តថែទាំចំពោះអាការៈគ្រុនក្តៅ ក្នុងខេត្តកំពង់ស្ពឺឆ្នាំ 2018

3.ការសិក្សាអំពីការប្រើប្រាស់ឱសថបញ្ចុះកំដៅមិនបានត្រឹមត្រូវចំពោះកូនក្មេងនៅក្នុងឱសថស្ថានសហគមន៍ខេត្តកំពង់ចាម 2018៕