Join with Health.com.kh on Telegram

​ត្រសក់ គឺជា​បន្លែ​មួយ​ប្រភេទ ដែល​មាន​ការ​ដាំ​ដុះ​នៅ​ទូទាំង​ពិភពលោក​។ ក្នុង​ត្រស​ក់មាន​ជាតិ​ខ្លាញ់ និង​កាឡូរី​ទាប ប៉ុន្តែ មាន​ជាតិ​រ៉ែ និង​វីតាមីន​ច្រើន​។

ខាងក្រោម​នេះ គឺជា​អត្ថប្រយោជន៍​មួយចំនួន​ដែល​ត្រស​ក់មាន ចំពោះ​សុខភាព​មនុស្ស​យើង​។​
•​    ​ត្រសក់ ជា​ប្រភព​របស់​វីតាមីន B​។ ត្រសក់​មាន​ជាតិ​ទឹក ៩៥ ភាគរយ ដែល​ជួយ​ធ្វើអោយ​រាងកាយ​មាន​ជាតិ​ទឹក​គ្រប់គ្រាន់ និង​បញ្ចេញ​ជាតិពុល​ចេញពី​ក្នុង​ខ្លួន​ទៀតផង​។
•​    ​ត្រសក់ អាច​ដឹក​ជញ្ជូន​វីតាមីន​ទាំងអស់​ដែល​រាងកាយ​ត្រូវការ​ក្នុង​មួយថ្ងៃៗ​បាន​។
•​    ​ត្រសក់ អាច​ប្រើប្រាស់​សម្រាប់​ការ​រលាក​ពី​កម្តៅ​ថ្ងៃ និង​ការ​រលាក​ផ្សេងៗ​ទៀត​បាន​។ ចូ​រចិត​ត្រសក់​ជា​ចំណិតៗ ហើយ​យកមក​ដាក់​ពីលើ​ភ្នែក​។ មូលហេតុ​ដែល​ធ្វើ​បែប​នេះ គឺ​ដោយសារតែ​វា​មាន​សមាសធាតុ​ប្រឆាំង​នឹង​ការ​រលាក ដែល​ជួយ​កាត់បន្ថយ​អាការៈ​ហើម​ភ្នែក​បាន​។
•​    ​សារធាតុ Silicon និង Sulphur ដែល​មាន​ក្នុង​ត្រសក់​អាចជួយ​ធ្វើអោយ​សក់​លូតលាស់​បាន​ល្អ​។
•​    ​ត្រសក់ ជួយ​កាត់បន្ថយ​ការ​ប្រឈម​នឹង​ជំងឺ​មហារីក​បាន​ច្រើន​ប្រភេទ​ដូចជា មហារីក​សុដន់ មហារីក​ក្រពេញ​អូ​វែ មហារីក​ក្រពេញប្រូ​ស្តាត និង​មហារីក​ស្បូន​។
•​    ​ដើម្បី​កុំអោយ​ឈឺ​ក្បាល​នៅ​ពេល​ព្រឹក ចូរ​ញ៉ាំ​ត្រសក់​មុនពេល​ចូល​គេង​នៅពេល​យប់​។ ត្រសក់ ផ្ទុក​ទៅដោយ​វីតាមីន B សម្រាប់​ជួយ​ជំនួស​ដល់​ជីវជាតិ​សំខាន់ៗ​ជាច្រើន និង​កាត់បន្ថយ​អា​ការៈឈឺ​ក្បាល​នៅ​ពេល​ព្រឹក​។

•​    ​ដោយសារ​តែ​វា​មិនសូវ​មាន​កាឡូរី តែ​មាន​ជាតិ​ទឹក​ច្រើន ដូច្នេះ វា​គឺជា​របប​អាហារ​ដ៏​មាន​ប្រសិទ្ធភាព​មួយ​សម្រាប់​ការ​សម្រក​ទម្ងន់​។
•​    ​ត្រសក់ ផ្ទុក​ទៅដោយ​អ័រម៉ូន​មួយ​ប្រភេទ ដែល​ជា​តម្រូវការ​សម្រាប់​កោសិកា​លំពែង ដើម្បី​បង្កើត​ជា​អាំង​ស៊ុយ​លីន​ក្នុង​រាងកាយ ដូច្នេះ វា​ពិតជា​មាន​ប្រយោជន៍​ចំពោះ​អ្នកជំងឺ​ទឹកនោមផ្អែម​។
•​    ​ការស្រាវជ្រាវ​បាន​អះអាងថា ត្រសក់ ក៏​ប្រហែលជា​អាច​ជួយ​បន្ថយ​កូ​ឡេ​ស្តេ​រ៉ូលក្នុង​ឈាម​បាន​។
•​    ​ត្រសក់​ផ្ទុក​ទៅ​ដោយ​ជាតិ​ប៉ូ​តា​ស្យូម ម៉ាញ៉េ​ស្យូម និង​ជាតិ​សរសៃ ដែល​វា​មាន​ប្រយោជន៍​ក្នុង​ការគ្រប់គ្រង​សម្ពាធ​ឈាម​។ ត្រសក់ អាច​គ្រប់គ្រង​ទាំង​ការខ្វះ​សម្ពាធ​ឈាម និង​ការ​លើស​សម្ពាធ​ឈាម​។
•​    ​ត្រសក់ អាច​ជួយ​ធ្វើអោយ​ក្រចក និង​សក់​រលោង​បាន ដោយសារ​តែ​វា​ផ្ទុក​ទៅដោយ​ជាតិ​រ៉ែ​មួយ​ប្រភេទ​ឈ្មោះថា Silica សម្រាប់​ធ្វើអោយ​សក់​កាន់តែ​រឹងមាំ និង​ភ្លឺរលោង​។
•​    ​ត្រសក់ ជួយ​បន្ថយ​កម្រិត​អាស៊ីត​អ៊ុយ​រិច និង​ថែរក្សា​តម្រង​នោម​អោយបំពេញ​មុខងារ​បាន​យ៉ាង​ល្អ​។
•​    ​ទឹក​ត្រសក់ ជួយ​អោយ​អញ្ជាញ​ធ្មេញ​ដែល​មាន​ជំងឺ​ឆាប់​ជា និង​ធ្វើអោយ​មាត់​មាន​ភាពស្រស់ថ្លា​
•​    ​ត្រសក់ ប្រហែលជា​អាច​ជួយ​ព្យាបាល​ជំងឺ​គ្រួស​ក្នុង​តម្រងនោម​បាន​៕