ជាតិទឹក មានសារៈសំខាន់ណាស់ដល់សុខភាពទូទៅរបស់យើង។ កោសិកាទាំងអស់នៅក្នុងរាងកាយត្រូវការទឹក ដើម្បីដំណើរការបានត្រឹមត្រូវ។ ជាការពិតណាស់ ក្នុងទម្ងន់រាងកាយរបស់មនុស្សពេញវ័យ គឺមានជាតិទឹកប្រមាណជា ៦០ ភាគរយ ខណៈដែលទារកមានជាតិទឹករហូតដល់ទៅ ៨០ ភាគរយនៃទម្ងន់រាងកាយ។ ក្រៅពីអុកស៊ីសែន មិនមានអ្វីដែលរាងកាយត្រូវការចាំបាច់ជាងទឹកនោះទេ។
ការព្យាបាលសាមញ្ញៗ សម្រាប់ការខ្វះជាតិទឹក គឺការបង្គ្រប់ជាតិទឹកឡើងវិញ។ សូមញ៉ាំទឹកអោយបានច្រើន ប៉ុន្តែ មានរបៀបផ្សេងទៀតដែលនឹងរក្សាជាតិទឹកបានផងដែរ ដែលក្នុងនោះមានដូចជា ៖
- សូមញ៉ាំអាហារដែលងាយរំលាយ ៖ ប្រសិនបើអ្នកមានការខ្វះជាតិទឹក សូមញ៉ាំអាហារដែលងាយរំលាយក្នុងរយៈ ២៤ ម៉ោងបន្ទាប់ ដោយសារតែការឈឺចាប់ក្រពះ គឺជារោគសញ្ញានៃការខ្វះជាតិទឹក និងអាចកើតឡើងម្តងហើយម្តងទៀត ។ ព្យាយាមញ៉ាំ បាយ ចេក និងដំឡូង។
- ញ៉ាំផ្លែឈើដែលសម្បូរជាតិទឹក៖ ចេក គឺជាផ្នែឈើដែលសម្បូរទៅដោយជាតិទឹកយ៉ាងច្រើន ហើយពិសេសជាងនេះទៀត គឺវាសម្បូរទៅដោយជាតិប៉ូតាស្យូម ដែលអាចបំបាត់ការខ្វះជាតិទឹកបាន។ អ្នកក៏អាចញ៉ាំផ្លែឈើដែលសម្បូរជាតិទឹកផ្សេងទៀតដូចជា ផ្លែត្រសក់ស្រូវ ឪឡឹក និងស្ត្របឺរីជាដើម។
- ញ៉ាំទឹកកក ៖ ញ៉ាំទឹកកក ឬលាបវានៅលើរាងកាយរបស់អ្នក ពេលដែលអ្នកក្តៅខ្លាំង។ នេះនឹងជួយអោយអ្នកបានត្រជាក់ និងការពារការបាត់បង់ជាតិទឹកដ៏លើសលប់ដែលអាចនាំទៅរកការខ្វះជាតិទឹក។ ការញ៉ាំទឹកកក គឺជាវិធីដ៏ល្អមួយ ដើម្បីរក្សាជាតិទឹកនៅក្នុងរាងកាយ។ វាជាវិធីងាយស្រួលដើម្បីទទួលបានសារធាតុរាវចូលទៅក្នុងរាងកាយ។ ត្រៀមទឹកសម្រាប់ញ៉ាំអោយបានគ្រប់គ្រាន់ នៅពេលដែលអ្នកចេញទៅខាងក្រៅ៕
