បើយោងទៅតាមការសិក្សាមួយបានអោយដឹងថា សរសៃឈាមនឹងកាន់តែមានរស់រវើក ហើយលំហូរឈាមក៏មានភាពល្អប្រសើរបានច្រើនម៉ោងដែរ នៅពេលអ្នកផឹកស្រាបៀរបានប្រហែលកន្លះលីត្រ។
ការសិក្សាបានអះអាងថា ការទទួលទានស្រាបៀរ ប្រហែលជាអាចគម្រាមគំហែងដល់សុខភាពបេះដូង ប៉ុន្តែ ការសិក្សាថ្មីបានអោយដឹងថា ការទទួលទានស្រាបៀរត្រឹមតែកន្លះលីត្រ ពិតជាអាចជួយពង្រឹងដល់ស្ថានភាពសរសៃឈាមនៅជុំវិញបេះដូងអ្នកបាន។
ខាងក្រោមនេះ គឺជាអត្ថប្រយោជន៍មួយចំនួននៃការទទួលទានស្រាបៀរ ៖
• ស្រាបៀរ ត្រូវបានគេស្គាល់ថា អាចបន្ថយអត្រានៃការកើតជំងឺបេះដូងបានយ៉ាងហោចណាស់ ២០ ទៅ ៤០ ភាគរយ។ ទោះបីជាការទទួលទានស្រាបៀរ គឺជារឿងធម្មតាមែន ប៉ុន្តែ អ្នកត្រូវតែទទួលទានដោយការទទួលខុសត្រូវ។ ការទទួលទានស្រាបៀរក្នុងកម្រិតមធ្យម អាចធ្វើអោយកើនកម្រិតជាតិខ្លាញ់ល្អ HDL និងបន្ថយកម្រិតជាតិខ្លាញ់អាក្រក់ LDL។
• ស្រាបៀរ ផ្ទុកទៅដោយវីតាមីនច្រើនប្រភេទ។ បើយោងទៅតាមការសិក្សារបស់ប្រជាជនហូឡង់បានអោយដឹងថា អ្នកទទួលទានស្រាបៀរ អាចជួយបង្កើនចំនួនវីតាមីន B6 បានរហូតដល់ ៣០ ភាគរយ។
• ស្រាបៀរ ក៏ត្រូវបានគេស្គាល់ថា ជួយបន្ថយជំងឺគ្រួសក្នុងតម្រងនោមដែរ។
• ស្រាបៀរ ជួយធ្វើអោយខួរក្បាលស្រឡះ។ ការទទួលទានស្រាបៀរក្នុងបរិមាណដ៏ត្រឹមត្រូវមានផលល្អសម្រាប់សុខភាពផ្លូវចិត្ត។ ស្រាបៀរជួយការពារសុខភាពផ្លូវចិត្ត ជាពិសេស ស្ត្រីវ័យចំណាស់តែម្តង នៅពេលដែលពួកគេទទួលទានក្នុងកម្រិតមធ្យម។
• មានការសិក្សាច្រើនណាស់ដែលបង្ហាញថា ការទទួលទានស្រាបៀរក្នុងកម្រិតមធ្យមក៏ទៅបន្ថយការកើតជំងឺភ្លេចភ្លាំងពេលចាស់ជរា ពង្រឹងដល់ការចងចាំ ផ្ចង់អារម្មណ៍ និងការនិយាយមានហេតុផល។
• ការសិក្សាជាច្រើនបានអោយដឹងថា អ្នកដែលទទួលទានគ្រឿងស្រវឹងក្នុងកម្រិតមធ្យមអាចបន្ថយការប្រឈមនឹងជំងឺដាច់សរសៃឈាមខួរក្បាលបានរហូតដល់ ៥០ ភាគរយ។ សមាគមន៍ជំងឺដាច់សរសៃឈាមខួរក្បាលអាមេរិក (American Stroke Association) បានអោយដឹងថា ការទទួលទានគ្រឿងស្រវឹងត្រឹមតែ ២ ដងក្នុងមួយថ្ងៃអាចបន្ថយការប្រឈមនឹងជំងឺដាច់សរសៃឈាមខួរក្បាលបាន៕