មានមិត្តសម្លាញ់មួយចំនួននៅពេលដែលមើលឃើញសង្សារ ឬប្តីរបស់មិត្តភក្តិល្អ គេតែងតែមានចិត្តចង់ដណ្តើមជានិច្ច។ ដូចនេះ តើគួរតែធ្វើបែបណាទើបអាចការពារបានទៅ? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
- នៅពេលដែលអ្នកស្រឡាញ់គ្នា អ្នកមិនគួរនាំសង្សារអ្នកទៅជួបនឹងមិត្តសម្លាញ់អ្នកឡើយ ជាពិសេស មិត្តសម្លាញ់ដែលមិនទាន់មានសង្សារ។ ម្យ៉ាងទៀត អ្នកក៏មិនគួរផ្អែមល្ហែមនៅមុខគេដែរ ព្រោះគេអាចច្រណែន ដោយចង់យកបុរសម្នាក់នេះ ធ្វើជាសង្សារ ហើយធ្វើជាប្តីផងដែរ។
- អ្នកក៏មិនគួរតែងតែសរសើរ និងនិយាយពីចំណុចវិជ្ជមានរបស់សង្សារអ្នកនៅចំពោះមុខមិត្តសម្លាញ់នោះទេ ព្រោះបើគេស្តាប់លឺចំណុចល្អច្រើន ហើយឃើញអ្នកមានសុភមង្គល នោះគេនឹងអាចកើតមានគំនិតអាក្រក់ ដោយចង់ដណ្តើមពីអ្នក។ ដូចនេះ គេអាចប្រើគ្រប់មធ្យោបាយដើម្បីសម្រេចបាន។
- នៅពេលដែលអ្នកណាត់ជួបគ្នា ក៏អ្នកមិនគួរនាំមិត្តសម្លាញ់អ្នកទៅជាមួយដែរ ព្រោះចុងក្រោយ អ្នកដែលនៅជាមួយសង្សារអ្នក មិនមែនជាអ្នកទេ តែបែរជាមិត្តសម្លាញ់អ្នកទៅវិញ។ ដូចនេះ អ្នកគួរតែប្រយ័ត្នឲ្យបានខ្ពស់។
- នៅពេលដែលមិត្តសម្លាញ់អ្នកកើតមានបញ្ហា អ្នកមិនគួរឲ្យមិត្តប្រុសអ្នកជួយឡើយ ព្រោះបើគេនៅជាមួយគ្នាច្រើន ទោះដំបូងមិនកើតមានស្នេហា ក៏ចុងក្រោយអាចកើតមានដែរ។ ដូចនេះ អ្នកគួរតែជួយដោយខ្លួនឯង ទើបមនោសញ្ចេតនាអ្នកមិនងាយបែកបាក់។
- នៅពេលដែលអ្នកឈ្លោះគ្នា អ្នកមិនគួររត់ទៅឲ្យមិត្តសម្លាញ់អ្នកជួយឡើយ ព្រោះមានគ្រោះថ្នាក់ខ្លាំងណាស់។ ការធ្វើបែបនេះ ប្រៀបដូចជាអ្នកទុកឱកាសឲ្យគេអាចនៅជិតខ្លួនសង្សារអ្នកតែពីរនាក់។ ដូចនេះ ភ្លើងស្នេហ៍ នឹងអាចឆាបឆេះគ្រប់ពេលជាមិនខានឡើយ៕ (អាន:ថ្នាំងងុយគេង ពេលអ្នកគួរប្រើ)