នៅពេលដែលឈាមមិនអាចហូរស្រួលទៅកាន់ថ្លើមបានទេនោះ, វាព្យាយាមឆ្លងកាត់ប្រព័ន្ធមួយដែលត្រូវបានគេហៅថា Portal System ដោយប្រើនូវប្រព័ន្ធនោះអោយឈាមត្រឡប់ទៅកាន់បេះដូងវិញ។ រោគសញ្ញានៃការឡើងសម្ពាធឈាមនៅនឹងថ្លើមត្រូវបានបង្កឡើងដោយផលវិបាកនៃការថយចុះលំហូរឈាមទៅកាន់ថ្លើម និងពីការកើនឡើងសម្ពាធនៅក្នុងសរសៃឈាមវ៉ែនដែលឈាមត្រូវបានផ្តល់អោយ។
- ការរីកសរសៃឈាមអាចកើតមាននៅនឹងបំពង់អាហារ ក្រពះ ជុំវិញផ្ចិត និងរន្ធគូថ។
- ការរីកសរសៃឈាមនៃបំពង់អាហារ និងក្រពះ គឺបង្កើនហានិភ័យនៃការហូរឈាមដែលគម្រាមកំហែងដល់អាយុជីវិត និងអាចមានរោគសញ្ញានៃការក្អួត និងឈាមនៅក្នុងលាមក។ លាមកខ្មៅជាលទ្ធផលនៃការហូរឈាមផ្លូវរំលាយអាហារខាងលើ។
- ទាចទឹកជាការប្រមូលផ្តុំជាតិទឹកខុសធម្មតានៅក្នុងស្រោមពោះ ហើយវាត្រូវបានបង្កឡើដោយការថយចុះប្រូតេអ៊ីននៅក្នុងខ្លួន។ ថ្លើមបង្កើតប្រូតេអ៊ីននៅក្នុងខ្លួន និងសម្ពាធនៅក្នុងសរសៃឈាមដែលនៅនឹងថ្លើម ហើយជំងឺថ្លើមបន្ថយសមត្ថភាពនៃមុខងាររបស់វា។
- បញ្ហាប្រព័ន្ធប្រសាទដោយសារថ្លើម គឺជាផលវិបាកដទៃនៃជំងឺថ្លើម ដែលបណ្តាលអោយមានរោគសញ្ញានៃការវង្វេងវង្វាន់ និងបាត់បង់ស្មារតី ដែលត្រូវបានបង្កឡើងដោយការកើនឡើងកាកសំណល់ និងអសមត្ថភាពនៃថ្លើមក្នុងការច្រោះកាកសំណល់ និងសារជាតិពុលនោះ។
- អណ្តើករីកកើតមានដោយសារតែឡើងសម្ពាធនៅនឹងសរសៃឈាមដែលមាននៅនឹងថ្លើម ឈាមចាក់ចូលមកវិញនៅនឹងសរីរៈអណ្តើកដែលនាំអោយស្លេកស្លាំង និងប្លាកែតថយចុះនៅក្នុងចរន្តឈាម។
- ការថយចុះកោសិកាគ្រាប់ឈាមស បង្កើនហានិភ័យនៃការឆ្លងមេរោគ។ ការរលាកស្រោមពោះដែលបង្កឡើងដោយបាក់តេរី គឺជាការឆ្លងមេរោគមួយនៅនឹងថង់ស្រោមពោះ ហើយវាត្រូវបានឃើញពីការមានផលវិបាកដ៏យូរនៃការឡើងសម្ពាធនៅនឹងសរសៃឈាមនៅនឹងថ្លើមនេះ៕
