Join with Health.com.kh on Telegram

​ជំងឺ​ហឺត គឺ​ជា​ជំងឺ​ដែល​កើតមាន​ក្នុង​រយៈពេល​វែង ដែល​អាច​បណ្តាលអោយមាន​ការ​ក្អក ការដកដង្ហើម​តឹង និង​ដង្ហើម​ខ្លីៗ​។ ភាព​ធ្ងន់ធ្ងរ​នៃ​រោគ​សញ្ញា​នេះ​អាច​មាន​ភាពប្រែប្រួល​ពី​មនុស្ស​ម្នាក់​ទៅ​មនុស្ស​ម្នាក់​។ ជំងឺ​ហឺត មនុស្ស​ភាគច្រើន​បំផុត​អាច​គ្រប់គ្រង​ជំងឺ​នេះ​បាន​យ៉ាង​ល្អ​។​

​ខណៈ​ដែល​ជំងឺហឺត គឺ​មិន​អាច​ព្យាបាល​ជា​បាន​នោះ មានការ​ព្យាបាល​សម្រាប់​ជំងឺហឺត​ជាច្រើន​ដែល​អាច​ជួយ​គ្រប់គ្រង​ស្ថានភាព​អាក្រក់​របស់​វា​បាន​យ៉ាង​មាន​ប្រសិទ្ធភាព​។

ការព្យាបាល​ត្រូវ​ពឹងផ្អែក​លើ​គោលដៅ​សំខាន់​ចំនួន​ពីរ ៖
•​    ​ដើម្បី​កាត់បន្ថយ​រោគសញ្ញា
•​    ​ការពារ​មិន​អោយ​រោគសញ្ញា​កើតមានឡើង​។​

​ការព្យាបាល និង​ការការពារ ជាប់​ពាក់ព័ន្ធ​ទៅ​នឹង​ការរួមបញ្ចូល​គ្នា​នៃ​ការប្រើប្រាស់​ថ្នាំ​របៀប​រស់នៅ និង​ការ​កំណត់​បាន​នូវ​មូលហេតុ​បង្ក ហើយ​បន្ទាប់មក គឺ​ជៀសវាង​មូលហេតុ​ទាំងនោះ​។​

​នៅក្នុង​ចក្រភព​អង់គ្លេស​មាន​មនុស្ស​ប្រហែលជា ៥.៤ លាន​នាក់​កំពុង​ទទួល​ការព្យាបាល​ជំងឺ​ហឺត​។ នោះ​គឺ​ម្នាក់​ក្នុងចំណោម​មនុស្សពេញវ័យ ១២ នាក់ និង​មួយ​ក្នុងចំណោម​កុមារ ១១ នាក់​ដែល​មាន​កើត​ជំងឺ​នេះ​។​

​ជំងឺហឺត​ចំពោះ​មនុស្សពេញវ័យ ជាទូទៅ​ច្រើន​កើត​លើ​ស្ត្រី​ច្រើន​ជាង​បុរស​៕