គេមិនទាន់ដឹងច្បាស់ថាតើ ជាតិស្រាអាចប៉ះពាល់ដល់ខួរក្បាលយ៉ាងដូចម្តេចនោះទេ? ប៉ុន្ដែ អ្នកដែលផឹកស្រាក្នុងរយៈពេលយូរអាចធ្វើអោយមានការខូចខាតខួរខ្បាលជាអចិន្ត្រៃយ៍ ដែលភាគច្រើនបំផុត គឺប៉ះពាល់តំបន់នៃការចងចាំ និងចលនារបស់ខួរក្បាល។
- ធ្វើអោយថយចុះការចងចាំ ៖ ការបាត់បង់ការចងចាំ គឺជារឿងធម្មតា ជាពិសេសនៅលើអ្នកផឹកស្រារហូតដល់សន្លប់។ ឥឡូវនេះ ការស្រាវជ្រាវបានបង្ហាញថា បុរសដែលផឹកច្រើននៅក្នុងអាយុវ័យកណ្តាល ល្បឿននៃការបាត់បង់ការចងចាំនឹងច្រើនជាងប្រាំមួយឆ្នាំ បើធៀបទៅនឹងអ្នកផឹកតិចតួច។ ជាទូទៅ អ្នកផឹកដែលមានវ័យចំណាស់អាចងាយនឹងមានផលប៉ះពាល់ក្នុងការបាត់បង់ការចងចាំ។
- ធ្វើអោយខ្វះវិតាមីន B1 ៖ ជំងឺ Wernicke-Korsakoff (WKS) បណ្តាលអោយមានការភាន់ច្រឡំ ខ្វិនសរសៃប្រសាទ ការលំបាកក្នុងការធ្វើចលនា មានបញ្ហាក្នុងការរៀនសូត និងការចងចាំជារៀងរហូត។ វាត្រូវបានបង្កឡើងដោយសារកម្រិតជាតិ Thiamine (Vitamin B1) ចុះទាបដែលជាលក្ខខណ្ឌមួយដែលកើតមានប្រហែលជា ៨០ ភាគរយនៃអ្នកសេពគ្រឿងស្រវឹង៕
