ទឹកបន្លែ-ទឹកផ្លែឈើ ប្រហែលជាមិនល្អជាងការបរិភោគបន្លែ ឬផ្លែឈើទាំងមូលនោះទេ។ ទឹកផ្លែឈើ-ទឹកបន្លែ គឺជាទឹកដែលច្របាច់ចេញពីផ្លែឈើ ឬបន្លែស្រស់។ ទឹកនេះសម្បូរទៅដោយ វីតាមីន សារធាតុរ៉ែ និងសារធាតុគីមីរុក្ខជាតិដែលមាននៅក្នុងផ្លែឈើទាំងមូល។ ទោះបីជាយ៉ាងនេះក្តី ជាតិសរសៃដែលរបស់បន្លែ-ផ្លែឈើទាំងមូលនឹងត្រូវបានបាត់បង់ អំឡុងពេលអ្នកកៀបយកទឹក។
អ្នកចូលចិត្តទឹកផ្លែឈើមួយចំនួនបាននិយាយថា ទឹកផ្លែឈើមានសារៈប្រយោជន៍ល្អប្រសើរជាងការញ៉ាំផ្លែឈើទាំងមូល ដោយសារតែរាងកាយរបស់គេអាចស្រូបយកសារធាតុចិញ្ចឹមបានល្អជាង ហើយវាធ្វើអោយប្រព័ន្ធរំលាយអាហារមិនសូវធ្វើការងារខ្លាំងនៅលើជាតិសរសៃ។ ពួកគេនិយាយទៀតថា ទឹកផ្លែឈើអាចបន្ថយហានិភ័យជំងឺមហារីក បង្កើនប្រព័ន្ធការពាររាងកាយ ជួយកំចាត់ជាតិពុល ជួយប្រព័ន្ធរំលាយអាហារ និងជួយសម្រកទម្ងន់។ ប្រសិនបើអ្នកមិនចូលចិត្តការបរិភោគផ្លែឈើ និងបន្លែស្រស់ទេ អ្នកអាចទទួលទឹកផ្លែឈើបាន។
យ៉ាងណាមិញ បើអ្នកចង់ធ្វើទឹកផ្លែឈើស្រស់ សូមធ្វើវាល្មមតាមដែលអ្នកអាចញ៉ាំបានក្នុងមួយពេល ដោយសារតែទឹកដែលនៅសល់អាចនឹងងាយមានបាក់តេរីបង្កគ្រោះថ្នាក់បានយ៉ាងឆាប់រហ័ស៕