Join with Health.com.kh on Telegram

​យើង​សូម​អបអរសាទរ​ជាមួយ​អ្នក ពី​ព្រោះ​អ្នក​ប្រហែលជា​មិន​ឡើង​ជាតិ​ខ្លាញ់​ដូច​មុន​នោះទេ​។ ជា​ការពិត​ណាស់ អ្នក​អាច​បាត់បង់​ជាតិ​ខ្លាញ់ ប៉ុន្តែ​បែរជា​ឡើង​សាច់ដុំ​ទៅវិញ​។ វា​គឺជា​រឿង​ដែល​អ្នក​គួរតែ​សប្បាយចិត្ត តែ​វា​ក៏​អាច​ជះឥទ្ធិពល​ទៅលើ​ទម្ងន់​របស់​អ្នក​ផងដែរ ដោយសារ​តែ​សាច់ដុំ​មាន​បរិមាណ​ធំ​ជាង​ទំហំ​របស់​ជាតិ​ខ្លាញ់​។​


​ស​ន្ទ​ស្សន៍​នៃ​ទម្ងន់​ខ្លួន (BMI) អាច​ផ្តល់អោយ​អ្នក​នូវ​គំនិត​ថា​តើ អ្នក​មាន​ទម្ងន់​សម​នឹង​ដងខ្លួន​របស់​អ្នក​ហើយ​ឬ​នៅ​។ ប៉ុន្តែ​វា​មិន​ច្បាស់លាស់​គ្រប់​ពេល​នោះ​ទេ​។ ឧទាហរណ៍ មនុស្ស​ម្នាក់​អាច​មាន BMI ខ្លួន​ខ្ពស់​ដោយសារ​សាច់ដុំ​ច្រើន ហើយ​មិន​មាន​ជាតិ​ខ្លាញ់​ក៏មាន​។ ជាធម្មតា​មនុស្ស​ឡើង​ម៉ាស​សាច់ដុំ និង​ស្រក​ជាតិ​ខ្លាញ់​នៅពេលដែល​ពួកគេ​ធ្វើ​លំ​ហាត់ប្រាណ​ខ្លាំង​។


​ដូចនេះ BMI ខ្លួន​អាច​ធ្វើអោយ​អ្នក​យល់ច្រលំ​។ ដោយសារ​តែ​វា​ពិបាក​នឹង​យល់​ថា​លេខ​នោះ​មានន័យ​យ៉ាងណា យក​ល្អ អ្នក​គួរតែ​ទៅ​ពិគ្រោះ​ជាមួយ​នឹង​គ្រូពេទ្យ ដើម្បី​កំណត់​ថា​តើ​អ្នក​មាន​ទម្ងន់​ល្អ​ដែរ​ទេ ឬថា​តើ​វា​មាន​អ្វី​ដែល​គួរអោយ​ព្រួយបារម្ភ​ទៀត​នោះ​៕