Join with Health.com.kh on Telegram

ចំពោះ​មូលហេតុ​ធ្វើអោយមាន​បញ្ហា​ផ្លូវភេទ​គឺ​មិន​ទៀងទាត់​ទេ ហើយ​មាន​ភាពស្មុគស្មាញ​ទៅតាម​សញ្ជាតិ​របស់​មនុស្ស​។ បញ្ហា​មួយចំនួន​កើតឡើង​ពី​រឿង​ធម្មតាៗ និង​ទាក់ទង​ទៅ​នឹង​កត្តា​រាងកាយ​ដែល​អាច​វិល​មក​រក​ភាព​ដើម​វិញ​បាន​។ បញ្ហា​ផ្សេងៗ​ទៀត​អាច​កើតចេញ​ពី​ជំងឺ​ធ្ងន់ធ្ងរ​មួយ​ចំនួន ស្ថានភាព​ក្នុង​ឆាកជីវិត​ដែល​លំបាក់ ឬ​ទាក់ទង​ទៅនឹង​បញ្ហា​ផ្លូវចិត្ត​។ ហើយ​វា​រឿង​ច្រើន​ផ្សេងៗ​ទៀត​ដែល​ប្រមូលផ្តុំ​គ្នា​កើត​ជា​បញ្ហា​ឡើង​។ រឿងហេតុ​ទាំងឡាយ​ខាងក្រោម​នេះ​អាច​ចាត់ទុក​ធ្វើអោយមាន​បញ្ហា​ដល់​សុខភាព​ផ្លូវភេទ​ហើយ​៖

•បញ្ហា​ទំនាក់ទំនង​៖ ការ​មាន​ជំលោះ​ទាស់ទែង​គ្នា​ដូចជា ការបែងចែក​ការងារ​គ្នា​ធ្វើ ការថែទាំ​កូន ឬ​ទាក់ទង​ទៅ​នឹង​លុយកាក់ សុទ្ធតែ​អាច​ធ្វើអោយមាន​បញ្ហា​ដល់​ផ្លូវ​ភេទ​បាន​។ ជាពិសេស ការបាត់បង​នូវ​ការគ្រប់គ្រង​ទំនាក់ទំនង​គឺជា​ហានិភ័យ​មួយ​សម្រាប់​សេចក្តីសុខ​នៃ​ការ​រួមភេទ​។ បញ្ហា​ទាំងនេះ​អស់​អាច​ធ្វើអោយ​ស្ត្រី​មិន​ចង់​ធ្វើ​ការទំនាក់ទំនង​ជាមួយ​ដៃគូរ​របស់​នាង​ដើម្បី​រួមភេទ​ទៅតាម​តម្រូវការ​បានទេ​។

•​បញ្ហា​ផ្លូវចិត្ត​៖ ការបាក់​ទឹកចិត្ត ការ​ថប់​អារម្មណ៍ (​អំពី​ការ​រួមភេទ ឬ​បញ្ហា​អ្វី​ផ្សេង​ទៀត​) ស្ត្រេះ ខឹង និង​ការ​មាន​កំហុសឆ្គង​សុទ្ធតែ​អាច​ប៉ះពាល់​ទៅដល់​មុខងារ​ផ្លូវភេទ​របស់​ស្ត្រី​បាន​ទាំងអស់​។​ការភ្ញោ​ចមាន​ភាពខ្វះខាត​៖ ការ​ដែល​ស្ត្រី​ម្នាក់​មាន​កង្វះខាត​នូវ​ចំនេះ​ខាង​ការភ្ញោ​ច និង​ឆ្លើយតប​ទៅ​នឹង​អារម្មណ៍​ភេទ​ប្រហែលជា​ធ្វើ​រូបនាង​មិន​អាច​ទទួលបាន​នូវ​ភាពសប្បាយ​រីករាយ​នៃ​ការរួម​ភេទ​បាន​ទេ​។ ចំនែកឯ​ការ​ពុំ​សូវ​មាន​ទំនាក់ទំនង​គ្នា​ជាមួយ​ដៃគូរ​រួមភេទ​ក៏​អាច​ជា​ដើមហេតុ​នៃ​រឿង​នេះ​ដែរ​។

•​បញ្ហា​រោគ​ស្ត្រី​៖ ភាពមិនប្រក្រតី​នៅក្នុង​អាង​ត្រគៀក​មួយចំនួន​អាច​ធ្វើអោយ​មាន​ការឈឺចាប់​ក្នុងពេល​រួមភេទ ហើយ​ដូច្នេះ​ហើយ​ទើប​បណ្តាលអោយ​ថយចុះ​នៃ​ការរីករាយ​។​

ការ​ស្ងួត​ទ្វារមាស​៖ មូលហេតុ​ដែល​ច្រើន​កើត​មាន​ញឹកញាប់​ជាង​គេ​បំផុត​សម្រាប់​ស្ត្រី​ក្មេងៗ​គឺ​កង្វះ​ខាត់​ខាង​ការភ្ញោ​ចអារ​ម្មណ៍​ភេទ​។ ចំពោះ​ស្ត្រី​ចំនាស់​វិញ ការថយចុះ​នៃ​អ័រម៉ូន​អេស​ស្ត្រូ​ជេ​នក្នុងពេល​រាំងរដូវ​គឺ​មូលហេតុ​ធ្វើ​អោយ​ស្ងួត​ទ្វារមាស​។ ការ​ដែល​មិនសូវមាន​ជាតិ​រំអិល​គ្រប់គ្រាន់​ក៏​អាច​ជាប់​ទាក់ទង​ទៅនឹង​អតុល្យភាព​នៃ​អ័រម៉ូន ជំងឺ​ផ្សេងៗ និង​ថ្នាំ​ដែល​កំពុង​តែ​ប្រើប្រាស់​។ បញ្ហា​នេះ​វា​អាច​ទៅ​រ៉ាំ​ង​ស្ទះ​ដល់​ការ​សម្រើប​ភេទ ឬ​ធ្វើអោយ​ការ​រួមភេទ​មិនមាន​ផាសុខភាព​។


Vaginismus៖ នេះ​គឺជា​ការឈឺចាប់​ដោយសារ​តែ​សាច់ដុំ​នៅ​ជុំវិញ​ច្រក​ខាងក្រៅ​នៃ​ទ្វារមាស​ទៅ​ជា​រឹង​ជាប់ និង​ធ្វើអោយ​ច្រក​ខាងក្រៅ​នៃ​ទ្វារមាស​នោះ​ឡើង​តឹង​។ បញ្ហា​មួយ​នេះ​ធ្វើអោយ​បុរស​មិន​អាច​សូក​បញ្ចូល​លិង្គ​ទៅក្នុង​ទ្វារមាស​បានទេ ឬ​រឹតតែ​ធ្វើអោយ​ស្ត្រី​កាន់តែ​ឈឺចាប់​ខ្លាំង​ជាង​នេះ​ទៅទៀត​។ Vaginismus អាច​បង្កឡើង​ដោយ​ការ​មាន​របួស ឬ​សន្លាក់​ក្រោយ​ពេល​វះកាត់ ត្រូវបាន​គេ​ចាប់រំលោភ សម្រាលកូន មាន​ការបង្ក​រោគ រលាក​ដោយសារ​ប្រើ​ទឹក​សំ​អាត់​ទ្វារមាស ប្រើ​ថ្នាំ​សម្រាប់​សម្លាប់​មេ​ជីវិត​ឈ្មោល ឬ​ប្រើ​ស្រោមអនាម័យ​។ វា​ក៏​អាច​កើតឡើង​ដែរ​ដោយសារ​ការភ័យខ្លាច​។​


ជំងឺ​ឆ្លង​តាម​ការ​រួម​ភេទ​៖ ជំងឺ​ប្រមេះទឹកបាយ ជំងឺ​ប៉េស ជំងឺ​ឬ​ស​ក្នុង​ប្រដាប់ភេទ ជំងឺ​Chlamydia និង​ជំងឺស្វាយ ដែល​វា​សុទ្ធសឹងតែ​ជា​ជំងឺ​ឆ្លង​តាមរយៈ​ការ​រួមភេទ​។ ជំងឺ​ទាំងនេះ​អាច​ធ្វើអោយ​ប្រែប្រួល​ទៅលើ​ប្រដាប់ភេទ និង​អោយ​រួមភេទ​ទៅ​គ្មាន​ផាសុខភាព ឬ​ឈឺចាប់​ខ្លាំង​។


ជំងឺ​រលាក​ក្នុង​ស្រទាប់​ខាងក្នុង​របស់​ស្បូន (Endometriosis) ដុំ​សាច់​នៅក្នុង​អាង​ត្រគាក​, ពងទឹក​ក្នុង​ក្រពេញ​អូវែ សន្លាក់​ក្រោយពេល​វះកាត់​៖ បញ្ហា​អស់ទាំង​នេះ​អាច​បង្ក​ទៅជា​ឧបសគ្គ​មួយ​ដែល​មិន​អាច​អោយ​ស្ត្រី​រួម​ភេទ​បាន ឬ​រួម​ភេទ​ដែរ​តែ​ពិបាក ឬ​ឈឺចាប់​ខ្លាំង​។

ជំងឺ​រលាក​ក្នុង​អាង​ត្រគៀក​៖ នេះ​គឺជា​ជំងឺឆ្លង​មួយ​ប្រភេទ​ទៅលើ​ទ្វារមាស​ដែល​វា​ធ្វើការ​រៀលា​ដល់​ឡើង​ទៅ​មាត់ស្បូន ស្បូន និង​ក្រពេញ​អូ​វែ​។ វា​អាច​ធ្វើអោយ​សុខៗ​ឈឺចាប់​ខ្លាំង​ដោយ​ខ្លួន​វា​តែម្តង និង​រួម​ភេ​ទៅ​ឈឺ​ខ្លាំង​។


ខូច​សរសៃប្រសាទ​ក្រោយពេល​វះកាត់​រួច​៖ ការ​កាត់​សរសៃប្រសាទ​តូច​ដែល​មិន​អាច​ចៀសវាង​បាន​ក្នុង​ពេល​វះកាត់​ក្នុង​អាង​ត្រគាក (​ដូច​ជា​ការ​កាត់​ស្បូន​ចោល​) ប្រហែល​ជា​កាត់បន្ថយ​វិញ្ញាណ និង​ការឆ្លើយតប​នឹង​ការ​រួមភេទ​។


•​បញ្ហា​រាង្គ​កាយ​៖ មាន​បញ្ហា​រាង្គ​កាយ ឬ​បញ្ហា​សុខភាព​ជាច្រើន​សុទ្ធតែ​អាចធ្វើអោយ​ការសប្បាយ​រីករាយ​រប​ស់មនុស្ស​ស្រី​ជាមួយ​នឹង​ជីវិត​ផ្លូវភេទ​ថយចុះ​៖

-អស់កម្លាំង​
-ជំងឺ​រ៉ាំរ៉ៃ​ដូចជា ជំងឺ​ទឹកនោម​ផ្អែម ជំងឺ​បេះដូង ជំងឺ​ថ្លើម ជំងឺ​តម្រងនោម​
-មហារីក​
-ជំងឺសរសៃប្រសាទ​
-ជំងឺ​សរសៃឈាម (​ទាក់ទង​នឹង​លំហូរ​ឈាម​)
-អតុល្យភាព​អ័រម៉ូន​
– រាំ​ង​រដូវ​
-មាន​ផ្ទៃពោះ​
-ផឹកស្រា ឬ​ប្រើ​ថ្នាំញៀន​។


•ការប្រើប្រាស់​ថ្នាំ​៖ ថ្នាំ​ដែល​កំពុងតែ​ប្រើប្រាស់​សព្វថ្ងៃ​អាច​កាត់បន្ថយ​ចំណង ឬ​សម្រើប​ផ្លូវភេទ​។ ថ្នាំ​មួយក្រុម​ដែល​គេ​ដឹង​ច្បាស់​ជាងគេ​ហើយ​មាន​ឥទ្ធិពល​ទៅ​ផ្លូវភេទ​នោះ​គឺ ថ្នាំ Selective Serotonin-reuptake Inhibitor (SSRI) ជា​ប្រភេទ​ក្រុម​របស់​ថ្នាំ​ប្រឆាំង​នឹង​ការបាក់​ទឹកចិត្ត​ដែល​មាន​ដូចជា Prozac និង Zoloft​។ ថ្នាំ​ផ្សេងៗ​ទៀត​ដូចជា ថ្នាំ​ព្យាបាល​មហារីក ថ្នាំ​បញ្ចុះ​សម្ពាធ​ឈាម និង​ថ្នាំ​ជម្ងឺ​ផ្លូវចិត្ត​។


•​ការព្យាបាល​ជម្ងឺ​៖ ការព្យាបាល​ជាច្រើន​ដូចជា ការព្យាបាល​ដោយ​ប្រើ​កាំរស្មី​សម្រាប់​ជម្ងឺ​មហារីក​អាច​កាត់បន្ថយ​ជាតិ​រំអិល​នៅក្នុង​ទ្វារមាស​។ ការព្យាបាល​បែបនេះ​ក៏​អាច​ធ្វើអោយ​ស្បែក និង​ភ្នាស​ដែល​ក្រាល​ពីលើ​ប្រដាប់​បន្ត​ពូជ​ទៅ​ជា​ឈឺ​ចាប់បាន​។

មាន​ប្រវត្តិ​ត្រូវបាន​គេ​ចាប់រំលោភ​៖ ស្ត្រី​ម្នាក់​ដែល​ទទួល​ការ​រងកម្ម​ដោយសារ​ការចាប់រំលោភ​ប្រហែលជា​មាន​បញ្ហា​លើ​ការទុកចិត្ត​ដៃគូរ​របស់​នាង និង​មិន​អាច​ទទួល​ការ​សម្រើប​បានទេ​។ នាង​ប្រហែលជា​មាន​អារម្មណ៍​ភ័យខ្លាច មាន​កំហុសឆ្គង ឬ​ខឹង​ក្នុងពេល​ដែល​ទទួលបាន​ភាពសប្បាយ​រីករាយ​នេះ ទោះបីជា​នាង​យកចិត្តទុកដាក់​យ៉ាង​ជ្រៀលជ្រៅ​អំពី​ដៃគូរ​របស់​នាង​ក្នុងពេល​បច្ចុប្បន្ន​ក៏​ដោយ​។​


•​បញ្ហា​ផ្លូវភេទ​របស់​ដៃគូរ​៖ ប្រសិនបើ​ដៃគូ​របស់​ស្ត្រី​ម្នាក់​មាន​បញ្ហា​ផ្លូវភេទ​ដូចជា ការ​ងាប់​លិង្គ ឬ​កង្វះ​ចំណង់​ផ្លូវភេទ ហេតុការណ៍​ក៏​ញាំ​ង​អោយ​រូប​នាង​មិន​អាច​ទទួលបាន​ភាពសប្បាយ​រីករាយ​ដោយ​ខ្លួនឯង​បាន​ដែរ​៕

ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855