បុរសយើងកំសត់ណាស់ ជាពិសេស ទាក់ទងនឹងលិង្គតែម្តង ដោយខ្លះ លិង្គរបស់ពួកគេ កោងទៅម្ខាង ឡើងលើ ឬចុះក្រោមនៅពេលឡើងរឹង។ ទោះបីជាយ៉ាងណាក៏ដោយ វានេះគឺជារឿង ដែលគេជួបប្រទះជាញឹកញាប់ ប៉ុន្តែ បុរសភាគច្រើន គឺមិនមានបញ្ហានឹងរឿងនេះឡើយ។ ជាទូទៅ ការកោងរបស់លិង្គ អាចជាបញ្ហាបាន លុះត្រាតែមានការឈឺចាប់ ឬរំខានដល់ការរួមភេទ។
នៅពេលអ្នកមានសម្រើបខាងផ្លូវភេទ លំហូរឈាមទៅក្នុងលិង្គនឹងកើនឡើង និងធ្វើឱ្យលិង្គនោះរឹង។ លិង្គដែលកោង ជាទូទៅ កើតឡើងនៅពេលដែលកន្លែង ទទួលលំហូរឈាមរបស់លិង្គ មិនអាចរីកមាឌបាន។ រឿងនេះ ភាគច្រើនកើតឡើងដោយសារតែ ភាពខុសគ្នាធម្មតាៗ របស់រចនាសម្ព័ន្ធលិង្គទេ ប៉ុន្តែពេលខ្លះ ជាលិកាសម្លាក ឬបញ្ហាផ្សេងណាមួយ ក៏ជាដើមចមនៃបញ្ហាលិង្គកោង និងឈឺ ពេលឡើងរឹងដែរ។
មូលហេតុ ដែលអាចធ្វើឱ្យលិង្គកោងបាននោះ មានដូចជា ៖
1. ភាពខុសៗគ្នាធម្មតា ក្នុងរចនាសម្ព័ន្ធលិង្គ
2. ជំងឺប្រព័ន្ធភាពស៊ាំ ធ្វើការខុសប្រក្រតី
3. មានភាពមិនធម្មតា នៃជាលិកាកូឡាជែនពីកំណើត
4. របួសនៅលិង្គ
5. ជំងឺលិង្គកោង Peyronie’s Disease។
ភាពកោងរបស់លិង្គ ច្រើនតែមិនត្រូវការការព្យាបាលអ្វីឡើយ ប៉ុន្តែ បើសិនជាលិង្គនោះកោងខ្លាំងពេក ដែលគ្រប់គ្រាន់នឹងបង្កការឈឺចាប់ ឬរំខានដល់ការរួមភេទនោះ អ្នកគួរតែពិគ្រោះជាមួយគ្រូពេទ្យទៅ ជាពិសេស គ្រូពេទ្យជំនាញខាងជំងឺផ្លូវភេទ និងផ្លូវទឹកមូត្រ៕
