មូលហេតុទូទៅបំផុតនៃជំងឺទាចទឹកគឺមកពីជំងឺថ្លើម ឬជំងឺក្រិនថ្លើម។ ប្រហែល៨៥%នៃករណីនៃជំងឺទាចទឹកត្រូវបានគេគិតថាបង្កឡើងដោយជំងឺក្រិនថ្លើម។ ទោះបីជាចលនការពិតនៃជំងឺទាចទឹកមិនត្រូវបានគេដឹងច្បាស់ក៏ពិតមែន, ប៉ុន្តែភាគច្រើនបង្ហាញថាមកពីកើនឡើងសម្ពាធនៅនឹងសរសៃឈាមថ្លើមដែលជាអ្នកជម្រុញអោយមាន។
ភាពរួមគឺស្រដៀងគ្នាទៅនឹងការបង្កើតជាហើមនៅកន្លែងផ្សេងនៅក្នុងខ្លួនដែលត្រូវបានបង្កឡើងដោយការមិនមានស្ថេរភាពនៃសម្ពាធរវាងផ្នែកខាងក្នុងនៃចរន្តឈាម និងផ្នែកខាងក្រៅ ដែលក្នុងករណីនេះ, គឺនៅក្នុងប្រហោងពោះ។ ការកើនឡើងសម្ពាធនៅនឹងសរសៃឈាមថ្លើម និងការថយចុះអាល់ប៊ុយម៊ីនអាចទទួលខុសត្រូវក្នុងការបង្កើតជាសម្ពាធ និងបណ្តាលអោយកើតមានជាទាចទឹកនេះ។
កត្តាដទៃទៀតដែលអាចនាំអោយចេញជាទាចទឹក គឺការចាល់អំបិល និងទឹក។ ចំនុះឈាមនៅចរន្តឈាមអាចត្រូវបានទាបដោយសញ្ញានៅក្នុងតម្រងនោមដែលបង្កើតជាទាចទឹក អាចថយចុះចំនុះឈាម។ សញ្ញានេះធ្វើអោយតម្រងនោមស្រូបជាតិប្រៃ និងទឹកបន្ថែមដើម្បីបំពេញចំនុះឈាមដែលបាត់។
មូលហេតុដទៃទៀតនៃទាចទឹកដែលត្រូវបានទាក់ទងទៅនឹងការកើនឡើងសម្ពាធនោះ គឺរួមមាន ជំងឺខ្សោយបេះដូង និងជំងឺខ្សោយតម្រងនោមដែលត្រូវបានបង្កអោយមានចាល់ជាតិទឹកពេញនៅក្នុងខ្លួន។
ក្នុងករណីកម្រ, កើនឡើងសម្ពាធនៅក្នុងចរន្តឈាមថ្លើមអាចត្រូវបានបង្កដោយការស្ទះផ្នែកខាងក្នុង ឬខាងក្រៅនៃសរសៃឈាមថ្លើម ដែលបណ្តាលអោយកើនឡើងសម្ពាធឈាមថ្លើមដោយមិនមានជំងឺក្រិនថ្លើម។ ឧទាហរណ៍នៃដុំដែលសង្កត់លើសរសៃឈាមថ្លើមពីផ្នែកខាងក្នុងនៃប្រហោងពោះ ឬការកកើតកំណកឈាមនៅក្នុងសរសៃឈាមថ្លើមដែលនាំអោយស្ទះលំហូរធម្មតា និងបង្កើនសម្ពាធឈាម។
ទាចទឹកក៏អាចជាសញ្ញានៃជំងឺមហារីកមួយចំនួនផងដែរដូចជា malignant ascites។ ប្រភេទនៃទាចទឹកនេះ គឺជាការកំណត់សម្គាល់នៃជំងឺមហារីកនៃសរីរៈនៅក្នុងពោះដូចជា ជំងឺមហារីកពោះវៀនធំ, ជំងឺមហារីកលំពែង, ជំងឺមហារីកក្រពះ, ជំងឺមហារីកសុដន់, ជំងឺមហារីកសួត ឬជំងឺមហារីកក្រពេញអូវែ។
ទាចទឹកដោយសារលំពែងអាចត្រូវបានឃើញចំពោះអ្នកដែលមានជំងឺរលាកលំពែងរ៉ាំរ៉ៃ ឬការរលាកលំពែង។ មូលហេតុទូទៅបំផុតនៃជំងឺរលាកលំពែងរ៉ាំរ៉ៃ គឺដោយសារការផឹកស្រាយូរឆ្នាំ។ ទាចទឹកដោយសារលំពែងក៏អាចត្រូវបានបង្កឡើងដោយជំងឺរលាកលំពែងស្រួចស្រាល ក៏ដូចជាការប៉ះទង្គិចលើលំពែងផងដែរ៕
