ហេតុផលដំបូងគេមួយសម្រាប់បញ្ហាទាំងអស់ដែលទាក់ទងនឹងភ្នែកនោះគឺដោយសារតែរ៉ាឌីកាលសេរី ឬការកង្វះជីវជាតិសំខាន់ៗ។ ជាមួយនឹងការចាស់តាមអាយុ និងការកង្វះជីវជាតិការពារខ្លួន ការធ្វើអុកស៊ីតកម្មដែលមានគ្រោះថ្នាក់ ឬរ៉ាឌីកាល់សេរីអាចបង្កអោយទៅជាគ្រោះថ្នាក់ធ្ងន់ធ្ងរដល់ភ្នែកបានដូចជា ស្ងួតភ្នែកខ្លាំង, ជំងឺខូចសរសៃប្រសាទអុបទិច, ជំងឺ Macular Degeneration, ខ្វាក់ភ្នែក និងប្រឈមកាន់តែខ្លាំងនឹងការបង្ករោគផងដែរ។
អង់ទីអុកស៊ីដង់ដូចជា Flavonoids, Phenolic Phytochemicals និង Elagic Acid ដែលសុទ្ធតែមានក្នុងផ្លែស្ត្របឺរីនោះ អាចជួយអោយអ្នកចៀសផុតពីបញ្ហាដូចរៀបរាប់ខាងលើបាន។ ជំងឺមួយផ្សេងទៀតដែលផ្លែស្ត្របឺរីអាចជួយបាននោះគឺជំងឺឡើងសម្ពាធក្នុងភ្នែក។ រាល់ការំខានក្នុងសម្ពាធមួយនេះអាចជាការគ្រោះថ្នាក់បំផុតដល់ភ្នែកបាន។ ផ្លែស្ត្របឺរីមានប្រយោជន៍បំផុតដោយសារតែវាផ្ទុកទៅដោយជាតិប៉ូតាស្យូម ដែលអាចជួយថែរក្សាសម្ពាធធម្មតារបស់ភ្នែកបាន៕
