ជាទូទៅ ផ្លែបឺត្រូវបានគេចាត់ទុកថាជាផ្លែឈើផ្តល់នូវសុខភាព ព្រោះវាផ្ទុកទៅដោយជាតិខ្លាញ់ល្អៗច្រើន។ ផ្លែបឺគឺជាប្រភពដ៏ល្អមួយនៃជាតិខ្លាញ់ Monounsaturated Fats, Folate, វីតាមីន B6, សារធាតុ Carotenoids ដូចជា Lutein និង Beta-carotene ព្រមទាំង Chlorophylls ជាច្រើនទៀត។
ផ្លែបឺសម្បូរទៅដោយសារធាតុ Cytochrome P-450 ដែលជាអង់ស៊ីមចូលរួមក្នុងការបំបែកជាតិថ្នាំ និងបំបែកអ័រម៉ូន Estrogen ដែលជាហេតុនាំអោយមិនអាចប្រើលើអ្នកជំងឺមហារីកសុដន់បានទេ។
ការសិក្សាមួយបានរកឃើញថា របបអាហារដែលមានជាតិប្រេងរបស់ផ្លែបឺច្រើន បានធ្វើអោយបង្កើតទៅជាដុំសាច់មហារីកនៅដោះរបស់សត្វកណ្តុរ។ ការសិក្សាមួយផ្សេងទៀតទៅលើស្ត្រីក្រោយរាំងរដូវជនជាតិអាមេរិកបានរកឃើញថា ការទទួលទានផ្លែបឺមានជាប់ទាក់ទងនឹងចរន្តកម្រិតអ័រម៉ូនអេស្ត្រូជែនឡើងកាន់តែខ្ពស់៕
